EZEKIA 2:8 - Mara Bible RV (BSI)

⁸ “Nâ deikua cha, chyhsa sawchapawpa y, na hnohta bie ei reipa he nathlie mah y. Kha saw chhorupazy hawhna khata na chhoru hra khah sy. Na pakah â la, ei cha piepa maih nie mah y.”

EZEKIA 2:8 ပူးပေါင်းရင်းမြစ်များ

HLAZY 105:28

A biezy ama chakhiapa vâta, Zohna tuah ta, râh a pazohsa.

ISAI 50:5

Abeipa Zehôvâh ta ei nah he pahy ha ta, Chavâta chhorupa ta y leipa na ta, Hnôh a sy hra va na.

ISAI 8:11

Abeipa ta a ku thatlôpa ta ei hnohta bie reih ta, he phopi lâpi a chhih lei awpa ta hetana heta zikyu einâ râ:

ZEREMIAH 13:2

Chatanachata Abeipa bie hawhta, poh rih dipa chai­saihna cha chalei na ta, ei chai liata ei saih.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

EZEKIA 12:2

“Chyhsa sawchapawpa y, saw chhorupazy hry liata a pahrâpa na châ. Hmô nawpa mokhaoh hnei ei ta, châhrasala hmô leipa ei ta; thei nawpa nakhaoh hnei ei ta, châhrasala thei veih ei. Saw chhorupazy ama châ.

EZEKIA 12:7

Bie eina piepa hawhta tao na ta. Ei hmo cha seichâna lâ a sie awpa hmo hawhta, nohchhô sawhvaw ta puakhei na ta, zâlâ ta keima ku tlai ta thokhy khaoh khie na ta, ei hmo cha ei ngiatlâh liata khaipa ta, ama mohmô lia tlai ta a zoh chhyhma ta ei puakhei.

EZEKIA 3:10

Abeipa ta ei hnohta reih heih ta, “Chyhsa sawchapawpa y, na hnohta bie ei rei awpa zydua he, na nah ta thei la, na palôh liata khô ha mah y.

EZEKIA 33:7

“Chavâta nâ, chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 40:4

Cha chyhsa chata ei hnohta, “Chyhsa sawchapawpa y, na mo ta moh la, na nah ta theipa ta, ei cha pahmô awpa zydua lâta na palôh pahei teh. Chazy cha pahmôsa awpa ta, he su lâ ei châ vaw chhipa a châ. Na hmôpa zydua Izarei pathlazy hnohta phuah mah y,” tah ta.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

ZAWNA 1:3

Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.

MALUHREINA 20:24

“Arawna cha a chiheihzy hnohta pahlyhpa a châ aw. Meribâ tizy liata ei biepiepa namâ dyuhpa vâna khata, Izarei sawzy ei piepa râh liata a ngia aw vei.

1 PITY 5:3

Nama mohôhpa mietakuzy chô liata a pabeisa leipa u la, mietaku zaw châta a mopâ tlâhpa ta tlao y muh vy.

BIEPHUAH 10:9

Vâlyuhchâpa lâ cha vawh na ta, châbu chatypa chyhpa cha na pie awpa ta chho na ta. Ano ta ei hnohta, “La la, nie teh, na chhôh pakhasa aw ta, na pakah liata deikua cha, kheihti hawhta a thlôh aw,” na tah ta.