EZEKIA 20:6 - Mara Bible RV (BSI)

⁶ Izi râh tawhta a chhi papuapa ta, âmo châta râh ei tlua papuapa, sâhpiti nata kheihti lona râh, râh zydua hry liata râh ngia chaipa lâ a ngiakhei awpa ei ta, ku chaluahpa ta, cha noh liata bie ei taih ei.

EZEKIA 20:6 ပူးပေါင်းရင်းမြစ်များ

NEHEMIAH 9:12

Nohchhô ta meihdo tôh ta âmo chhihtha chi ta, zâ ta ama siena lâpi pakhaih awpa ta mei tôh ta na chhihtha ei.

NEHEMIAH 9:9

“Miah pathlatuhpazy Izi râh liata ama rietheizie hmô chi ta, Tilaipi Saihpa liata ama chana ao na thei.

HLAZY 106:24

Râh khochhihpa dytha ei ta, A bietai zo khao veih ei.

HLAZY 47:5

Khazohpa cha rahaona chhaota chô lâ kiah ta, Abeipa cha chiahmie pyu chhaota a kiah haw.

HLAZY 48:2

A tlâh sâhzie angiana ta, Khizaw zydua palysa ta, Maw lâta Zaio Tlâh cha, Bei rônahpa khihpi a châ.

PUASAINA 13:5

Abeipa ta nâmo cha pie awpa ta châ pathlatuhpazy hnohta bie â vaw taihpa Kâna mo, Hiti mo, Amawri mo, Hivi mo nata Zebu mozy pahrâna râh, sâhpiti nata kheihti lona râh a cha tlôkhei ti ei ta, he thla liana heta, he chakaona he nama hmâ tyh awpa a châ.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

PUASAINA 33:3

Sâhpiti nata kheihti lona râh lâ cha khy teh u. Kei deikua cha, nama hnohta a khy hra aw va na. Chataleipatala phopi chhoru ngaitapa châ ei chi ta, lâpi liata ei cha pahleipadia pathlei aw ei na,” tah ta.

PUASAINA 6:8

Abarahâ, Aisika nata Zakaw zy hnohta pie awpa ta ei ku chaluahpa ta bie ei taihpa râh lâ châ chhi aw ei na ta, cha râh cha nama ryuto châta ei cha pie aw ei, kei he Zehôvâh ei châ,’ tahpa ta chho mah y,” tah ta.

ZEREMIAH 11:5

Châ pathlatuhpazy hnohta sâhpiti nata kheihti lona râh pie awpa ta bie ei taihpa kha, tanoh ta nama hmôpa hawhna heta, ei pa-i aw,’” tah ta. Kei ta, “Cha ta sy, Abeipa,” tah na ta.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

ZEREMIAH 32:22

he sâhpiti nata kheihti lona râh, âmo pathlatuhpazy hnohta pie awpa ta bie nâ vaw taihpa râh he na pie ei.

EZEKIA 20:15

Cha dei châ vei, ama hnohta râh ei piepa ei, sâhpiti nata kheihti lona râh, râh zydua hry liata râh ngia chaipa lâ a chhi lei awpa ei ta, râhchawhpa liana khata chyhu sapa ei ta.

EZEKIA 20:23

Cha dei châ vei, phopizy hry liata hiepatla awpa nata râhzy lâta papai awpa ta, râhchawhpa liana khata chyhu sapa ei na ta.

EZEKIA 20:42

Châ pathlatuhpazy hnohta pie awpa ta ku chaluahpa ta bie ei taihpa râh, Izarei râh lâ ei châ chhi ti ei ta cha, Abeipa ei châ tahpa nama pahno aw.

EZEKIA 20:5

ama hnohta, Abeipa Zehôvâh ta hetana heta a tah: Izarei ei tlyh nota, Zakaw chipathlazy hnohta ku chaluahpa ta bie a taih na ta, Izi râh liata ama y nota keimasasyh ta ei pahnosa ei. Ku chaluahpa ta, ‘Kei he Zehôvâh nama Khazohpa ei châ,’ tahpa ta bie a taih ei na ta.

EZEKIA 47:14

Châ pathlatuhpazy hnohta pie awpa ta ku chaluahpa ta bie ei taihpa râh cha, â khopa ta namâ rai awpa a châ. Cha râh cha nama ryuto râh a châ aw.

DÂNIAH 11:16

Chho bei a dyuhtuhpa ta a khozie hawhta tao aw ta, a hmiakô liata ahy hmah a duah thei aw veih ei. Râh Ngiapa liata a duah aw ta, a ku liata parao theina a y aw.

DÂNIAH 11:41

Râh Ngiapa liata chhao â ngia aw. Râh hluhpi pao aw ei ta, châhrasala Edôma, Môabâ nata Amawna pathla chhituhpazy cha a ku tawhta pachhapa ta ama y aw.

DÂNIAH 8:9

Ki palih hry liata ki kha tawhta ki chyhpata vaw pachiah ta, chho lâ, nochhi lâ nata Râh Ngiapa lâzy a heipa ta thata kaw seih ta.

THEIHTHAINA 20:24

Nâmo hnohta deikua cha, ‘Ama râh, sâhpiti nata kheihti lona râh cha, ryu ta to aw ei chi ta, nama hnei awpa ta ei cha pie aw ei,’ tahpa ta bie ei châ taih ei. Kei he Abeipa nama Khazohpa, phopizy hry tawhta nâmo châ pananotuhpa ei châ.

ZEKARIA 7:14

Khisô paipa hawhta, ama pahno leipa phopizy lâta ei papai ha ei. Chavâta ama siesaipa râh cha roryhrapa ta y ta, a ngiapa nata a puapa y khao veih ei. Râh khochhih ngaitapa cha roryhrapa râh lâta ama pachâsa haw,” Pheisaihzy Abeipa ta a tah.

MALUHREINA 13:27

Mawsi hnohta, “Miah na tuana râh cha tlô pi ta, sâhpiti nata kheihti lona râh a vaw châ tlai. He he a râh liata theilâpa a châ.

MALUHREINA 14:8

Eima chô liata Abeipa â ly khiahta cha, cha râh lâ cha miah a chhi aw ta, miah a pie aw, sâhpiti nata kheihti lona râh cha.

RYHPACHANEINA 11:9

Chatanachata Abeipa ta châ pathlatuhpazy nata ama pathlazy hnohta pie awpa ta bie â vaw taihpa râh, sâhpiti nata kheihti lona râh liata bohpi nama pahrâ thei aw.

RYHPACHANEINA 26:15

Na yna su pathaihpa vârâh tawhta za moh la, na phopi Izarei nata râh miah na piepa, miah pathlatuhpazy hnohta bie nâ vaw taihpa, sâhpiti nata kheihti lona râh he byhnâ pie mah y!’ nama tah aw.

RYHPACHANEINA 26:9

He su lâ he miah a vaw chhi ta, he râh, sâhpiti nata kheihti lona râh he miah a pie.

RYHPACHANEINA 27:3

Abeipa nama Khazohpa ta râh a cha piepa ei, châ pathlatuhpazy Zehôvâh Khazohpa ta bie a châ taihpa ei, sâhpiti nata kheihti lona râh a ngia awpa ta Zawdâh nama chaka tita, he ryhpa biezy he alôzy liana cha nama roh awpa a châ.

RYHPACHANEINA 3:25

Ngiachhiepa ta Zawdâh chavah na chakasa la, Zawdâh haosâ râh phapa, tlâh râh phapa nata Lebanaw râh hao na patlôsa mah y,’ tah na ta.

RYHPACHANEINA 31:20

Ama pathlatuhpazy hnohta bie ei taihpa sâhpiti nata kheihti lona râh lâ ei chhi ti ei ta, lôhrâtlôpa ta nie aw ei ta, ama thawh tita, khazoh hropazy lâ a heih aw ei ta, ama chakao aw. Na mohnao aw ei ta, ei biehrai ama parao aw.

RYHPACHANEINA 32:40

Avâ lâ ei ku pazawh na ta, Tlyzaw ta a hrohpa ei châna moh reipa ta, Bie ei taih.

RYHPACHANEINA 32:8

Chônôchaipa ta phopizy ama ryuto râh pie ta, Âdâh pathlazy a pachhaih nona khata, Khazohpa sawchapawzy maluh hawhta, Phopizy châta râhri a pakhâh.

RYHPACHANEINA 6:3

Chavâta Hy Izarei, nathlie la, pakhâta ta zyh mah y. Chatanachata Abeipa, châ pathlatuhpazy Khazohpa ta bie a châ taihpa sâhpiti nata kheihti lona râh liata thlaochhipa ta y aw ei chi ta, thata nama pôh aw.

ZAWSUA 5:6

Izarei sawzy ta Abeipa ao ama nathlie khoh leipa vâta, ama pathlatuhpazy hnohta pie awpa ta Abeipa ta bie â taihpa sâhpiti nata kheihti lona râh pahmôsa lei awpa ta Abeipa ta ama hnohta bie â taih haw. Chatanachata Izi râh tawhta a kaw puapa, chariah a dyuhpa Izarei phopi chapaw zydua ama leidia khai hlâlei, Izarei sawzy cha râhchawhpa liata kô sypalih chhôh ama viavi.