EZEKIA 2:7 - Mara Bible RV (BSI)

⁷ Saw chhorupazy châ ei ta, ama nathlie tlyma, nathlie vei tlyma, ei biezy he ama hnohta na rei awpa a châ.

EZEKIA 2:7 ပူးပေါင်းရင်းမြစ်များ

PUASAINA 6:29

Abeipa ta Mawsi hnohta, “Kei he Abeipa ei châ. Na hnohta ei reipa zydua Izi bei Phiraoh chho mah y,” tah ta.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 1:7

Châhrasala Abeipa ta ei hnohta, “‘Hawtipa deita châ na ta,’ tah khah y, Ei cha tuana phopi zydua lâ sie aw chi ta, Bie ei cha piepa maih na rei awpa a châ.

ZEREMIAH 17:20

ama hnohta, ‘He chhikaozy liata a ngia tyhpa nâmo, Zudâh beizy, Zudâh mo zydua nata Zerusale khihsaw zydua saih u, Abeipa bie he thei teh u.

ZEREMIAH 23:28

Mâsapa a hneipa hrohsopa ta a mâsapa cha reih sala, ei bie a hneipa ta ei bie cha ngâchhihpa ta reih mawh sy. Sâh kô nata sâh hmô zy khâpa alyuna ma ama hnei?” Abeipa ta a tah.

ZEREMIAH 26:2

“Abeipa ta hetana heta a tah: Abeipa o dôhpachhôh tlyhmia liata a duah la, Abeipa a chhy awpa ta Abeipa o lâ a vypa Zudâh khihpi zydua cha, ama hnohta rei awpa ta bie ei cha piepa zydua kha chho la, bie miakha hmah phih khah y.

ZEREMIAH 34:6

Hrohsopa Zeremiah ta cha bie zy­dua cha Zerusale liata Zudâh bei Zedekia hnohta reih ta.

ZEREMIAH 36:14

Chatawhcha beimachâ zydua ta Kusi sawcha­pawpa Selemiah sawchapawpa Nethaniah sawchapawpa Zehudi cha, Bâruka lâ tuah ei ta, a hnohta, “Zawpi theina liata na reipa châbu cha na ku ta vaw chaba la a vy teh,” tahpa ta kei pachhosa ei ta. Neriah sawchapawpa Bâruka cha a ku ta châbu cha chabapa ta âmo lâ a vy ta.

ZEREMIAH 42:21

Abeipa bie cha tanoh nama hnohta phuah na ta, châhrasala Abeipa nama Khazohpa ta nâmo chho awpa ta eina tuapa bie khâpa hmah zyh veih ei chi.

ZEREMIAH 44:20

Chatawhcha Zeremiah ta ano bie a chhytuhpa zawpi, chapaw nata chanô zydua hnohta,

ZEREMIAH 6:28

Ama zydua ta palôh laipa nata chhorupa châ ei ta, Chyhsa a reipachhie thaipazy a kao tyhpa ama châ. Dawh nata thua châ ei ta, Avyuhna a taopazy ama châ.

ZEREMIAH 7:27

“He bie zydua he ama hnohta na reih awpa a châ. Châhrasala cha nathlie pyly aw veih ei. Âmo cha aw aw chi ta, châ chhy pyly aw veih ei.

EZEKIA 11:25

Abeipa ta eina pahmôsapa zydua cha, seichâna liata a ypazy chho ei na ta.

EZEKIA 12:2

“Chyhsa sawchapawpa y, saw chhorupazy hry liata a pahrâpa na châ. Hmô nawpa mokhaoh hnei ei ta, châhrasala hmô leipa ei ta; thei nawpa nakhaoh hnei ei ta, châhrasala thei veih ei. Saw chhorupazy ama châ.

EZEKIA 2:5

Saw chhorupazy châ ei ta, ama nathlie tlyma, nathlie vei tlyma, ama hry liata hrohsopa a y tahpa chhâ cha ama pahno aw.

EZEKIA 20:27

“Chavâta chyhsa sawchapawpa y, Izarei pathlazy chho la, ama hnohta, Abeipa Zehôvâh ta hetana heta a tah: Châ pathlatuhpazy chhao khata, ei chô liata ama ngâchhih leina hro ta ei moh eina pachhiepa ei.

EZEKIA 3:10

Abeipa ta ei hnohta reih heih ta, “Chyhsa sawchapawpa y, na hnohta bie ei rei awpa zydua he, na nah ta thei la, na palôh liata khô ha mah y.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 3:4

Chatawhcha Abeipa ta ei hnohta, “Chyhsa sawchapawpa y, Izarei pathlazy lâ sie la, ama hnohta ei biezy he kei reih teh.

EZEKIA 33:7

“Chavâta nâ, chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 40:4

Cha chyhsa chata ei hnohta, “Chyhsa sawchapawpa y, na mo ta moh la, na nah ta theipa ta, ei cha pahmô awpa zydua lâta na palôh pahei teh. Chazy cha pahmôsa awpa ta, he su lâ ei châ vaw chhipa a châ. Na hmôpa zydua Izarei pathlazy hnohta phuah mah y,” tah ta.

AMÔSÂ 3:13

Nathlie u la, Zakaw pathlazy zikyu a râ teh u,” Abeipa Zehôvâh, Pheisaihzy Khazohpa ta a tah.

ZAWNA 3:2

a hnohta, “Thyu la, Ninivâ khihpi, hao khihpi rônahpa lâ hao sie la, bie rei awpa ei cha chhopa kha a hnohta kei phuah teh,” tah ta.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.