EZEKIA 2:1 - Mara Bible RV (BSI)

¹ Chatawhcha Abeipa ta ei hnohta, “Chyhsa sawchapawpa y, na phei ta a duah teh, na hnohta bie ei reih aw,” tah ta.

EZEKIA 2:1 ပူးပေါင်းရင်းမြစ်များ

HLAZY 8:4

Chyhsapa he khâpa châ ta ma, Pachâ kaw chi ta; Chyhsa sawchapawpa he khâpa châ ta ma, Na mohôh tly?

EZEKIA 1:28

A chheipâh zydua liata khaihna alânazie cha, vâsua noh ta meihdo liata meisaku alânazie hawhta a châ. Abeipa rônahna lyuna alânazie cha, cha hawhna chata a châ. Ei hmô nahta, â khu lâta pao na ta, bie a reihtuhpa ao cha thei na ta.

EZEKIA 12:3

Nâ deikua cha, chyhsa sawchapawpa y, seichâna lâ a sie awpa hawhta na hmo a chhuah la, ama mohmô lia tlai ta, nohchhô sawhvaw ta seichâna lâ sie mah y. Seichâna lâ a sie awpa hawhta, ama mohmô lia tlai ta, na yna su tawhta su hro lâ na sie aw. Saw chhorupazy châ hra ei sala, cha dâhdei chhâ cha ama pahno thai ngyu aw lah.

EZEKIA 13:2

“Chyhsa sawchapawpa y, Izarei hrohsopazy hnohta hrohsona bie phuah teh. Âmo palôh liata a ypa hmo tlai cha hrohsona bie hawhta phuah ei ta, ‘Abeipa bie thei teh u,’ a tah tyhpazy ama châ.

EZEKIA 14:13

“Chyhsa sawchapawpa y, râh cha ngâchhih leipa ta ypa ta ei chô liata hmo a paraopa vâta, a chô liata ei ku hy aw na ta, niedo lana hnawh chhiepa ta, râh liata chakâhna patlôsa aw na ta, chyhsapa nata sazy râh tawhta ei chhawh pathlah khai ha tita cha,

EZEKIA 14:3

“Chyhsa sawchapawpa y, he chyhsazy he ama khazoh nothlahpazy ama palôh liata soh ei ta, ama paraona ahluana lô ama hmia liata a sohpa ama châ hih. Einâ saohiah awpa ei ta ei paryhsa awpa a châ rai ma?

EZEKIA 15:2

“Chyhsa sawchapawpa y, kre zôh tho cha râhmâhpa liata tho chiahzy hlâta kheihawh ta ma a pha via tly?

EZEKIA 16:2

“Chyhsa sawchapawpa y, Zerusale cha a pasichhihnazy pahnosa la,

EZEKIA 17:2

“Chyhsa sawchapawpa y, Izarei pathlazy hnohta phôhzuapa nata pakhona bie hmâpa ta bie reih la, ama hnohta hetana heta reih teh.

EZEKIA 2:3

Abeipa ta ei hnohta hetana heta a tah: “Chyhsa sawchapawpa y, Izarei sawzy lâta ei cha tuah. Chhorupa phopi, keima nâ dyuhtuhpa phopi lâta ei cha tuah. Âmo pathlatuhpazy nata âmo cheingei ta tanoh taihta ei chô liata hmo ama parao ngâ thlâh haw.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

EZEKIA 2:8

“Nâ deikua cha, chyhsa sawchapawpa y, na hnohta bie ei reipa he nathlie mah y. Kha saw chhorupazy hawhna khata na chhoru hra khah sy. Na pakah â la, ei cha piepa maih nie mah y.”

EZEKIA 20:3

“Chyhsa sawchapawpa y, Izarei machâzy chho la, ama hnohta, Abeipa Zehôvâh ta hetana heta a tah: Keima nâ saohiah awpa ta a vypa ma nama châ? Ei hrona reipa ta ei reih. Nâmo a saohiah awpa ta y aw va na, Abeipa Zehôvâh ta a tah, tah mah y.

EZEKIA 3:1

Abeipa ta ei hnohta, “Chyhsa sawchapawpa y, he liata na hmôpa maih nie teh. Châbu chatypa he nie la, Izarei pathlazy hnohta bie kei reih teh,” tah ta.

EZEKIA 3:10

Abeipa ta ei hnohta reih heih ta, “Chyhsa sawchapawpa y, na hnohta bie ei rei awpa zydua he, na nah ta thei la, na palôh liata khô ha mah y.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 3:4

Chatawhcha Abeipa ta ei hnohta, “Chyhsa sawchapawpa y, Izarei pathlazy lâ sie la, ama hnohta ei biezy he kei reih teh.

EZEKIA 37:3

Abeipa ta, “Chyhsa sawchapawpa, he ruzy he ama hroh thei aw ma?” na tah ta. Kei ta, “Hy Abeipa Zehôvâh, nâ ta na pahno,” tah na ta.

EZEKIA 4:1

“Hy chyhsa sawchapawpa y, leiraopa la la, na hmiakô liata soh la, a chô liata Zerusale khihpi nothlahpa khie la,

EZEKIA 40:4

Cha chyhsa chata ei hnohta, “Chyhsa sawchapawpa y, na mo ta moh la, na nah ta theipa ta, ei cha pahmô awpa zydua lâta na palôh pahei teh. Chazy cha pahmôsa awpa ta, he su lâ ei châ vaw chhipa a châ. Na hmôpa zydua Izarei pathlazy hnohta phuah mah y,” tah ta.

EZEKIA 43:18

Chatawhcha chyhsa chata ei hnohta, “Chyhsa sawchapawpa y, Abeipa Zehôvâh ta hetana heta a tah: Hezy he maisâh hmânazie awpa ryhpazy cha a châ: Raopa hlânazy hlâ nawpa nata thisaih thia awpa ta maisâh paduapa a châ noh ta,

EZEKIA 5:1

“Hy chyhsa sawchapawpa y, zaozi tiahpa la la, cha cha sângyutuhpa chaidâh hawhta hmâh la, na sâ nata na kâhhmi ngyu teh. Chatawhcha khopathliahnazy la la, sâ cha su thôh ta pachhaih mah y.

EZEKIA 7:2

“Hy chyhsa sawchapawpa y, Abeipa Zehôvâh ta Izarei râh hnohta hetana heta a tah: Chhâna! Râh ki palihzy liata chhâna a vaw tlô hai.

DÂNIAH 10:11

Ano ta ei hnohta, “Hy Dâniah, chyhsa pasâhsa a chhih ngaitapa y, na hnohta bie ei rei awpazy he pakhâta ta pachâ mah y; a kaw duah teh, na hnohta tuapa ei châ hih,” tah ta. He bie he ei hnohta a reih khai nahta, a chalyuna chôta a kaw duah na ta.

DÂNIAH 10:19

Ano ta ei hnohta, “Hy chyhsa pasâhsa a chhih ngaitapa y, chi kha, thlalôhna na hnohta y mawh sy. Thatlôpa ta y la, riahphapa ta y teh,” na tah ta. Ei hnohta bie a rei khai nahta, thapatlôpa ta vaw y ha na ta, a hnohta, “Ei zibeipa ta bie reih mawh sy, tha eina patlô ha chi,” tah na ta.

DÂNIAH 8:17

Chatanachata Kabriel cha ei duana kiapâh lâ a vy ta. Â vy nahta, chi ngaita na ta, ei hmia alei lâ a khupa ta pao na ta. Ano ta ei hnohta, “Hy chyhsa sawchapawpa y, aluahna he daihti chhâna kyh a châ tahpa pahno mah y,” tah ta.

MATHAI 17:7

Zisu a vy ta âmo cha hria ta, ama hnohta, “Thyu teh u, chi khuh vy,” tah ta.

ZAWHÂNA 3:13

Vârâh tawhta za chôpa Chyhsa Sawchapawpa dei leipa ta cha, vârâh lâ ahy hmah kiah beih veih ei.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

HMOTAOPAZY 26:16

Châhrasala thyu la, na phei ta a duah teh. Nâ chakaotuhpa ta cha tao awpa ta na hnohta ei vaw luah. Kei liata hmo na hmôpazy nata na hnohta ei luahna liata na hmôpazy nâ châhkhei lymâ aw.

HMOTAOPAZY 9:6

Thyu la, khihpi liata a ngia teh, na tao awpa ama cha chho aw,” tah ta.