EZEKIA 18:25 - Mara Bible RV (BSI)

²⁵ “Chatanachôta, ‘Abeipa lâpi cha a do vei,’ nama tah thlâh ha chy pyly. Hy Izarei pathlazy saih u, nathlie teh u: Ei lâpi cha a do vei ma? Nâmo lâpizy kha adoleipa tlao châ vei ma?

EZEKIA 18:25 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

ZAWBÂ 15:13

Na thlahpa ta Khazohpa chakhia chi ta, Cha hawhpa bie cha na pakah tawhta a pua tly?

ZAWBÂ 32:2

Châhrasala Buzi chyhsa Râmi pathla Barâkhe sawchapawpa Elihu cha a pathi thata ia ta. Khazohpa thaipachâ leipa ta ano tlao thai â pachâpa vâta, Zawbâ chô liata a pathi a ia ngaitapa a châ.

ZAWBÂ 35:2

“Na reipa he hmo dopa ta na pachâ ma? ‘Khazohpa hmia liata ei do,’ tah chi ta,

ZAWBÂ 40:8

Kei hmâchhâh ma adoleipa ta eina soh aw chi? Nâma nâ do thei nawpa ta ma kei thailei eina pachâ aw chi?

HLAZY 145:17

Abeipa cha a yzie zydua liata sia ta, A hmotaopa zydua liata ngâchhihpa a châ.

HLAZY 50:21

Cha hmozy cha tao chi ta, Châhrasala a chalih thlâh ha na ta, Nâma hawhpa khiah ma ei châ eina tah chi. Châhrasala tahmâ cha, cha ra aw na ta, Hmiadaisâ ta ei cha leih bâ aw.

HLAZY 50:6

Avâzy ta a siana phuah ta, Khazohpa ano tlai cha pachiatuhpa a châ. Selah

BIESOZY 19:3

Chyhsa ta ano hruna vâta a lâpi a raopa tlai cha, Abeipa chô liata palôh ruchhôna a hnei tyh.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

EZEKIA 18:26

Mosiapa ta a siana siesaipa ta, hmo doleipa a tao khiahta cha, cha vâna chata a thi aw. Hmo doleipa a taopa vâta a thi aw.

EZEKIA 18:29

“Chatanachôta Izarei pathlazy ta, ‘Abeipa lâpi cha a do vei,’ ama tah thlâh ha chy pyly. Hy Izarei pathlazy saih u, ei lâpi cha a do vei ma? Nâmo lâpizy kha adoleipa tlao châ vei ma?

EZEKIA 33:17

“Chatanachôta na phopi ta, ‘Abeipa lâpi he a do vei,’ ama tah pyly. Adoleipa cha âmo lâpi tlao a châ.

EZEKIA 33:20

Chatanachôta, ‘Abeipa lâpi he a do vei,’ nama tah pyly. Hy Izarei pathlazy saih u, chyhsa to nama hrozie hawhta ei cha pachia aw ei.”

ZEPHANIA 3:5

A chhôh liata a ypa Abeipa cha sia ta, Hmo doleipa tao beih vei; My chareih ta a ryureina dopa palâsa ta, Â doleipa ta ryureih beih vei. Chyhsa doleipa deikua cha, Nozana châh chhao pahno vei.

MALAKHAI 2:17

Nama biezy ta Abeipa rie nama pathei kaw tyh. Châhrasala nâmo ta, “Kheihta ma Abeipa rie cha eima pathei,” nama tah. “Moleina hmo a taopa zydua Abeipa mohmô liata la pha khai ei ta, Abeipa ta â ly kaw ei na,” tah ei chi ta, “Adona Khazohpa cha khataih liata ma a y?” nama tahpazy liana heta Abeipa rie nama pathei haw.

RAWMA 10:3

Khazohpa siana pahno leipa ta, âmo siana a duakhei a chhuah ei ta, Khazohpa siana liata a ngiarih veih ei.

RAWMA 3:20

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

RAWMA 3:5

Châhrasala keimo sialeina ta Khazohpa siana a palâsa khiahta cha, khâpa eima reih khao aw? Eima chô liata a hiehâhna a patlôsana kyh liata, Khazohpa cha sialeipa a châ ma? Cha cha chyhsapa lâ tawhta ei reipa a châ.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.