EZEKIA 18:27 - Mara Bible RV (BSI)

²⁷ Cha hawh pyly ta, moleipa ta moleina a tao hapazy a heihsaipa ta, adona nata siana a tao khiahta cha, a hrona a pabohsa aw.

EZEKIA 18:27 ပူးပေါင်းရင်းမြစ်များ

EZEKIA 18:21

“Châhrasala moleipa ta moleina a taopa zydua a heihsaipa ta, ei bieraopa zydua zyhpa ta, adona nata siana a tao khiahta cha, a hroh tlai aw, thi aw vei.

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

1 TIMAWTHY 4:16

Na hro nata na pachuna biezy a phapa ta vaih mah y. Cha hawhta na tao khiahta cha, nâ nata na bie a theituhpazy na pachha aw ei.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

HMOTAOPAZY 20:21

Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

HMOTAOPAZY 2:40

Bie hropa hluhpi ta Zisu cha a châhkhei lymâpa ta zawpizy cha pasyu ta, ama hnohta, “He chhâ moleipa tawhna heta a pabohsa teh u,” tah ta.

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

EZEKIA 33:5

Chiahmie pyu thei ta, châhrasala zikyurâna a papeisa leipa vâta, a thisaih cha ano chô liata a y aw. Zikyurâna a papeisa khiahta deikua cha, a hro a pabohsa aw.

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

EZEKIA 18:26

Mosiapa ta a siana siesaipa ta, hmo doleipa a tao khiahta cha, cha vâna chata a thi aw. Hmo doleipa a taopa vâta a thi aw.

EZEKIA 18:28

A pachâ pasia ta, moleina a vaw tao hapa zydua â heihsai hapa vâta, a hroh tlai awpa a châ; a thi awpa châ vei.

EZEKIA 33:14

Moleipa hnohta, ‘Na thi tlai aw,’ tah hraw sah la, a moleina siesaipa ta, siana nata adona tao sala,