EZEKIA 21:12 - Mara Bible RV (BSI)

¹² Cha hmo cha ei phopi chô liata a tlô awpa a châpa vâta, Hy chyhsa sawchapawpa y, awh la, thata sâh mah y. Izarei beimachâzy chô liata chhao tlô aw ta, ei phopi chhaota hmaohkha ta zaozi liata hlâpa ama châ aw. Chavâta na chakhai a chabaih teh.

EZEKIA 21:12 ပူးပေါင်းရင်းမြစ်များ

ISAI 13:7

Chavâta ku zydua thazeipa ta y aw ta, Chyhsa to palôh a zao khai aw.

ZEREMIAH 25:34

“Nâmo, mietaku vaituhpazy saih u, Sâh u la, cha teh u; Nâmo, mietaku zaw zibeipazy saih u, Buchâh liata a hluah teh u; Thiepa ta nama y nawpa nohzy vaw tlô ha ta, Nama paipatla nawpa nohzy a vaw tlô haw; Hmobaoh sôhpa hawhta nama pao aw.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

ZEREMIAH 31:19

Lâpi ei tlei khai tawhta, Ro na ta; Ei vaw pahno thai tawhta, Ei byhpi ei chô. Ei thyutlia nota maophyuhna ei phaopa vâta, Nozapa nata nohzaopa ta ei y.’

EZEKIA 21:11

Chavâta zaozi cha padiehsapa châ ta, a chaba awpa ta piepa a châ haw. Thietuhpa ku liata pie awpa ta, zaozi cha a tiahpa ta chatapa châ ta, padiehsapa a châ haw.

EZEKIA 21:13

Pasiana y tlôh aw ta, zaozi mohnaopa chôchahrei cha y khao leipa sala, kheihta a châ aw?’ Abeipa Zehôvâh ta a tah,” tah ta.

EZEKIA 21:14

“Chavâta chyhsa sawchapawpa y, hrohsona bie phuah mah y. Na ku chabaih la, zaozi ta ei no chhawh sala, a châ na, ei thôh chhawh mawh sy. Cha zaozi cha thie nawpa zaozi châ ta, âmo dôhpa ta, thiena rarôh ypa ta a thie awpa zaozi a châ.

EZEKIA 21:25

Hy Izarei bei puapa nata moleipa y, na noh vaw tlô ha ta, nâma hrie pachie nawpa daihti a vaw tlô haw.

EZEKIA 21:6

“Chavâta chyhsa sawchapawpa y, palôh keichheihpa nata pachâchhie ngaitapa ta a hrô la, ama mohmô lia tlai ta a hrô mah y.

EZEKIA 22:6

“Moh teh, nâma liata a ypa Izarei beimachâzy cha, ama zydua ta ama hmotaotheina lymâ hawhta, thisaih palo a hmâhpa sai ama châ.

EZEKIA 30:2

“Chyhsa sawchapawpa y, hrohsona bie phuah teh, Abeipa Zehôvâh ta hetana heta a tah: “‘Cha noh rarôh y rimâ awpa cha!’ Tah u la, sâh teh u.

EZEKIA 6:11

Abeipa Zehôvâh ta hetana heta a tah: “Na ku chabaihpa ta, na phei a tlai la, ‘Cha rimâ cha, Izarei pathlazy moleina pasichhihpazy vâta, zaozi ta pao aw ei ta, chakâhna ta paopa ta, potlana ta ama pao aw he zaw,’ tah mah y.

EZEKIA 7:17

Ku zydua thazeipa ta y aw ei ta, pakhu zydua ti hawhta a nai aw.

EZEKIA 9:8

Zerusale khihsawzy ama thie hai nota, keima deita ta vaw y thlâh ha na ta. Â khu lâta pao na ta, “Âh, Abeipa Zehôvah! Na hiehâhna Zerusale chô liata na lei thlupa liana heta, Izarei laibâhpazy chhao na pahleipadia khai aw ei ma?” tahpa ta awh na ta.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.

ZÔELA 2:1

Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

MIKÂ 1:8

Cha vâna chata chapa ta ei rôh aw; Chysia pahluh aw na ta, Thluahruapa ta ei y aw; Changie hawhta chaphôhtu aw na ta, Pavawpi hawhta mâchhie ei sa aw.