EZEKIA 20:20 - Mara Bible RV (BSI)

²⁰ Kei he Abeipa nama Khazohpa ei châ tahpa nama pahno thei nawpa ta, keima nata nâmo likah liata ngiana châta ei Pahânohzy pathaihsa muh vy tah na ta.’

EZEKIA 20:20 ပူးပေါင်းရင်းမြစ်များ

PUASAINA 20:11

Noh charu chhôh ta Abeipa ta avâ nata alei, tilaipi nata a chhôh liata a ypa zydua tao ta, noh sarina noh cha â pahâpa vâta, Abeipa ta Pahânoh cha byhnâ pie ta a pathaisa.

PUASAINA 20:8

“Pahânoh a thei thlâh ha aw chi ta, na pathaisa awpa a châ.

ISAI 56:2

Cha hawhta a taopa chyhsa cha, Thlaochhipa ta y aw ta; Chazy khâchâ â patupa chyhsa sawchapawpa cha, Thlaochhipa ta a y aw. Ano cha Pahânoh chaypa ta a papuapalei leipa châ ta, Hmo pha leipa taona tawhta a ku a vaih tyhpa a châ.”

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

ZEREMIAH 17:22

Pahânoh ta nama o tawhta hmo phao nama puakhei awpa châ leipa ta, rai nama hria awpa châ hra vei. Châ pathlatuhpazy hnohta bie ei piepa hawhta, Pahânoh cha nama pathaihsa awpa a châ.

ZEREMIAH 17:24

“‘Abeipa ta hetana heta a tah: Ei bie nathliepa ta, Pahânoh ta he khihpi thokhy chhikaozy liata hmophao a ngiakhei leipa u la, Pahânoh pathaihsapa ta rai nama hria leipa khiahta cha,

ZEREMIAH 17:27

Châhrasala Pahânoh pathaihsa awpa na­ta Pahânoh ta hmo phao lei awpa nata Zerusale thokhy chhikaozy liata a hmo phao a ngiakhei lei awpa ky liata ei bie nama nathlie vei khiahta deikua cha, khihpi thokhy chhikaozy liata mei patih awh na ta, Zerusale abei ozy kâ khai aw ta, pachhaipa châ aw vei.’”

EZEKIA 20:12

Cha dei châ vei, kei he âmo a pathaisatuhpa Abeipa ei châ tahpa ama pahno thei nawpa ta, âmo nata keima likah liata ngiana châta ei Pahânohzy chhao ei pie ei.

EZEKIA 20:26

ama sawchapaw uhtheipazy atheihna ta pahlâsapa ta papuapalei ei na ta, roryhrapa ta ei paysa ei. Abeipa ei châ tahpa ama pahno thei nawpa ta, cha hmozy cha ei tao.

EZEKIA 22:8

Ei hmo pathaihpazy saw ta reih leipa chi ta, ei Pahânohzy na papuapalei.

EZEKIA 44:24

“Lyuh atuana a y tita, pachiatuhpa rai hria aw ei ta, ei pachiazie hawhta ama pachia awpa a châ. Kyhchhi ei raopazy liata, ei ryhpazy nata ei bieraopazy ama zyh awpa châ ta, ei pahânohzy ama pathaisa awpa a châ.