EZEKIA 18:6 - Mara Bible RV (BSI)

⁶ tlâhpizy liata pati nie leipa ta, Izarei pathlazy khazoh nothlahpazy lâ a mo khaih leipa ta, a vaih lapinô papuapalei leipa ta, chanô a thaitlyh lei nota a hnia leipa sala,

EZEKIA 18:6 ပူးပေါင်းရင်းမြစ်များ

HLAZY 121:1

Tlâhzy lâna khita ei mo ei khaih aw; Khataih tawhta ma nâ bao awpa a vaw tlô aw tly?

PUASAINA 34:15

Cha râh liata a pahrâpazy hnohta biehrai tao lei awpa ta a vaih teh u. Chataleipatala ama khazohzy liata sihryhpa ta, ama khazohzy lâta amâ theih tita, cha hrua aw ei ta, amâ theihna sa nama nie pathlei aw na.

BIESOZY 6:29

A vaih lapinô lâ a ngiapa chhao, cha hawhta y hra aw ta, Cha chanô a hriapa maih cha hrie leipa ta pua aw veih ei.

EZEKIA 18:15

tlâhpizy liata pati nie leipa ta, Izarei pathlazy khazoh nothlahpazy lâ a mo khaih leipa ta, a vaih lapinô papuapalei leipa sala,

EZEKIA 18:5

“Chyhsa ahy tlyma cha mosiapa châ sala, adona nata siana taopa ta,

EZEKIA 20:24

Ei ryhpazy zyh leipa ei ta, ei bieraopazy thypa ta, ei Pahânohzy papuapalei ei ta, âmo pathlatuhpazy khazoh nothlahpazy lâ ama mo ama padeipa vâta, chyhu ei sa thlupa ei a châ.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

EZEKIA 20:7

Ama hnohta, ‘Chyhsa to nama mo liata nama pasô kawpa hmo pasichhihpazy thy u la, Izi râh khazoh nothlahpazy ta a papuapalei khuh vy. Kei he Abeipa nama Khazohpa ei châ,’ tahpa ta ei chho ei.

EZEKIA 6:13

Tlâh sâhpa to liata zy, tlâh laki to liata zy, tho hrohpa ry to liata nata ôkâ tho buh rôhpa ry to liata zy, ama khazoh nothlahpazy lâta ropahâhpa ama hlâ tyh. Ropahâhpa ama hlâ tyhna su to liata ama maisâh chheipâh ta ama khazoh nothlahpazy hry liata ama ri a zawhpazy ama hmô tita, kei he Abeipa ei châ tahpa ama pahno aw.

THEIHTHAINA 20:10

“Ahy rai chyhsa lapinô liata tlyma, a vaih lapinô liata tlyma â phei khiahta cha, apheipaw nata apheinô cha ama pano ta thie thlyu awpa a châ.

THEIHTHAINA 20:18

Chyhsa ta chanô hnopasu daihti liata a ziakheipa ta a thluahruana a palâ khiahta cha, a chanô thihnawh thluahruana a palâpa châ ta, chanô chhao ta a thihnawh a palâpa châ ta, ama pano ta ama phopi tawhta chhawh pathlahpa ama châ aw.

MALUHREINA 25:2

Chanôzy ta ama khazohzy lâta atheihna hlânazy liata Izarei sawzy cha hrua ei ta. Izarei sawzy ta atheihnazy cha niepa ta, Môabâ khazohzy lâta a bôh ei ta.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

1 KAWRINI 10:20

Tah va na. Ngiapâleipazy atheihna cha Khazohpa lâta hlâpa châ leipa ta, ahripazy lâta ama hlâ tyhpa a châna kyh ei reipa a châ. Nâmo la ahripazy namâ hlykhei awpa cha khokhei veih ei na.

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.