EZEKIA 18:8 - Mara Bible RV (BSI)

⁸ a pôhna hneipa ta a sôh dyu pacheisa leipa ta, â thôhna la hra leipa ta, adoleina tao lei awpa ta a ku pako ha sala, pachiana dopa ta chyhsa nata chyhsa likah pachia sala,

EZEKIA 18:8 ပူးပေါင်းရင်းမြစ်များ

2 SAMUELA 22:24

A hmiakô liata seina hnei leipa na ta, Thaileichâna tawhta keimasasyh ta ei pabohsa.

NEHEMIAH 5:15

Kei hlâta a vaw y tuapa râhvaotuhpazy khata zawpi chô liata phaohri thata pavi ei ta, noh chareih ta ama nie awpa pati nata kresawhti hleikhô ta, tâkâ sekel sypalih ama pacheisa tyh. Ama chakaotuhpazy taihta zawpi chô liata amâ pabeisa ngaita. Kei deikua cha, Khazohpa ei chipa vâta, cha hawhta tao va na.

HLAZY 15:5

A pôhna chhaota a sôh dyu a pacheisa leipa, Moleina a hnei leipa thailei pachâsa nawpa ta panaopapana a la leipa; Chazy chata na poh o liata tlôh aw ei ta, Na tlâh pathaihpa liata ama pahrâ aw. Cha hmozy a taotuhpa cha a chalyu beih aw vei.

PUASAINA 22:25

“Ei phopi chyhsa na kiapâh liata a ypa dyhchhiepa hnohta na sôh na pahmâsa khiahta cha, sôh dyu a pacheisapa chyhsa hawhta a pachâ leipa la, apôhna na haw awpa châ vei.

BIESOZY 28:8

A pôhna chadaipa ta a sôh a papôhsatuhpa cha, Dyhchhiepazy chô liata riaphapa châta a sôh cha a pachô.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ZEREMIAH 15:10

Ei nô y, alei chô zydua a patypamâtuhpa nata a chakhiatuhpa ta eina sapa chi he, ei hu a po kaw dia! A pôhna hneipa ta ei sôh chyhsa dyu pacheisa beih leipa na ta, chyhsa sôh dyuchei beih hra va na. Chatanachôta ama zydua ta chhie eina sapa ei.

EZEKIA 11:12

Abeipa ei châ tahpa nama pahno aw. Ei bieraopazy a chhih leipa ei chi ta, ei ryhpazy a chhi hra veih ei chi. Nama chheipâh liata phopizy ryhpa hawhta tlao nama y haw,” tah ta.

EZEKIA 18:13

a pôhna hneipa ta a sôh dyu pacheisapa ta, â thôhna a la khiahta cha, a hroh aw ma? Hro aw vei. Cha hmo pasichhihpa zydua cha tao ha ta, a thi tlai awpa a châ. Ano thisaih maoh cha ano chô liata a y aw.

EZEKIA 18:17

moleina hmo tao lei awpa ta a ku pako ha sala, apôhna nata â thôhna la leipa ta, ei ryhpazy zyhpa ta, ei bieraopazy â chhih khiahta cha, a paw paraona vâta thi aw vei. A hroh thlyu awpa a châ.

EZEKIA 22:12

Thisaih palo nawpa ta, panaopapana khihpi chhôh liata la ei ta, a pôhna nata â thôhna la chi ta, na vaihzy tlybaipa ta athôhna hmô chi ta, kei deikua cha eina my ha chi,” Abeipa Zehôvâh ta a tah.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

THEIHTHAINA 19:35

“Pachiana kyh liata zy, a seihna thliena liata zy, â hrina khopathliahna liata zy, panuana liata zy â doleipa ta nama tao awpa châ vei.

ZEKARIA 8:16

Hezy he nama tao awpa hmozy cha a châ: Biedopa a chho raihrie u la, adyhna a tlôkhei awpa pachiana dopa ta nama hawkazy liata ryureih teh u.

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.

RYHPACHANEINA 23:21

“Abeipa nama Khazohpa lâta bie namâ taihpa a y khiahta cha, pahawh pasâh leipa ta nama pie awpa a châ. Chataleipatala Abeipa nama Khazohpa ta châ hnaw tlôh aw ei ta, nama châta moleina a châ pathlei aw.