EZEKIA 2:3 - Mara Bible RV (BSI)

³ Abeipa ta ei hnohta hetana heta a tah: “Chyhsa sawchapawpa y, Izarei sawzy lâta ei cha tuah. Chhorupa phopi, keima nâ dyuhtuhpa phopi lâta ei cha tuah. Âmo pathlatuhpazy nata âmo cheingei ta tanoh taihta ei chô liata hmo ama parao ngâ thlâh haw.

EZEKIA 2:3 ပူးပေါင်းရင်းမြစ်များ

2 ABEIZY 17:14

Châhrasala a pyh khoh hlei veih ei. Abeipa ama Khazohpa a ngâ khoh leipa ama pathlatuhpazy ta kuhchhapa ta ama ypa hawhta, kuhchhapa ta ama y hra.

2 ABEIZY 17:15

Ama pathlatuhpazy hnohta bieraopa nata biehrai a taopazy nata zikyurâna a piepazy cha tlyhnypa ta, nothlahpa hraoleipazy pangai ei ta, âmo chhao hraoleipa ama châ haw. Abeipa ta ama taozie hawhta tao lei awpa ta bie a vaw pie hapa, ama chheipâh liata phopizy taozie ama zi lymâ.

EZRÂ 9:7

Miah pathlatuhpazy daihti tawhta tanoh taihta thata thailei a châpa eima châ. Eima paraonazy vâta, keimo nata eima beizy nata eima theihthaipazy cha, râh hropa beizy ku liata nata zaozi ta thie awpa ta hlâpa châ pi ta, seichâna lâta a chhi awpa nata hrao awpa ta hlâpa eima châ. Tanoh taihta noza hmiachhiepa ta eima y.

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

HLAZY 106:28

Bâlâ-peô a chhy ei ta, Athipa lâta hlâpa atheihna sazy ama nie.

ISAI 30:1

“Saw chhorupazy ama hu a po na,” Abeipa ta a tah. “Ryhraona tao ei ta, Châhrasala keima ryhraopa châ vei; Azaona tao ei ta, Châhrasala ei Thlahpa ta taopa châ vei. Chavâta moleina ama baichha via lymâ.

ZEREMIAH 1:7

Châhrasala Abeipa ta ei hnohta, “‘Hawtipa deita châ na ta,’ tah khah y, Ei cha tuana phopi zydua lâ sie aw chi ta, Bie ei cha piepa maih na rei awpa a châ.

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 36:2

“Châbu la la, na hnohta bie ei rei pathaona Zôsia daihti tawhta tanoh taihta Zerusale nata Zudâh nata phopi zydua thâtih na hnohta ei reipa zydua kha, châbu liata roh khai mah y.

ZEREMIAH 44:20

Chatawhcha Zeremiah ta ano bie a chhytuhpa zawpi, chapaw nata chanô zydua hnohta,

ZEREMIAH 44:21

“Nâmo nata châ pathlatuhpazy, nama beizy nata nama beimachâzy nata râhsawzy ta Zudâh khihpizy nata Zerusale khiliahzy liata ropahâhpa nama raopazy kha, Abeipa ta a thei thlâh ha ta, a palôh liata ngia thlâh ha vei ma?

ZEREMIAH 7:2

“Abeipa o chhikao liata a duah la, ama hnohta he bie he phuah teh: Abeipa a chhy awpa ta, he chhikaozy liata a ngiapa, nâmo, Zudâh mo zydua saih u, Abeipa bie he thei teh u.

EZEKIA 17:12

“Saw chhorupazy hnohta, ‘Cha hmozy cha a yzie pahno veih ei chi ma?’ tah la, ama hnohta hetana heta reih teh: ‘Pachâ teh u, Babylaw bei Zerusale lâ a vy ta, Zerusale bei nata beimachâzy patu ta, a hnohta Babylaw lâ a siekhei ha ei.

EZEKIA 24:3

Saw chhorupazy hnohta pakhona bie reih la, ama hnohta, Abeipa Zehôvâh ta hetana heta a tah: “Beih khaih u la, Khaih tlai u la, A chhôh liata ti chhoh teh u.

EZEKIA 40:4

Cha chyhsa chata ei hnohta, “Chyhsa sawchapawpa y, na mo ta moh la, na nah ta theipa ta, ei cha pahmô awpa zydua lâta na palôh pahei teh. Chazy cha pahmôsa awpa ta, he su lâ ei châ vaw chhipa a châ. Na hmôpa zydua Izarei pathlazy hnohta phuah mah y,” tah ta.

AMÔSÂ 7:15

Châhrasala Abeipa ta mietaku zaw vaina tawhta na la ta, Abeipa ta ei hnohta, ‘Sie la, ei phopi Izarei hnohta bie kei phuah teh,’ eina tah.

MALAKHAI 3:7

Châ pathlatuhpazy daihti tawhna khata, ei biepiepazy tleisai tyh ei chi ta, zyh veih ei chi. Kei lâ vaw kua u la, nâmo lâ ei vaw kua aw,” Pheisaihzy Abeipa ta a tah. “Châhrasala nâmo ta, ‘Kheihta ma eima vaw kua aw?’ nama tah.

MALUHREINA 20:10

Mawsi nata Arawna ta zawpizy cha lôpanô hmiakô liata pahmaoh ei ta. Mawsi ta ama hnohta, “Nâmo, chhorupa saih u, tahmâ nathlie teh u, he lôpanô tawhna heta ma ti eima cha thaipa aw?” tah ta.

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RAWMA 10:15

Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.

RYHPACHANEINA 9:24

Ei cha pahno tua noh tawh ei ta Abeipa a dyuhpa nama châ.

RYHPACHANEINA 9:27

Châ chakaotuhpa Abarahâ, Aisika nata Zakaw zy a thei thlâh ha la, he phopi chhoruna, hmoparaona nata moleina he rie moh khah y.