EZEKIA 20:47 - Mara Bible RV (BSI)

⁴⁷ Neke râhmâhpa hnohta, ‘Abeipa bie nathlie teh, Abeipa Zehôvâh ta hetana heta a tah: Moh teh, na chhôh liata mei patih aw na ta, na chhôh liata tho hrohpa nata tho raohpa zydua a kâ khai ha aw. Meipaleih a duah ngâpa cha pachhaipa châ leipa aw ta, chho lâ tawhta maw lâ taihta râh hmia zydua a kâ khai ha aw.

EZEKIA 20:47 ပူးပေါင်းရင်းမြစ်များ

ISAI 13:8

Chipa ta y aw ei ta, Pasana nata rietheitaona ta âmo cha a patu aw; Chanô saw a zeihpa hawhta, Pachârôh ngaitapa ta ama y aw. Thlazoh pachârôhpa ta a moh raihrie aw ei ta, Ama hmiazy meipaleih hawhta a saih aw.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

ZEREMIAH 17:27

Châhrasala Pahânoh pathaihsa awpa na­ta Pahânoh ta hmo phao lei awpa nata Zerusale thokhy chhikaozy liata a hmo phao a ngiakhei lei awpa ky liata ei bie nama nathlie vei khiahta deikua cha, khihpi thokhy chhikaozy liata mei patih awh na ta, Zerusale abei ozy kâ khai aw ta, pachhaipa châ aw vei.’”

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 21:14

“Nama hmotaopa theilâpa lymâ hawhta cha hrie aw ei na ta, A râhmâhpa liata mei patih aw na ta, A chheipâh liata a ypa zydua a kâ khai aw,” Abeipa ta a tah.

EZEKIA 16:35

“Chavâta Hy âzuahnô y, Abeipa bie he nathlie teh:

EZEKIA 17:24

Chatanachata lyurâh tho zydua ta kei, Abeipa he, thokô a sâhpa pahnaipa ta, thokô a hnaipa pasâh na ta; tho hrohpa paraohpa ta, tho raohpa a pahrotuhpa ei châ tahpa ama pahno aw. Kei, Abeipa ta reih ha na ta, ei tao aw.’”

EZEKIA 19:14

A chiah chhyh tawhta mei vaw pua ta, A thei a kâ haw; Chavâta a chiah châpa y khao leipa ta, Abei chôchahrei awpa y khao vei. He he chaphôhtuna hla châ ta, chaphôhtuna châta hmâ awpa a châ.

EZEKIA 21:10

Chyhsa chhawh nawpa ta chatapa châ ta, Dôhla hawhta pathliesapa châ ta, Padiehsapa a châ haw! Eima tha a pha aw ma? Ei sawchapawpa y, chôchahrei mohnao chi ta, tho ta taopa zydua na mohnao.

EZEKIA 21:32

Mei liata tipa châ aw chi ta, alei liata na thisaih loh aw ta, a thei thlâh hapa châ khao aw va chi, kei Abeipa ta ei reih haw,’ tah mah y,” tah ta.

EZEKIA 24:5

Sahroh zawzy hry liata a pha chaipa la u la, A ry liata tho hluhpi ti u la, Patlao teh u. A rupazy chhao pachaopa châ mawh sy.

LUKA 23:31

Tho hrohpa chô lia hmahta cha hawhta ama tao khiahta cha, tho raohpa chô liata chhochhi cha, khatlu ta ma ama tao aw tly?” tah ta.

RYHPACHANEINA 32:22

Ei hiehâhna ta mei papua ta, Athihkhih a thu chaipazy lâ taih kâ laih ta, Alei nata a kôveizy kâ khai ta, Tlâhpizy abôna chhao a kâ khai haw.