EZEKIA 22:11 - Mara Bible RV (BSI)

¹¹ Chyhsa ta a vaih lapinô chô liata hmo pasichhihpa tao ta, mohropa ta sihryh ngaitapa ta a myuhnô papuapalei ta, mohropa ta a sietanô, a paw sawchanô tlai cha khihpi chhôh liata a ykhei.

EZEKIA 22:11 ပူးပေါင်းရင်းမြစ်များ

2 SAMUELA 13:1

Cha khai tawhta hetana heta vaw châ ta, Dâvi sawchapawpa Absalaw ta sietanô hmi pha ngaitapa hnei ta, a moh cha Tâmâri a châ. Dâvi sawchapawpa Amanaw ta Tâmâri cha khoh ta.

2 SAMUELA 13:11

Paniesa awpa ta a kiapâh lâ a vawkhei nahta, a ku vaw patu ta, a hnohta, “Ei sietanô, a vy la, ei hnohta a vaw zia teh,” tah ta.

2 SAMUELA 13:14

Châhrasala a bie nathlie khoh leipa ta. A sietanô hlâta a thatlô via tlôh ta, patupakhi ta, a ziakhei ha ta.

ZEREMIAH 29:23

Izarei râh liata hmo chhie ngaitapa taopa ta ama vaih lapinôzy liata a phei ei ta, bie ei pie leipa pi tlai ta, ei moh ta haipa biezy ama reipa vâta, cha hawhta taopa ama châ aw. Cha cha a pahnotuhpa nata a pahnokheituhpa ei châ,” Abeipa ta a tah.

ZEREMIAH 9:2

Râhchawhpa liata khichhai riebu ei hnei mawh sala, Ei phopi he siesaipa ta, Âmo tawhta ei pua syulyu ha awpa tlai! Ama zydua ta apheipazy châ ei ta, Haiphiahpa ypakhypa ama châ.

EZEKIA 18:11

ano ta a tao leipa chhao ta, a sawchapawpa chata tlâhpizy liata pati niepa ta, a vaih lapinô papuapalei sala,

EZEKIA 18:6

tlâhpizy liata pati nie leipa ta, Izarei pathlazy khazoh nothlahpazy lâ a mo khaih leipa ta, a vaih lapinô papuapalei leipa ta, chanô a thaitlyh lei nota a hnia leipa sala,

EZEKIA 33:26

Zaozi a ngâchhâ ei chi ta, hmo pasichhihpazy taopa ta, chyhsa to ta nama vaih lapinô nama papuapalei. Kheihta râh cha nama hnei thei aw?

THEIHTHAINA 18:15

“Na myuhnô hno na ty awpa châ vei. Na sawchapawpa lapinô châ ta, a thluahruana na palâ awpa châ vei.

THEIHTHAINA 18:20

“Na vaih lapinô a ziakheipa ta, ano vâta nâ papuapalei awpa châ vei.

THEIHTHAINA 18:6

“Ahy hmahta nama chhôhkha sipazy a hniapa ta, ama hno ty ta, ama thluahruana palâpa ta namâ ziakhei awpa châ vei. Kei he Abeipa ei châ.

THEIHTHAINA 18:9

“Na sietanô hno na ty awpa châ vei. Na paw sawchanô rai châ sala, na nô sawchanô rai châ sala, o kha liata na pilâhpa chhao, o hro lâta a pihpa chhao, a hno rai na ty awpa châ vei.

THEIHTHAINA 20:10

“Ahy rai chyhsa lapinô liata tlyma, a vaih lapinô liata tlyma â phei khiahta cha, apheipaw nata apheinô cha ama pano ta thie thlyu awpa a châ.

THEIHTHAINA 20:12

Chyhsa ta a myuhnô â ziakhei khiahta cha, ama pano ta thie thlyu awpa a châ. Molei chotlua a chohpa châ ei ta, ama thisaih maoh ama phaoh aw.

THEIHTHAINA 20:17

“Chyhsa ta a sietanô, a paw sawchanô tlyma, a nô sawchanônô tlyma hneipa ta, a sietanô thluahruana hmôpa ta, a sietanô chhao ta a rilâhpa thluahruana a hmô khiahta cha, nozachhih ngaitapa châ ta, ama phopi chyhsazy mohmô liata pahleipadia awpa ama châ. A sietanô thluahruana a palâpa châ ta, a paraona maoh a phaoh aw.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

KALATIA 5:19

Sapa hmotaopazy cha a lâ thlâh ha ta, hezy he a châ: Apatlana, palôh pathaih leina, parâna,

RYHPACHANEINA 22:22

“Chyhsa ta chyhsa hropa lapinô â ziakheipa hmôpa a châ khiahta cha, ama pano ta, a ziakheituhpa chapaw chhao, chanô chhao, ama thi awpa a châ. Cha hawhna chata hmo pha leipa cha Izarei tawhta nama pahlei aw.

RYHPACHANEINA 27:22

“A sietanô, a paw sawchanô tlyma, a nô sawchanô tlyma, a ziakheipa cha chhiesapa ta y mawh sy,” tah aw ei ta, zawpi ta, “Amen” ama tah aw.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.