EZEKIA 19:11 - Mara Bible RV (BSI)

¹¹ A chiahzy châ kaw ei ta, Abei chôchahrei châta hmâ tlâhpa a châ. Chhobuh rôhpazy chô lâta A sâh patluapa ta y ta,  sâhna nata a chiah hluhna zy vâta  lâ patlua.

EZEKIA 19:11 ပူးပေါင်းရင်းမြစ်များ

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

1 ABEIZY 5:1

Sawlawmaw cha a paw su a thla awpa ta sathaw ama thu haw tahpa Tyre bei Hirâ ta a thei nahta, a chakaotuhpazy Sawlawmaw lâ tuah ta. Hirâ he Dâvi a pasô kawpa a châ.

EZRÂ 4:20

Bei thatlôpazy ta Zerusale chô liata ryu vaw reih ei ta. Âmo chata Chavah Haosâ râh zydua chô liata ryureih ei ta, cha beizy lâta râhpawzy, leimâzy, chhiezy ama vaw pie tyh.

EZRÂ 5:11

Hetana heta miah amâ chhy: ‘Avâ nata alei Kha­zohpa chakaotuhpazy châ pi ta, kô hluhpi a sie hapa liata paduapa, Izarei bei rônahpa ta sa ta, a vaw paloh hapa o eima sa pathi.

HLAZY 110:2

Abeipa ta Zaio tawhta na thatlôna chôchahrei vaw tuah sala, Na chariahpazy hry liata ryureih mah y!

HLAZY 80:15

Na ku chachâh lâta na lopa kre zôh he vaih la, Nâma châta na palaiseihpa chiah he mohôh mah y.

HLAZY 80:17

Na ku chachâh ta na hmâpa chyhsa chô liata na ku pahnieh la, Nâma châta na mohôhpa chyhsa sawchapawpa chô liata na ku pahnieh mah y!

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

EZEKIA 19:12

Châhrasala kre zôh cha hiehâhpa ta phia ei ta, Alei liata ama thy haw; Nochhi thlih ta a thei pachawh ta, A theizy zô ta a uah haw. A chiah châpa chhao, Mei ta a kâ haw.

EZEKIA 19:14

A chiah chhyh tawhta mei vaw pua ta, A thei a kâ haw; Chavâta a chiah châpa y khao leipa ta, Abei chôchahrei awpa y khao vei. He he chaphôhtuna hla châ ta, chaphôhtuna châta hmâ awpa a châ.

EZEKIA 21:10

Chyhsa chhawh nawpa ta chatapa châ ta, Dôhla hawhta pathliesapa châ ta, Padiehsapa a châ haw! Eima tha a pha aw ma? Ei sawchapawpa y, chôchahrei mohnao chi ta, tho ta taopa zydua na mohnao.

EZEKIA 21:13

Pasiana y tlôh aw ta, zaozi mohnaopa chôchahrei cha y khao leipa sala, kheihta a châ aw?’ Abeipa Zehôvâh ta a tah,” tah ta.

EZEKIA 31:3

Pachâ teh, Asuria cha Lebanaw liata sidy tho châ ta, A chiah a ngiapa nata a nohdi buh a rôhpa a châ; Thokô a sâh ngaitapa châ ta, A kithlao vâ meihdo taihta a daihpa a châ.

DÂNIAH 4:11

Thokô cha kaw lai ta, pachyu ta, a kihthlao avâ daih ta, alei chhâna zydua tawhta hmô thei khaipa ta a y.

THEIHTHAINA 23:40

A noh khana noh ta tho phapa theizy, thiahrâ kuahzy, thochiah buh phapa nata chavah liata râbuhzy a chaba aw ei chi ta, Abeipa nama Khazohpa hmiakô liata noh sari chhôh thaphapa ta nama y aw.

MALUHREINA 24:17

Ano cha hmô na ta, Châhrasala tahmâ châ vei; Moh na ta, Châhrasala a hnia vei; Zakaw tawhta awhsi vaw pua aw ta, Izarei tawhta bei a vaw pua aw. Môabâ râh zydua pahnie aw ta, Sethâ saw zydua a pahleipadia khai aw.