EZEKIA 2:5 - Mara Bible RV (BSI)

⁵ Saw chhorupazy châ ei ta, ama nathlie tlyma, nathlie vei tlyma, ama hry liata hrohsopa a y tahpa chhâ cha ama pahno aw.

EZEKIA 2:5 ပူးပေါင်းရင်းမြစ်များ

2 ABEIZY 5:8

Khazohpa chyhsa Elaisâh ta Izarei bei ta a chysia a hrie tahpa a thei nahta, abei lâ chyhsa tuah ta, a hnohta, “Khazia na chysia cha na hrie? Kei lâ a vy mawh sy. Chatanachata Izarei liata hrohsopa a y tahpa a pahno aw,” tah ta.

ZEREMIAH 36:21

Châbu cha kei la awpa ta abei ta Zehudi tuah ta. Zehudi ta châbu cha chârohtuhpa Elisâmâ chhôhpadâhpa lâ kei la ta. Abei nata abei kiapâh ta a duahpa beimachâ zydua nah theina liata châbu cha reih ta.

ZEREMIAH 42:19

Hy Zudâh laibâhpazy saih u, Abeipa ta, ‘Izi râh lâ zu khuh vy,’ a cha tah ei. Tanoh ta zikyu ei châ râpa ei he a siapa ta pahno teh u.

EZEKIA 12:9

“Chyhsa sawchapawpa y, Izarei pathla saw chhorupazy ta na hnohta, ‘Khâpa ma na tao?’ ama cha tah vei ma?

EZEKIA 17:12

“Saw chhorupazy hnohta, ‘Cha hmozy cha a yzie pahno veih ei chi ma?’ tah la, ama hnohta hetana heta reih teh: ‘Pachâ teh u, Babylaw bei Zerusale lâ a vy ta, Zerusale bei nata beimachâzy patu ta, a hnohta Babylaw lâ a siekhei ha ei.

EZEKIA 2:7

Saw chhorupazy châ ei ta, ama nathlie tlyma, nathlie vei tlyma, ei biezy he ama hnohta na rei awpa a châ.

EZEKIA 24:3

Saw chhorupazy hnohta pakhona bie reih la, ama hnohta, Abeipa Zehôvâh ta hetana heta a tah: “Beih khaih u la, Khaih tlai u la, A chhôh liata ti chhoh teh u.

EZEKIA 3:19

Moleipa cha zikyu a râ ha la, a moleina siesai leipa sala, a moleina lâpi â heihsai leipa khiahta deikua cha, a paraona vâta thi aw ta, nâ deikua cha na hro na pabohsa aw.

EZEKIA 3:26

Na reih pathlie thei leipa ta, âmo na chhorei thei lei nawpa ei ta, na paleih na dâh liata ei pabaisa ha aw. Saw chhorupazy ama châ.

EZEKIA 3:27

Na hnohta bie ei rei tita deikua cha, na pakah pahy aw na ta, ama hnohta, ‘Abeipa Zehôvâh ta hetana heta a tah,’ na tah aw. A thei khohpa ta thei aw ta, a thei khoh leipa cha thei leipa ta a y aw. Saw chhorupazy ama châ.

EZEKIA 33:33

Cha hmo cha vaw tlô tlai aw ta, a vaw tlô tita, ama hry liata hrohsopa a y tahpa ama pahno aw.”

EZEKIA 33:9

Moleipa cha a hrozie siesai awpa ta zikyu a râ ha la, a hrozie a siesai leipa khiahta deikua cha, cha chyhsa cha a paraona liata thi aw ta, nâ deikua cha na hro na pabohsa aw.

EZEKIA 44:6

Izarei pathla chhorupazy hnohta hetana heta reih mah y: Abeipa Zehôvâh ta hetana heta a tah: Hy Izarei pathlazy saih u, hmo pasichhihpa nama taopa zydua â daih haw.

ZAWHÂNA 15:22

Kei a vy leipa ta, ama hnohta bie reih leipa aw sah la, moleina vâta thaileichâpa ta ama y lei awpa tlai. Tahmâ deikua cha, ama moleina liata rei nawpa hnei khao veih ei.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

RAWMA 3:3

Thokha ngâchhih leipa ei sala, kheihta a châ aw? Âmo ngâchhih leina chata Khazohpa ngâchhihna hraoleipa ta a tao aw ma?