EZEKIA 21:11 - Mara Bible RV (BSI)

¹¹ Chavâta zaozi cha padiehsapa châ ta, a chaba awpa ta piepa a châ haw. Thietuhpa ku liata pie awpa ta, zaozi cha a tiahpa ta chatapa châ ta, padiehsapa a châ haw.

EZEKIA 21:11 ပူးပေါင်းရင်းမြစ်များ

ESTHERI 4:1

Ama hmotaopa zydua cha Môdekai ta a pahno nahta, a chysiazy hrie ta, latho poh a bupa ta buchâh a mia ta, khih liah chahryh ta, ao paro ngaitapa nata palôh chhie ngaitapa ta cha laih ta.

ISAI 22:4

Chavâta hetana heta ei tah: “Ahro lâ nâ heihsai teh u, Raithlih palopa ta thata ei cha aw; Ei phopi zuah raona kyh liata, Thlah na palôh khoh hlei khuh vy.”

ZEREMIAH 25:33

“Cha noh liata Abeipa ta a thiepa chyhsazy cha, alei chhâna hiakha lâ tawhta alei chhâna hiakha lâ taihta amâ zawh aw. Mâchhiesapa leipa aw ei ta, ama ri lapa châ leipa aw ta, pabupa châ hra aw veih ei. Alei chô liata ie hawhta ama châ aw.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

EZEKIA 21:10

Chyhsa chhawh nawpa ta chatapa châ ta, Dôhla hawhta pathliesapa châ ta, Padiehsapa a châ haw! Eima tha a pha aw ma? Ei sawchapawpa y, chôchahrei mohnao chi ta, tho ta taopa zydua na mohnao.

EZEKIA 21:12

Cha hmo cha ei phopi chô liata a tlô awpa a châpa vâta, Hy chyhsa sawchapawpa y, awh la, thata sâh mah y. Izarei beimachâzy chô liata chhao tlô aw ta, ei phopi chhaota hmaohkha ta zaozi liata hlâpa ama châ aw. Chavâta na chakhai a chabaih teh.

EZEKIA 21:19

“Chyhsa sawchapawpa y, Babylaw bei zaozi vaw tlô nawpa ta, lâpi miano pahnona tao mah y. Cha lâpi mianopazy cha râh miakha tawhta a vaw pua awpa a châ. Lâpi pahnona tao la, khihpi angiana hawka liata tao mah y.