EZEKIA 21:14 - Mara Bible RV (BSI)

¹⁴ “Chavâta chyhsa sawchapawpa y, hrohsona bie phuah mah y. Na ku chabaih la, zaozi ta ei no chhawh sala, a châ na, ei thôh chhawh mawh sy. Cha zaozi cha thie nawpa zaozi châ ta, âmo dôhpa ta, thiena rarôh ypa ta a thie awpa zaozi a châ.

EZEKIA 21:14 ပူးပေါင်းရင်းမြစ်များ

2 ABEIZY 24:1

Zehôki â bei nota Babylaw bei Nebukaneza ta Zerusale siehnao ta, Zehôki cha ano chakaotuhpa ta kô thôh y ta. Cha khai tawhta Zehôki ta Nebukaneza cha a heihsaipa ta, a chariah ha ta.

MALUHREINA 24:10

Chatawhcha Bâlâka cha Bâlâma chô liata a pathi ia ta, a ku nata a ku thata a chô ta, Bâlâka ta Bâlâma hnohta, “Ei chariahpazy chhiesapa awpa ta cha aw na ta, pachâ teh, ei thôh dua byhnâ na awpa ei.

EZEKIA 6:11

Abeipa Zehôvâh ta hetana heta a tah: “Na ku chabaihpa ta, na phei a tlai la, ‘Cha rimâ cha, Izarei pathlazy moleina pasichhihpazy vâta, zaozi ta pao aw ei ta, chakâhna ta paopa ta, potlana ta ama pao aw he zaw,’ tah mah y.

THEIHTHAINA 26:24

kei chhao nâmo kho leizie ta y aw na ta, keima tlai ta nama moleinazy vâta a lie sari ta ei cha hrie aw ei.

THEIHTHAINA 26:21

“Ei kho leinazie ta ypa ta, ei bie nama nathlie vei khiahta cha, nama moleinazy hawh lymâ ta potlana a lie sari ta nama chô liata ei patlôsa aw.

AMÔSÂ 9:2

“Athihkhih taihta khaoh chao hra ei sala, Cha tawhtapa cha ei ku ta thaoh aw ei na ta; Avâ taihta kiah hra ei sala, Cha tawhtapa cha ei daophi pathlah aw ei.

DÂNIAH 3:19

Nebukaneza cha a hiehâh ngaita ta, Sâdarâka, Mesâka nata Abenekô zy chô liata a hmiaphao a nano khai ha ta. Patina mei cha a sah tyhpa hlâta a lie sari ta pasah awpa ta biepie ta.

EZEKIA 21:17

Kei chhao ei ku chabaih aw na ta, ei pathiiana a pai ha aw, kei Abeipa ta ei reih haw, tahpa ta na reih aw,” tah ta.

EZEKIA 8:12

Chatawhcha ei hnohta, “Chyhsa sawchapawpa y, Izarei pathla machâzy ama khazoh nothlahpa chhôhpadâhpa chyu liata y ei ta, zohna liata hmo ama taopazy kha na hmô ma? ‘Abeipa ta miah hmô bao vei, Abeipa ta râh he a siesai ha bao na,’ ama tah khaw,” tah ta.

1 ABEIZY 22:25

Mikai ta, “Pachâ teh, chhôhpadâhpa chhôh chaipa liata a nyu awpa ta nâ ngia noh ta na pahno aw,” tah ta.

1 ABEIZY 20:30

Ahrohpazy cha Aphe khih chhôh lâ a râ ei ta, amâ râsaipa pheisaih 27,000 cha thokhy ta cho thlu ha ei ta. Benhadâ chhao a râ ta, khihpi chhôh liata chhôhpadâhpa chhôh chaipa liata a ngia ta.

EZEKIA 21:13

Pasiana y tlôh aw ta, zaozi mohnaopa chôchahrei cha y khao leipa sala, kheihta a châ aw?’ Abeipa Zehôvâh ta a tah,” tah ta.

ZEREMIAH 47:7

Abeipa ta bie a cha pie ha khiahta cha, Kheihta ma nâ chalih thei aw? Askelaw nata tilaipi kiah râh a dyuh awpa ta, Abeipa ta a cha rao haw.”

EZEKIA 28:23

A chhôh liata potlana patlôsa aw na ta, A khiliahzy liata thisaih lona ei patlôsa aw; Thiepazy a chhôh liata pao aw ei ta, Kaokih tawhta zaozi ta ama pao aw; Chatanachata Abeipa ei châ tahpa ama pahno aw.