EZEKIA 20:7 - Mara Bible RV (BSI)

⁷ Ama hnohta, ‘Chyhsa to nama mo liata nama pasô kawpa hmo pasichhihpazy thy u la, Izi râh khazoh nothlahpazy ta a papuapalei khuh vy. Kei he Abeipa nama Khazohpa ei châ,’ tahpa ta ei chho ei.

EZEKIA 20:7 ပူးပေါင်းရင်းမြစ်များ

2 THÂTIHZYRONA 15:8

Ôdedâ sawchapawpa Azariah biereipazy cha Âsâ ta a thei nahta, a riah a papha ta. Nothlahpa pasichhihpazy cha Zudâh nata Benzami râh zydua nata Epharai tlâh râh khihpi a lapazy tawhta pahlei khai ta. Abeipa o aikah liata Abeipa maisâh padua pathi ta.

PUASAINA 16:12

“Izarei sawzy paphôhna ei thei haw. Chavâta ama hnohta, ‘Zâlâ sa nie aw ei chi ta, mylâ viahchhâ rih biena taih nama nie aw. Chatanachata kei he Abeipa nama Khazohpa ei châ tahpa nama pahno aw,’ tahpa ta chho mah y,” tah ta.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 20:4

“Na châta nothlahpa khazoh na tao awpa châ vei. Chô lâ avâ liatapa a lyupa tlyma, ry lâ alei liatapa a lyupa tlyma, alei ry lâta ti liatapa a lyupa tlyma, kheihawhpa nothlahpa khazoh hmah na châta na tao awpa châ vei.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

PUASAINA 22:20

“Abeipa lâta châ leipa ta, khazoh hropa lâta atheihna a hlâpa cha, pahleipadia awpa a châ.

ISAI 31:7

Cha noh liata, chyhsa to ta ama tâkâ khazoh nothlahpazy nata ama ngôh khazoh nothlahpazy, moleina châta nâmo ku ta namâ tao chhyhpazy cha, ama thy ha aw.

EZEKIA 14:6

“Chavâta Izarei pathlazy hnohta, ‘Abeipa Zehôvâh ta hetana heta a tah: Ro u la, nama khazoh nothlahpazy a heihsaipa ta vaw kua u la, nama pasichhihna zydua a heihsaipa ta vaw kua ha muh vy,’ tahpa ta chho teh u.

EZEKIA 18:15

tlâhpizy liata pati nie leipa ta, Izarei pathlazy khazoh nothlahpazy lâ a mo khaih leipa ta, a vaih lapinô papuapalei leipa sala,

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 18:6

tlâhpizy liata pati nie leipa ta, Izarei pathlazy khazoh nothlahpazy lâ a mo khaih leipa ta, a vaih lapinô papuapalei leipa ta, chanô a thaitlyh lei nota a hnia leipa sala,

EZEKIA 20:19

Kei he Abeipa nama Khazohpa châ na ta, ei bieraopazy a chhih u la, ei ryhpazy a phapa ta zyh muh vy.

EZEKIA 20:8

“Châhrasala na chakhia ei ta, na nathlie khoh veih ei. Ama mo ta a pasô kawpa hmo pasichhihpazy cha thy leipa ei ta, Izi râh khazoh nothlahpazy chhao a heihsai veih ei. Chavâta Izi râh liana chata ei pathiiana lei thlupa ta, ei hiehâna âmo papai thlu awpa a chhuah na ta.

EZEKIA 23:3

Izi râh liata sihryh ei ta, ama laihsa no tawhta a sihryhpa ama châ. Ama sâhpizy hmiepa ei ta, ama laihsa kôna sâhpizy ama hriapa.

EZEKIA 23:7

Asuria molaipa zydua liata â zuah ta, a sihryhkheipa chyhsazy khazoh nothlahpa zydua ta â papuapalei.

EZEKIA 23:8

Izi râh liata a y no tawhta a pathao hapa a sihryhna kha bâhsai vei. A laihsa no tawhta chapawzy ta a ziakhei ei ta, a laihsa kôna sâhpizy hria ei ta, ama aohraohna sihryhna a chô liata ama lei thlu tyh.

EZEKIA 34:24

Kei Abeipa he ama Khazohpa châ aw na ta, nâ chakaotuhpa Dâvi cha âmo bei a châ aw. Kei Abeipa ta ei reih haw.

EZEKIA 6:9

Zaozi a khôkhâhpazy chata sei ta amâ chhina phopizy hry tawhta einâ thei aw ei. Amâ phei khohna palôh vâta nâ heihsai ei ta ei palôh pasana nata ama khazoh nothlahpazy liata ama aohraohna mokhaohzy vâta ei palôh pasana zy a thei aw ei ta, hmo pha leipa ama taopazy nata ama pasichhihna zydua vâta, âmosasyh ta amâ pasi aw.

THEIHTHAINA 11:44

Kei he Abeipa nama Khazohpa ei châ. Kei pathaih tlôh na ta, chavâta a pathai u la, pathaihpa ta y teh u. Alei chô liata alyhpasa kheihawhpa ta hmah namâ papuapalei awpa châ vei.

THEIHTHAINA 17:7

Amâ phei tyhna mie tôhpa khazohzy lâta atheihnazy ama hlâ awpa châ khao vei. Cha cha ama chhâ zydua châta chhâzaw bieraopa a châ aw.

THEIHTHAINA 18:2

“Izarei sawzy chho la, ama hnohta hetana heta reih teh: Kei he Abeipa nama Khazohpa ei châ.

THEIHTHAINA 18:3

Nama vaw pahrâna Izi râh liata ama taozie hawhna khata nama tao awpa châ leipa ta, ei cha tlôkhei awpa su Kâna râh liata ama taozie hawhta nama tao awpa châ hra vei. Ama bieraopazy nama zyh awpa châ vei.

THEIHTHAINA 20:7

Chavâta a pathai u la, pathaihpa ta y teh u. Kei he Abeipa nama Khazohpa châ tlôh na ta.

ZAWSUA 24:14

“‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.