EZEKIA 18:7 - Mara Bible RV (BSI)

⁷ ahy hmah tlybai leipa ta, a sôh dyu a cheituhpa ta sôhkâ a sopa pakuapa ta, ahy hmah hrao leipa sala, nodipa hnohta niedo piepa ta, thluahruapa poh pabu sala,

EZEKIA 18:7 ပူးပေါင်းရင်းမြစ်များ

NEHEMIAH 5:10

Cha dei châ vei, kei nata ei unawhzy nata nâ chakaotuhpazy ta âmo cha sôh nata sâh zy â bâh ta eima pie lymâ. Ngiachhiepa ta apôhna hneipa ta dyu pacheisapa he pathleih ei suh u.

ZAWBÂ 22:6

Chhâpa y leipa ta na unawhzy tawhta sôhkâ la chi ta, Thluahruapazy ama chysia pahluhpa chi ta,

ZAWBÂ 24:3

Paw hnei leipa alâ a chadai pai ei ta, Nôhmei viahchao tôhpa sôhkâ ta ama lapa.

ZAWBÂ 24:9

Paw hnei leipa a nô sâhpi tawhta chhu ei ta, Dyhchhiepa saw sôhkâ ta ama la tyh.

HLAZY 112:4

Chyhsa dopa châta cha, Zohna liata a y no chhao ta khaihna a vaw pua tyh; Abeipa cha ngiachhiena nata zawngiahna a hneipa châ ta, Khazohpa siapa a châ.

HLAZY 112:9

A sôh nata piahzy a saipa ta rai ta, Dyhchhiepazy a pie tyh; A siana chhâzaw ta y aw ta, A ki palyupalih ta cheihchalopa a châ aw.

HLAZY 41:1

Dyhchhiepazy a pachâtuhpa cha a nohlao na! Nôpona noh liata Abeipa ta ano cha pachha ta,

PUASAINA 22:25

“Ei phopi chyhsa na kiapâh liata a ypa dyhchhiepa hnohta na sôh na pahmâsa khiahta cha, sôh dyu a pacheisapa chyhsa hawhta a pachâ leipa la, apôhna na haw awpa châ vei.

PUASAINA 22:26

“Na vaih poh sôhkâ ta na lapa khiahta cha, noh tla hlâta na pie heih awpa a châ.

PUASAINA 23:9

“Mapaihpa na tlybai awpa châ vei. Nâmo chhao Izi râh liata mapaihpa châ ei chi ta, mapaihpa châpa palôh rietheizie nama pahno.

BIESOZY 14:31

Sipasapa a tlybaipa cha a Taotuhpa palôh a pasasapa châ ta, Phahlapazy a ngiachhiepa deikua cha a Taotuhpa a palyupalih.

BIESOZY 28:27

Dyhchhiepa a pietuhpa cha a phahla leipa aw ta, A mo a pasopa deikua cha chhiesana thata â tyh aw.

BIESOZY 28:8

A pôhna chadaipa ta a sôh a papôhsatuhpa cha, Dyhchhiepazy chô liata riaphapa châta a sôh cha a pachô.

BIESOZY 3:31

Thachahra a hmâhpa chyhsa cha uahva leipa la, A lâpi kheihawhpa hmahta a tlyh khah y.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 18:12

dyhchhiepa nata phahlapazy tlybaipa ta, chyhsa hraopa ta, sôhkâ pakua leipa ta, khazoh nothlahpazy lâ a mo khaihpa ta, hmo pasichhihpa tao sala,

EZEKIA 18:16

ahy hmahta tlybai leipa ta, sôhkâ la leipa ta, ahy hmah hrao leipa sala, nodipazy niedo piepa ta, thluahruapa poh pabu sala,

EZEKIA 18:18

A paw deikua cha, chyhsa eih chhu ta, a unawhpa hrao ta, a phopi hry liata hmo pha leipa a taopa vâta, pachâ teh, a paraona vâta a thi awpa a châ.

EZEKIA 33:15

moleipa ta sôhkâ a lapazy pakuapa ta, hmo a parupazy pie pakhua sala, hrona bieraopazy a chhihpa ta, hmo pha leipa a tao leipa khiahta cha, a hroh tlai aw, thi aw vei.

EZEKIA 7:23

“Bâlia daih teh! Râh he thisaih palona moleina ta bie ta, khihpi chhao atudaina ta a bie ha hih.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

THEIHTHAINA 19:13

“Na vaih na tlybai awpa châ leipa ta, ano cha na hrao awpa châ vei. Raihriatuhpazy hlao pie leipa ta, azozâkhihdei nâ vao awpa châ vei.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

THEIHTHAINA 25:14

“Na vaih hnohta râh na zua khiahta tlyma, na vaih râh na chalei khiahta tlyma, namâ dôvei awpa châ vei.

AMÔSÂ 2:6

Abeipa ta heta na heta a tah: “Izarei moleina miathôh vâta, Âh, miapalih vâ chhao rai ta, Hriena chalihsa aw va na; Chyhsa siapazy tâkâ ta zuah ei ta, Phahlapazy pheiky bao kha ta ama zuapa vâta.

AMÔSÂ 2:8

Sôhkâ poh a phawpa ta, Maisâh kiapâh liata a zia ei ta, Chyhsazy ama pacheisapa kresawhti cha, Ama Khazohpa o liata ama doh tyh.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

AMÔSÂ 6:3

Chhiena noh lâhlapi lâ pasie ei chi ta, Thachahra hmâna dyuchhai nama vaw pahniasa.

MIKÂ 2:1

Hmo pha leipa patuapaluapa ta, Ama rakhô liata moleina a pachâpadypazy cha, Ama hu a po na! Ama ku liata a ypa biehneina a châpa vâta, My khih a vaw dei nahta ama hriapazi tyh.

MIKÂ 3:2

Nâmo, hmo phapa a hao ei chi ta, Hmo chhiepa a pasôpazy; Nâmo, ei chyhsazy vo hlaih ei chi ta, Ama ruzy tawhta ama sa a kaopazy;

ZEPHANIA 1:9

Cha noh liata, Panana châkeih a zawpakhô tyhpa zydua hrie aw ei na ta, Thachahra hmâna nata dôveina ta ama khazoh o a pabiepazy ei hrie aw ei.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

LUKA 3:11

Zawhâna ta ama hnohta, “Ahy rai viahkao zo no a hneipa ta, a hnei leipa hnohta pie sala, ahy rai niedo a hneipa ta, cha hawhta tao hra mawh sy,” tah ta.

RYHPACHANEINA 24:17

Chihropa nata paw hnei leipazy adona nama charichamy awpa châ leipa ta, nôhmei poh sôhkâ ta nama lapa awpa châ hra vei.