EZEKIA 20:12 - Mara Bible RV (BSI)

¹² Cha dei châ vei, kei he âmo a pathaisatuhpa Abeipa ei châ tahpa ama pahno thei nawpa ta, âmo nata keima likah liata ngiana châta ei Pahânohzy chhao ei pie ei.

EZEKIA 20:12 ပူးပေါင်းရင်းမြစ်များ

ÂTHAONA 2:3

Chavâta Khazohpa ta noh sarina noh cha, a paysapa nata a hmotaopa zydua patlô ta â pahâna noh a châpa vâta, byhnâ pie ta, a pathaisa.

NEHEMIAH 9:14

Na Pahânoh pathaihpa thâtih âmo pahnosa chi ta, châ chakaotuhpa Mawsi hmâpa ta biepiepazy, bieraopazy nata ryhpazy na pie ei.

PUASAINA 16:29

Pachâ teh u, Abeipa ta Pahânoh cha pie ei ta, chavâta noh charuna noh ta, noh no a khi awpa viahchhâ a cha pie ei. Chyhsa to âmo su chyu liata y khai mawh ei sy. Noh sarina noh cha ahy hmahta a yna su tawhta khô pua cheita khah sy,” tah ta.

PUASAINA 35:2

Noh charu chhôh rai hria awpa châ ta, a noh sarina noh deikua cha, nama châta noh pathaihpa, Abeipa châta a pahâ nawpa Pahânoh zachhihpa a châ aw. Ahy rai cha noh ta rai a hriapa cha thie awpa a châ.

ISAI 56:2

Cha hawhta a taopa chyhsa cha, Thlaochhipa ta y aw ta; Chazy khâchâ â patupa chyhsa sawchapawpa cha, Thlaochhipa ta a y aw. Ano cha Pahânoh chaypa ta a papuapalei leipa châ ta, Hmo pha leipa taona tawhta a ku a vaih tyhpa a châ.”

ZEREMIAH 17:22

Pahânoh ta nama o tawhta hmo phao nama puakhei awpa châ leipa ta, rai nama hria awpa châ hra vei. Châ pathlatuhpazy hnohta bie ei piepa hawhta, Pahânoh cha nama pathaihsa awpa a châ.

EZEKIA 20:20

Kei he Abeipa nama Khazohpa ei châ tahpa nama pahno thei nawpa ta, keima nata nâmo likah liata ngiana châta ei Pahânohzy pathaihsa muh vy tah na ta.’

EZEKIA 20:26

ama sawchapaw uhtheipazy atheihna ta pahlâsapa ta papuapalei ei na ta, roryhrapa ta ei paysa ei. Abeipa ei châ tahpa ama pahno thei nawpa ta, cha hmozy cha ei tao.

EZEKIA 37:28

Ei supathaihpa cha ama hry liata chhâzaw ta â dua tita, kei he Izarei a pathaisatuhpa Abeipa ei châ tahpa phopizy ta ama pahno aw.”

EZEKIA 44:24

“Lyuh atuana a y tita, pachiatuhpa rai hria aw ei ta, ei pachiazie hawhta ama pachia awpa a châ. Kyhchhi ei raopazy liata, ei ryhpazy nata ei bieraopazy ama zyh awpa châ ta, ei pahânohzy ama pathaisa awpa a châ.

THEIHTHAINA 20:8

Ei bieraopazy a pyh u la, zyh teh u. Kei he Abeipa, nâmo châ pathaisatuhpa ei châ.

THEIHTHAINA 21:15

Chatanachata a pathlazy cha a chiheihzy hry liata papuapalei leipa ta a y aw. Kei he Abeipa ano pathaisatuhpa cha ei châ,” tah ta.

THEIHTHAINA 21:23

A khaihly leipa a châpa vâta, pohraipa deikua siepahlie thei leipa aw ta, ei supathaihpazy a papuapalei lei nawpa ta, maisâh kiapâh lâ vawh thei aw vei. Kei he Abeipa âmo pathaisatuhpa ei châ,’” tah ta.

THEIHTHAINA 21:8

Na Khazohpa viahchhâ a hlâpa a châpa vâta, na châta chyhsa pathaihpa ta na rao awpa a châ. Kei, Abeipa nâmo cha pathaisatuhpa he pathaih tlôh na ta, chavâta theihthaipa cha chyhsa pathaihpa ta na pachâ awpa a châ.

THEIHTHAINA 23:24

“Izarei sawzy chho la, ama hnohta hetana heta reih teh: Thla sarina, cha thla noh khana noh cha nama châta apahâna zachhihpa noh châ ta, chiahmie tôpa ta atheithlâhna noh ta phuah aw ei chi ta, pakhypi pathaihpa hmâna noh a châ aw.

THEIHTHAINA 23:3

“Noh charu chhôh rai hria awpa châ ta, a noh sarina noh deikua cha apahâna zachhihpa Pahânoh, pakhypi pathaihpa noh a châ aw. Khâpa rai hmah nama hria awpa châ vei. Cha cha nama pahrâna maih liata Abeipa châta Pahânoh a châ.

THEIHTHAINA 23:32

Cha noh cha nama châta a pahâ nawpa Pahânoh zachhihpa châ aw ta, namâ pakyna noh a châ aw. Cha thla, noh chakina noh zâlâ tawhta zâlâ heihpa taih cha Pahânoh ta nama chay awpa a châ,” tah ta.

THEIHTHAINA 23:39

“A thla sarina, noh hrawh hleipangawhna noh, nama lyu liata kôveizy nama hria khai tawhta, Abeipa kyhchhi noh sari chhôh hmâh aw ei chi ta, a noh khana noh cha apahâna noh zachhihpa châ aw ta, a noh chariena noh chhao apahâna noh zachhihpa a châ aw.

THEIHTHAINA 25:4

A kô sarina kô deikua cha râh châta apahâna noh pathaihpa, Abeipa châta Pahânoh châ aw ta, na lyu liata chi na chei awpa châ leipa ta, na kre sadô chhao a chiah chhawhpa ta na panyusa awpa châ vei.

KAOLAOSÂ 2:16

Chavâta nie kyh ta tlyma, do kyh ta tlyma, chaypi kyh ta tlyma, thla thieh kyh ta tlyma, Pahânoh kyh ta tlyma, ahy hmahta cha sei khah ei sy.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.