EZEKIA 18:30 - Mara Bible RV (BSI)

³⁰ “Chavâta Hy Izarei pathlazy saih u, chyhsa to nama hrozie chyu hawhta ei cha pachia aw ei,” Abeipa Zehôvâh ta a tah. “Ro u la, nama paraona zydua a heihsai ha muh vy. Chataleipatala paraona cha nama raona a châ pathlei aw na.

EZEKIA 18:30 ပူးပေါင်းရင်းမြစ်များ

EZRÂ 10:11

Chavâta tahmâ Abeipa, châ pathlatuhpazy Khazohpa liata nama moleinazy palâhâhpa ta reihpha cheih u la, a khopa tao u la, he râh liata a pahrâpa phopizy nata chihropa lapinô ta nama hneipazy tawhta a panano teh u,” tah ta.

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

BIECHHOTUHPA 3:17

Hmo to nata rai to châta daihti raopa a châ khaipa vâta, Khazohpa ta mosiapa chhao moleipa chhao a pachia khai aw ei tahpa ei palôh ta pachâ na ta.

ISAI 21:12

Riahvaituhpa ta, “My vaw châ daihmâ ta, Zâ a vaw châ heih aw. Nama hiahri khoh khiahta cha, Hiahri u la; A vy u la, Hiahri heih teh u,” tah ta.

ISAI 59:20

“Chatanachata Chatlaituhpa cha Zaio lâ a vy aw ta, Paraona a heihsaipa Zakaw pathlazy lâ â vy aw,” Abeipa ta a tah.

ZEREMIAH 25:5

Hrohsopazy ta, ‘Chyhsa to nama moleina lâpi tawhta nata nama hmotaopa pha leipazy tawhta vaw kua u la, Abeipa ta nâmo nata châ pathlatuhpazy hnohta hlâno tawhta chhâzaw châta a cha piepa râh liana he pahrâ teh u.

ZEREMIAH 3:22

“Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.

ZEREMIAH 35:15

Nâ chakaotuhpa hrohsopa zydua nâmo lâ khâ vaw tuah ei na ta, nama hnohta, ‘Chyhsa to nama hrozie pha leipa tawhta vaw kua u la, nama hmotaopazy a phapa ta taopathi u la, khazoh hropazy pazi leipa u la, chakao khuh vy. Chatanachata nâmo nata châ pathlatuhpazy hnohta râh ei cha piepa liana heta nama pahrâ aw,’ tahpa ta khâ cha chho ei ta. Châhrasala nama nah pachôh leipa ei chi ta, na nathlie hra veih ei chi.

ZEREMIAH 7:3

Pheisaihzy Abeipa, Izarei Khazohpa ta hetana heta a tah: Nama hrozie nata nama hmotaopazy liata a taopathi u la, chatanachata he su liata ei cha pahrâsa aw ei.

EZEKIA 14:6

“Chavâta Izarei pathlazy hnohta, ‘Abeipa Zehôvâh ta hetana heta a tah: Ro u la, nama khazoh nothlahpazy a heihsaipa ta vaw kua u la, nama pasichhihna zydua a heihsaipa ta vaw kua ha muh vy,’ tahpa ta chho teh u.

EZEKIA 18:21

“Châhrasala moleipa ta moleina a taopa zydua a heihsaipa ta, ei bieraopa zydua zyhpa ta, adona nata siana a tao khiahta cha, a hroh tlai aw, thi aw vei.

EZEKIA 18:29

“Chatanachôta Izarei pathlazy ta, ‘Abeipa lâpi cha a do vei,’ ama tah thlâh ha chy pyly. Hy Izarei pathlazy saih u, ei lâpi cha a do vei ma? Nâmo lâpizy kha adoleipa tlao châ vei ma?

EZEKIA 24:14

Kei Abeipa ta reih ha na ta, a vaw tlô tlai aw. Ei tao tlai aw. A sy leipa aw na ta, pahlôh hra leipa aw na ta, pathleih hra aw va na. Na hroziezy nata na hmotaopazy hawhta pachiapa na châ aw, Abeipa Zehôvâh ta a tah.”

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

EZEKIA 33:20

Chatanachôta, ‘Abeipa lâpi he a do vei,’ nama tah pyly. Hy Izarei pathlazy saih u, chyhsa to nama hrozie hawhta ei cha pachia aw ei.”

EZEKIA 33:9

Moleipa cha a hrozie siesai awpa ta zikyu a râ ha la, a hrozie a siesai leipa khiahta deikua cha, cha chyhsa cha a paraona liata thi aw ta, nâ deikua cha na hro na pabohsa aw.

EZEKIA 34:20

“Chavâta Abeipa Zehôvâh ta ama hnohta hetana heta a tah: Pachâ teh u, kei, keima tlai ta, mietaku thawhpa nata mietaku zaohpa likah ei pachia aw.

EZEKIA 36:19

Phopizy hry liata papai ei na ta, râh to liata hiepatlapa ama châ. Ama hroziezy nata ama hmo­taopazy hawhta ei pachia ei.

EZEKIA 43:9

Tahmâ tawhta deikua cha, ama sihryhna nata ama beizy ri cha, kei tawhta â hlapi ta soh ei sala, ama hry liata chhâzaw ta ei pahrâ aw.

EZEKIA 7:27

Abei cha mâchhie sa aw ta, abei sawchapawpa chhao hnabeidyna chysia ta a tobi aw ta, râh zawpi kuzy â chalyu aw. Âmo hrozie hawhta ama chô liata patlôsa aw na ta, chyhsa ama pachiazie hawhta âmo chhao ei pachia aw ei. Chatanachata Abeipa ei châ tahpa ama pahno aw.”

EZEKIA 7:3

Chhâna ta tahmâ a cha vaw tlô thlu haw. Na chô liata ei hiehâhna vaw tuah aw na ta, na hroziezy hawhta cha pachia aw na ta, na pasichhihna zydua vâta ei cha hrie aw.

DÂNIAH 9:13

Mawsi Ryhpa liata ropa hawhta, he chhiena zydua he eima chô liata vaw tlô ta, châhrasala eima moleinazy a heihsai ta, na bie hmeiseihpa pahno awpa ta, Abeipa eima Khazohpa khokheina tlua hlei ma pi.

HÔSIA 12:6

Na Khazohpa lâ kua la, Ngâchhihna nata adona patu la, Na Khazohpa cha khâ ngâ mah y!

ZEKARIA 1:4

Châ pathlatuhpazy hawhna khata y khah u. Hrohsopa hmiatuapazy ta, ‘Pheisaihzy Abeipa ta hetana heta a tah, nama moleina lâpi tawhta nata nama moleina hmotaopazy tawhta tahmâ vaw kua teh u,’ tahpa ta zikyu a râ ei ta, châhrasala nathlie leipa ei ta, na uasa hra veih ei,” Abeipa ta a tah.

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 25:32

a hmiakô liata phopi zydua a vypakhy aw ei ta, mietaku vaituhpa ta miezy hry tawhta mietakuzy a pahruapa hawhta, chyhsazy a pahrua aw ei.

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 3:8

Rona moh phaoh tlâhpa ta pathei teh u.

LUKA 13:3

Châ bao va, ei cha chho ei, nâmo chhao nama ro vei khiahta cha, cha hawhta nama leidia khai aw.

LUKA 13:5

Châ bao va, ei cha chho ei, nâmo chhao nama ro vei khiahta cha, cha hawhta nama leidia khai aw,” tah ta.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

ZÂMIE 1:15

Aohraohna ta saw phaoh ta, moleina sa ta, moleina cha a vaw pitloh nahta, thina a tlôkhei tyh.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

BIEPHUAH 2:16

Chavâta ro mah y. Chataleipatala nâ lâ a vy patoh aw na ta, ei pakah zaozi ta âmo cha ei vaw dyuh aw ei.

BIEPHUAH 2:5

Chavâta na paosai hapa kha a thei la, ro la, hmiatua ta na tao tyhpa hmozy kha tao heih mah y. Chataleipatala nâ lâ a vy aw na ta, na ro vei khiahta cha, na meiôh patyuna kha a su tawhta ei pasie aw.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

BIEPHUAH 22:12

Abeipa Zisu ta,“Nathlie teh, ei vy patoh aw. Chyhsa to ama hmotaopa lymâ hawhta pie awpa lymâ ei hnohta a y.