EZEKIA 19:14 - Mara Bible RV (BSI)

¹⁴ A chiah chhyh tawhta mei vaw pua ta, A thei a kâ haw; Chavâta a chiah châpa y khao leipa ta, Abei chôchahrei awpa y khao vei. He he chaphôhtuna hla châ ta, chaphôhtuna châta hmâ awpa a châ.

EZEKIA 19:14 ပူးပေါင်းရင်းမြစ်များ

EZEKIA 19:11

A chiahzy châ kaw ei ta, Abei chôchahrei châta hmâ tlâhpa a châ. Chhobuh rôhpazy chô lâta A sâh patluapa ta y ta,  sâhna nata a chiah hluhna zy vâta  lâ patlua.

EZEKIA 19:1

Nâ deikua cha, Izarei beimachâzy châta chaphôh tu la,

2 ABEIZY 24:20

Abeipa pathiiana vâta, a mohmô tawhta papua hana taihta Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

ZAWHÂNA 19:15

Âmo ta, “Pahleipadia teh, pahleipadia teh, khaipâ teh!” tahpa ta awh ei ta. Pilâ ta ama hnohta, “Nama Beipa he ei khaipâ aw ma?” tah ta. Theihthai beizy ta a chhy ei ta, “Kaisarâ leipa ta bei hropa hnei ma pi,” tah ei ta.

LUKA 19:41

Zerusale a kei hnia ta, khihpi cha a hmô nahta, chakhei ta,

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

HÔSIA 10:3

Chatawhcha âmo ta, “Abeipa eima chi leipa vâta, Bei hnei ma pi; Bei cha a hneipa rai châ sih la, Khâpa ma miah a taopa thei aw?” ama tah aw.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

EZEKIA 20:47

Neke râhmâhpa hnohta, ‘Abeipa bie nathlie teh, Abeipa Zehôvâh ta hetana heta a tah: Moh teh, na chhôh liata mei patih aw na ta, na chhôh liata tho hrohpa nata tho raohpa zydua a kâ khai ha aw. Meipaleih a duah ngâpa cha pachhaipa châ leipa aw ta, chho lâ tawhta maw lâ taihta râh hmia zydua a kâ khai ha aw.

EZEKIA 15:4

Moh teh, kre zôh cha mei pati nawpa châ deita ta hmâpa a châ. Mei ta a chao nata a luh kâ ta, a liah chhao a pa-u tyh. Phahnaina a hnei rai ma?

CHAPHÔHTUNA 4:20

Eima hnapasu liata husona Abeipa sathawthupa cha, Ama khaohtlôzy liata patu ha ei ta; “A nohdi ry liata phopizy hry liata eima pahrâ aw,” Eima tah tyhpa chyhsa cha ama patu haw.

ZEREMIAH 52:3

Abeipa pathiiana vâta, a mohmô tawhta papua hana taihta, Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

ZEREMIAH 38:23

Na lapinô zydua nata na saw zydua cha Kaldia mo lâ a chhipa châ aw ei ta, nâma tlai chhao ama ku tawhta pua leipa aw chi ta, Babylaw bei ta cha patu aw ta, nâma vâta khihpi he mei ta raopa a châ aw,” tah ta.

HLAZY 79:7

Zakaw palâ ha ei ta, A pahrâna roryhrapa ta ama tao haw.

NEHEMIAH 9:37

Eima moleina vâta eima chô liata bei châ awpa ta na raopazy ta râh kôvei phanazy ama to khai ha hih. Ama khozie hawhta eima pôhpa nata eima sahrohzy chô liata biehnei ei ta, nôpo pachârôhpa ta eima y.

2 THÂTIHZYRONA 36:13

Khazohpa moh ta bie a pataihsa hapa Bei Nebukaneza chhao â chariah. A rao pachyupa ta, a palôh kuh pachhasa ta, Abeipa, Izarei Khazohpa lâ a heih khoh vei.

RYUREITUHPAZY 9:15

Ahloh buh ta thozy hnohta, ‘Palôh hmeiseihpa ta nama bei châta sathaw eina thu tlai khiah ei chi ta cha, a vy u la, ei nohdi liata a vaw pahâ teh u. Cha hawhta a châ vei khiahta deikua cha, ahloh buh tawhta mei vaw pua sala, Lebanaw sidy thozy cha kâ khai mawh sy,’ tah ta.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

HLAZY 110:2

Abeipa ta Zaio tawhta na thatlôna chôchahrei vaw tuah sala, Na chariahpazy hry liata ryureih mah y!

EZEKIA 17:10

Moh teh u, lopa châ ha ta, châhrasala a pha aw ma? Nochhi thlih ta a vaw chanaoh tita, uah khai thlâh ha aw vei ma? A pyuna su lia tlai ta uah thlâh ha aw vei ma?’ tahpa ta reih teh,” tah ta.

EZEKIA 20:48

Kei Abeipa ta ei papuapa mei a châ tahpa chyhsa zydua ta hmô aw ei ta, pachhaipa châ aw vei,’ tahpa ta chho mah y” tah ta.

EZEKIA 26:17

Chaphôh cha tupa aw ei ta, hetana heta ama cha tah aw: “‘Hy Khihpi moh pathâhpa, Tilaipi chyhsazy pahrâna khihpi, Tilaipi chô liata thatlôpa ta a ypa khihpi y, Tyre nata a khihsawzy cha, Râhsawzy ta ama chi thlâ bao na ta, Na raona cha a rarôh y kaw dia!