EZEKIA 21:7 - Mara Bible RV (BSI)

⁷ ‘Khazia nâ hrô?’ ama cha tah khiahta cha, ‘Thâtih a vaw tlô haipa vâta a châ. Cha tita cha palôh to dua aw ta, ku zydua thazeipa ta a y aw. Hro to panao aw ta, pakhu zydua ti hawhta a nai aw. Moh teh, cha daihti cha vaw tlô hai ta, cha hmo cha patlôpa a châ aw, Abeipa Zehôvâh ta a tah,’ tahpa ta reih mah y,” tah ta.

EZEKIA 21:7 ပူးပေါင်းရင်းမြစ်များ

2 SAMUELA 17:10

chakeibarôhneipa palôh a phaohpa pasaiphazy palôh taihta a dua khai ha aw. Na paw cha chyhsa thatlôpa châ ta, a hnohta a ypazy chhao pasaiphazy ama châzie Izarei zydua ta pahno khai tlôh ei ta.

2 ABEIZY 21:12

Chavâta Abeipa, Izarei Khazohpa ta hetana heta a tah: Pachâ teh u, Zerusale nata Zudâh chô liata chhiena rarôh ypa patlôsa aw na ta, a theipa maihta ama nah kârano ta â za aw.

HLAZY 58:7

Ti a loh pathlahpa hawhta lei ei sala, Ama châtaizy ta ama mopâ tita a hmao a bih ha mawh sy.

PUASAINA 15:15

Edômâ beizy chihuhpa ta y ei ta, Môabâ pasaiphazy amâ chalyu; Kâna mo zydua chipa ta ama zao khai haw.

ISAI 13:7

Chavâta ku zydua thazeipa ta y aw ta, Chyhsa to palôh a zao khai aw.

ISAI 28:19

Tisaih tlôna maihta cha la aw ta, My chareih ta tisaih vaw tlôpa ta, Chhô nah zâ ta vaw tlô aw ta, A bietapa yzie pahnopa a châ tita la, Chi â chhih ngaita aw.

ISAI 35:3

Ku chiehleipazy cha thapatlô u la, Pakhu chalyupazy pa-i teh u.

ISAI 7:2

Aramia ta Epharai nata azaona a taopa kyh Dâvi pathlazy ama chho nahta, Ahâza nata a chyhsazy palôh cha lyurâhpa thokôzy thlih ta a chalyupa hawhta a chalyu ta.

ZEREMIAH 26:12

Zeremiah ta beimachâzy nata zawpi zydua hnohta, “Bie nama theipa zydua kha, Abeipa ta na tuah ta, he o nata he khihpi rao nawpa kyh hrohsona bie eina paphuahsapazy a châ.

ZEREMIAH 49:23

He he Dâmaskâ kyh a châ: “Hâmathi nata Apâ cha, Thâtih chhiepa ama theipa vâta, Nozapa ta ama y. Chipa ta zao khai ei ta, Tilaipi chalihsa thei leipa hawhta, Tymâpa ta ama y.

ZEREMIAH 50:43

“Babylaw bei cha ama thâtih a thei nahta, A bâhtha a tlo khai haw; Nôpona ta patu ta, Chanô sawzeih pasapa tlu ta pasana ta a patu haw.

ZEREMIAH 8:18

Ei lyna lei ha ta, Pachârôhna na vaw tlô thlupa ta, Palôh pasana sai ta ei bie haw.

CHAPHÔHTUNA 5:17

He vâna heta eima palôhzy panao ta, Hezy vâna heta eima mozy a zoh haw,

EZEKIA 20:49

Chatawhcha kei ta, “Âh, Abeipa Zehôvah! Chyhsazy ta, ‘Pakhona bie ma a rei vei,’ eina tah ei,” tah na ta.

EZEKIA 21:15

Chatanachata ama palôh dua aw ta, chyhsa hluhpi ama pao aw. Ama thokhy chhikao zydua zaozi patliepa hnohta ei hlâ haw. Cha cha dôhla hawhta taopa zaozi châ ta, thie nawpa ta taopa zaozi a châ.

EZEKIA 21:6

“Chavâta chyhsa sawchapawpa y, palôh keichheihpa nata pachâchhie ngaitapa ta a hrô la, ama mohmô lia tlai ta a hrô mah y.

EZEKIA 21:8

Abeipa bie ei hnohta vaw tlô heih ta:

EZEKIA 22:14

Na chô liata hmo ei taona nohzy liata, na riahphana pachyu theipa ta, ku thatlôpa ta na y thei aw ma? Kei Abeipa ta reih ha na ta, ei tao aw.

EZEKIA 24:19

Zawpizy ta ei hnohta, “Kha hawhta hmo na taopazy kha, eima châta khâpa yzie ma a hnei tahpa miah chho aw va chi ma?” tah ei ta.

EZEKIA 6:2

“Chyhsa sawchapawpa y, Izarei tlâhpizy lâ a heih la, ama hnohta hrohsona bie phuah teh.

EZEKIA 7:17

Ku zydua thazeipa ta y aw ei ta, pakhu zydua ti hawhta a nai aw.

EZEKIA 7:26

Chhiena nata chhiena a patho aw ta, bie pathâhpa nata bie pathâhpa â pazi aw. Hraoleipa ta hrohsopa tawhta aluahna tlua aw ei ta, theihthaipazy tawhta ryhpa lei aw ta, machâzy tawhta ryhraokheina a lei aw.

DÂNIAH 5:6

Abei cha a hmia vaw hlâh khai ha ta, a palôh thata a tymâ ta, a pheizy a chalyupa ta a pakhuzy a chakhyh ta.

THEIHTHAINA 26:36

Nama hry liata laibâhpazy cha, ama chariahpazy râh liata palôh thazeipa ta ei paysa aw ei. Chhohna raohpa tlapa pyu ta âmo cha a chadai aw ta, zaozi tawhta a râpa hawhta a râpai aw ei ta, ahy ta hmahta amâ chadai leipa chhao ta ama pao aw.

NÂHU 2:10

Roryhrapa ta y ta, Roryhrana nata raona ta a bie; Palôhzy zao ta, Pakhuzy â chakhyh; Chai zydua pasa ta, Hmia zydua a hlâh khai haw.

LUKA 21:26

Avâ hmotaotheinazy a chalyu aw ta, khizaw liata hmo a vaw tlô awpa pachâpa ta, chyhsazy chipa ta ama panao aw.

RYHPACHANEINA 20:8

Hyutuhpazy ta zawpi hnohta reih via aw ei ta, ‘A chipa nata riahchhiepa nama y ma? Kua sala a o lâ a di mawh sy. Chataleipatala ano palôh duapa hawhta a unawhzy palôh a paduasa pathlei aw,’ ama tah aw.

HEBRAI 12:12

Chavâta nama bâh pathliahpazy chalo u la, nama pakhu thazeipazy thapatlô teh u.

ZAWSUA 5:1

Izarei sawzy Zawdâh ama chaka khai hlâlei Abeipa ta Izarei sawzy hmiakô liata Zawdâh tizy a pakua tahpa thâtih cha, Zawdâh haosâ notla lâta a ypa Amawri bei zydua nata tilaipi kiah liata a ypa Kâna bei zydua ta ama thei nahta, Izarei sawzy vâta ama pathipalôh zao khaipa ta, ama thlah a hua khai ha ta.

ZAWSUA 7:5

Ai chyhsazy ta Izarei chyhsa sythôh nata pacharu thie ei ta, thokhy chhikao tawhta Sebari taihta a chadai ei ta. Chhutla ama chô nota thie ei ta, zawpizy palôh ti hawhta a zao khai haw.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.