EZEKIA 2:6 - Mara Bible RV (BSI)

⁶ “Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

EZEKIA 2:6 ပူးပေါင်းရင်းမြစ်များ

2 ABEIZY 1:15

Abeipa vâlyuhchâpa ta Elaizâh hnohta, “A hnohta zu teh, abei cha chi khah y,” tah ta. Chatanachata thyu ta, pheisaih sypangawh hyutuhpa hnohta abei lâ cha zu ta.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

ISAI 9:18

Paraona cha mei hawhta kâ ta, Diahsai nata ahlohzy cha ama tlôna taihta a kâ aw. Râhmâhpa chha kaluhpazy kâ aw ta, Meikhuh tôh a charihpa ta avâ lâ a kiah aw.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 1:8

Âmo cha chi khah y, Cha pachha awpa ta na hnohta ei y aw, Abeipa ta a tah,” tah ta.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 6:28

Ama zydua ta palôh laipa nata chhorupa châ ei ta, Chyhsa a reipachhie thaipazy a kao tyhpa ama châ. Dawh nata thua châ ei ta, Avyuhna a taopazy ama châ.

EZEKIA 24:3

Saw chhorupazy hnohta pakhona bie reih la, ama hnohta, Abeipa Zehôvâh ta hetana heta a tah: “Beih khaih u la, Khaih tlai u la, A chhôh liata ti chhoh teh u.

EZEKIA 28:24

“Izarei pathlazy a chhô awpa ahloh y khao leipa aw ta, ama chheipâh liata âmo a mohnao kaw tyhpazy hry liata chhao, Izarei a pasasa awpa ahloh y khao aw vei. Chatanachata kei he Abeipa Zehôvâh ei châ tahpa ama pahno aw.

MIKÂ 3:8

Kei deikua cha Zakaw hnohta a paraona phuah ta, Izarei hnohta a moleina phuah nawpa ta, Hmotaotheina ta ei bie; Abeipa Thlahpa ta bie na ta, Adona nata thatlôna ta ei bie.

MIKÂ 7:4

Ama hry liata chyhsa pha chaipa cha, Bôbaw hawh dei a châ; Chyhsa do chaipa chhao, Ahloh buh hawh dei a châ. Châ vaituhpazy noh vaw tlô ta, Nâmo hriena noh a vaw tlô; Ama nôpona noh â hnia haw.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

LUKA 10:19

Pachâ teh u, parihzy nata râh cha-iazy tlybai theina nata khakhaipa hmotaotheina zydua chô liata biehneina ei cha pie ei. Khâpa ta hmah cha pasasa aw veih ei.

LUKA 11:12

Awhtih hiah sala, râh cha-ia a pie aw ma?

LUKA 12:4

“Ei viasa saih u, ei cha chho ei, pôhpa thie ta, cha hnôhlâ ta khâpa hmah a tao thei khao leipazy chi khuh vy.

HMOTAOPAZY 4:13

Pity nata Zawhâna riahphazie cha hmô ei ta, châthai leipa nata chyhsa zawrâpa dei ama châpa ama pahno nahta, ama noâh kaw ta. Zisu hnohta a y tyhpa ama châpa pahno ha ei ta.

HMOTAOPAZY 4:19

Châhrasala Pity nata Zawhâna ta a chhy ei ta, “Khazohpa bie zyh leipa ta nâmo bie zyhpa cha, Khazohpa mohmô ta â do thai aw ma? Nâmo ta pasia teh u.

HMOTAOPAZY 4:29

Hy Abeipa, ama pachhiparynazy he pachâ tua. Châ chakaotuhpazy he riahpha ngaitapa ta na bie reih lymâ awpa ta miah bao mah y.

EPHESI 6:19

Pakah âpa ta thâtihpha bienyupa riahpha ngaitapa ta phuah awpa ta, bie rei awpazy piepa ei châ thei nawpa ta, kei châta na hiapa hra teh u.

PHILIPI 1:28

Khâpa kyh liata hmah châ dyuhtuhpazy chi veih ei chi tahpa chhao ei vaw pahno aw. Cha cha pahleipadia awpa ama châpa ngiana châ ta, nâmo châta deikua cha, pachha awpa nama châpa ngiana a châ. Cha pachhana cha Khazohpa tawhta a châ.

2 TIMAWTHY 1:7

Khazohpa ta china thlahpa miah pie leipa ta, hmotaotheina nata kyhpachâna nata pachâna pasohpa hneina thlahpa tlao miah a pie.

HEBRAI 11:27

Ngiapâna ta bei hiehâhna chhao chi leipa ta, Izi râh puasai ta, hmô thei leipa a hmôpa vâta pasa a tao hualua.

1 PITY 3:14

Siana vâta pasa a taopa nama châ khiahta cha, vânoh nama to aw. Ama cha pachhiparyna chi leipa u la, nôpopa ta y hra khuh vy.

BIEPHUAH 9:10

Râhcha-iazy hawhta chaolahmei nata azâpa hnei ei ta, thla pangawh chhôh chyhsazy pasasa theina ama chaolahmei liata a y.