EZEKIA 21:5 - Mara Bible RV (BSI)

⁵ Chatanachata chyhsa zydua ta kei Abeipa heta ei zaozi a paih tawhta phia ha na ta, a paih liata khô heihpa châ khao aw vei, tahpa ama pahno aw.

EZEKIA 21:5 ပူးပေါင်းရင်းမြစ်များ

ISAI 45:23

Ei moh a reipa ta keimasasyh ta bie a taih na ta, Ei pakah tawhta siana ta bie pua ha ta, Vaw kua khao aw vei. Pakhu to ei hmiakô liata paneih aw ei ta, Paleih to ta na pazi awpa ta bie amâ taih aw.

ISAI 55:11

Cha hawhna hra chata ei bie chhao, Ei pakah tawhta pua aw ta; Aruapa ta kei lâ vaw kua aw vei. Ei chhuahpa patlô aw ta, Ei tuana chhâpa rai a pangoh aw.

ZEREMIAH 23:20

A palôh ta â chhuahpazy tao aw ta, A patlô hlâlei cha, Abeipa hiehâhna cha kua aw vei. Cha cha noh hnôhlâzy liata Nama pahnopasia aw.

ZEREMIAH 25:27

“Chatawcha ama hnohta hetana heta na tah aw: ‘Pheisaihzy Abeipa, Izarei Khazohpa ta hetana heta a tah: Nama hry liata zaozi ei vaw tuah awpa vâta, doh u la, pari u la, pali u la, pao u la, thyu khao khah u.’”

EZEKIA 17:2

“Chyhsa sawchapawpa y, Izarei pathlazy hnohta phôhzuapa nata pakhona bie hmâpa ta bie reih la, ama hnohta hetana heta reih teh.

EZEKIA 20:48

Kei Abeipa ta ei papuapa mei a châ tahpa chyhsa zydua ta hmô aw ei ta, pachhaipa châ aw vei,’ tahpa ta chho mah y” tah ta.

EZEKIA 21:30

“‘Zaozi cha a paih liata khô heih mah y. Paysapa na châna su, na puana râh lia tlai ta, ei cha pachia aw.

EZEKIA 21:6

“Chavâta chyhsa sawchapawpa y, palôh keichheihpa nata pachâchhie ngaitapa ta a hrô la, ama mohmô lia tlai ta a hrô mah y.

NÂHU 1:9

Khazia Abeipa cha nama tei tly? Tlokhuh chhâna patlôsa aw ta, Ano a thyuhnao chaneipa chariahpa y aw veih ei.

RYHPACHANEINA 32:40

Avâ lâ ei ku pazawh na ta, Tlyzaw ta a hrohpa ei châna moh reipa ta, Bie ei taih.

1 SAMUELA 3:12

Eli pathlazy kyh ei reipa zydua kha, cha noh liata âthaona tawhta achhâna taihta a chô liata ei patlôsa aw.