EZEKIA 22:12 - Mara Bible RV (BSI)

¹² Thisaih palo nawpa ta, panaopapana khihpi chhôh liata la ei ta, a pôhna nata â thôhna la chi ta, na vaihzy tlybaipa ta athôhna hmô chi ta, kei deikua cha eina my ha chi,” Abeipa Zehôvâh ta a tah.

EZEKIA 22:12 ပူးပေါင်းရင်းမြစ်များ

NEHEMIAH 5:1

Chatawhcha zawpizy nata ama la­pinôzy ta ama unawh Zuzy chô liata paphôhpa ta thata awh ei ta.

NEHEMIAH 5:7

Kei nata kei ta a chhohia na ta, nôpawpazy nata ryureituhpazy maochhie ei na ta, ama hnohta, “Nama unawhzy tawhta apôhna la ei chi ta,” tah na ta, ama thâtih pachâ awpa ta zawpi awpakhy na ta,

HLAZY 106:21

Âmo pachhatuhpa Khazohpa my ei ta, Izi râh liata hmo rônahpazy a taotuhpa kha ama my haw.

HLAZY 15:5

A pôhna chhaota a sôh dyu a pacheisa leipa, Moleina a hnei leipa thailei pachâsa nawpa ta panaopapana a la leipa; Chazy chata na poh o liata tlôh aw ei ta, Na tlâh pathaihpa liata ama pahrâ aw. Cha hmozy a taotuhpa cha a chalyu beih aw vei.

BIESOZY 1:19

He he avyuhna ta athôhna a chadaipa karâypa chyhsa zydua chhâna a châ, Avyuhna ta hneipa sôh chata a hneituhpazy hrona a pahlei tyh.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 17:10

Na pachhana Khazohpa my ha chi ta, Nâ chhaina Lôpanô nâ thei khao leipa vâta, Tho pha chaipazy bôpa ta, Râh hro lâ tawhta kre chiah loh chi ta,

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ZEREMIAH 2:32

Laihsa kôpa ta a sôh nata thih atobinazy a my aw ma? Myuh ta a myuh chysia a my thei aw ma? Ei phopi deikua cha na my ha ei ta, Noh rei tiah lei eina my ha ei.

ZEREMIAH 3:21

Izarei sawzy cha ama lâpi pavia ei ta, Abeipa ama Khazohpa ama my hapa vâta, Awphy tlâh lakizy liata ao theipa châ ta, Izarei sawzy chana nata ahawna aozy theipa a châ.

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

EZEKIA 18:13

a pôhna hneipa ta a sôh dyu pacheisapa ta, â thôhna a la khiahta cha, a hroh aw ma? Hro aw vei. Cha hmo pasichhihpa zydua cha tao ha ta, a thi tlai awpa a châ. Ano thisaih maoh cha ano chô liata a y aw.

EZEKIA 18:8

a pôhna hneipa ta a sôh dyu pacheisa leipa ta, â thôhna la hra leipa ta, adoleina tao lei awpa ta a ku pako ha sala, pachiana dopa ta chyhsa nata chyhsa likah pachia sala,

EZEKIA 23:35

“Chavâta Abeipa Zehôvâh ta hetana heta a tah: Na my ha chi ta, hnôh eina chhy hapa vâ chi ta, na aohraohna nata nâ zuana maoh cha nâma ta na phaoh awpa a châ.”

EZEKIA 36:12

Nama chô liata chyhsazy chareisa aw ei na ta, ei phopi Izarei sawzy ei chareisa aw ei. Âmo ta na tlâh liata pahrâ aw ei ta, ama ryuto râh châ aw chi ta, ama sawzy pathisa khao aw va chi.

THEIHTHAINA 19:13

“Na vaih na tlybai awpa châ leipa ta, ano cha na hrao awpa châ vei. Raihriatuhpazy hlao pie leipa ta, azozâkhihdei nâ vao awpa châ vei.

THEIHTHAINA 25:37

Apôhna chhaota na sôh dyu na pacheisa awpa châ leipa ta, athôhna tluapa ta niedo na pie awpa châ vei.

AMÔSÂ 8:4

Nâmo, phahlapazy palâ khai ei chi ta, Râh liata rietheipazy a thie khaipazy saih u, He bie he thei teh u.

AMÔSÂ 8:6

Tâkâ ta dyhchhiepazy chaleipa ta, Pheiky bao kha ta phahlapazy chalei aw pi ta, Sâh sihpazy eima zuah aw,” A tah tyhpazy saih u, He bie he thei teh u.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 23:25

“Nâmo, ryhpa pachutuhpa nata Phârisaih phapakheipazy saih u, nama hu a po na! Nyu nata beikoh zy a chô lâ pasi ei chi ta, a chhôh lâ deikua cha, karâhneina nata asohsi thei leina ta a bie.

LUKA 18:11

Phârisaih cha a duah ta, he hawhta thlah a chhâ: ‘Khazohpa y, mohropazy hawhta avyuhpa, chyhsa doleipa nata apheipa châ leipa na ta, he chhiekheituhpa hawhna chhao heta ei châ leipa vâta alyna bie ei cha hlâ.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

LUKA 3:13

Ano ta ama hnohta, “Chhie nama khei awpa zie hlâta a hluh via khei khuh vy,” tah ta.

1 KAWRINI 5:11

Tahmâ deikua cha, ahy rai ngiapâna liata unawh moh phaoh tlôh ta, apatlana, khohleikhona, nothlahpa achhyna, chyhsa reipachhiena, sahma parina nata paruna moleinazy a tao thlâh ha khiahta cha, a pahlao lei awpa ta, nâmo lâta châ ei vaw roh. Cha hawhpa chyhsa cha pati chhao nielâh awpa châ vei.

1 KAWRINI 6:10

aparupazy, khohleikhopazy, sahma paripazy, chyhsa a reipachhie thaipazy nata avyuhna a taopazy cha Khazohpa khinarâh to aw veih ei.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

RYHPACHANEINA 23:19

“Apôhna hneipa ta nama unawhzy dyu nama pacheisa awpa châ vei. Tâkâ liata apôhna tlyma, niedo liata apôhna tlyma, apôhna hneipa ta khâpa hmah dyu nama pacheisa awpa châ vei.

RYHPACHANEINA 27:25

“Paraona hnei leipa thie nawpa ta panaopapana a lapa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 32:18

Châ satuhpa Lôpanô pachâ khao leipa ei chi ta, Châ taotuhpa Khazohpa nama my haw.

1 TIMAWTHY 3:3

kresawhti pari hmâh leipa, thachahra hmâh leipa chyhsa nônaipa, ahryuchhiana a tao leipa nata tâkâ sôh liata karâ y leipa a châ awpa a châ.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.