EZEKIA 2:2 - Mara Bible RV (BSI)

² Ei hnohta bie a rei hai nota, Thlahpa ei chhôh liata a ngia ta, ei phei ta na paduasa ta, ei hnohta bie a reipazy cha ei thei.

EZEKIA 2:2 ပူးပေါင်းရင်းမြစ်များ

NEHEMIAH 9:30

Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

EZEKIA 11:5

Abeipa Thlahpa cha ei chô liata vaw tlô ta, ei hnoh ta, “Reih mah y, Abeipa ta hetana heta a tah: Hy Izarei pathlazy saih u, cha hawhpa hmozy a pachâpa nama châ. Nama palôh liata hmo a ypazy ei pahno khai.

EZEKIA 24:3

Saw chhorupazy hnohta pakhona bie reih la, ama hnohta, Abeipa Zehôvâh ta hetana heta a tah: “Beih khaih u la, Khaih tlai u la, A chhôh liata ti chhoh teh u.

EZEKIA 3:12

Chatawhcha Thlahpa ta na chalo ta, ei hnôh lâ tawhta losihpa ru ngaitapa pyu thei na ta, “Abeipa rônahna cha a pahrâna su tawhta reithaipa ta y mawh sy!” tahpa ta ao vaw pua ta.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

EZEKIA 3:24

Châhrasala Thlahpa ei chhôh liata a vaw ngia ta, ei phei ta na paduasa ta, ei hnohta, “Sie la, na o liata a kei khawhlôh teh.

EZEKIA 36:27

Nama chhôh liata ei Thlahpa soh aw na ta, ei bieraopazy a chhih awpa nata ei biepiepazy zyh awpa ta ei cha tao aw ei.

DÂNIAH 8:18

Ei hnohta bie a rei hai no tlai chata, ei hmia alei lâ a khupa ta mokuh pahâh ngaitapa ta a vaw mô ha na ta. Châhrasala na vaw hria ta, na padua ta.

BIEPHUAH 11:11

Noh thôh nata khophie a châ tawhta, Khazohpa tawhta hrona hu ama chhôh liata a vaw ngia ta, ama phei ta a kaw duah ei ta, a hmôtuhpazy ta ama chi ngaita.

RYUREITUHPAZY 13:25

Zôrâh nata Estaw likawh ta Mahânedâ liata a y nota Abeipa Thlahpa ta a chô liata raihria pathao ta.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.