EZEKIA 18:23 - Mara Bible RV (BSI)

²³ Moleipa thina cha ei lyna a châ hlei rai ma? A lâpi a heihsai sala, a hroh awpa cha, ei lyna tlao châ hri vei ma? Abeipa Zehôvâh ta a tah.

EZEKIA 18:23 ပူးပေါင်းရင်းမြစ်များ

2 SAMUELA 14:14

Eima zydua ta eima thi khai aw. Alei liata ti patlaipa hawhta eima châ. Li pakhua thaipa châ khao vei. Hrona cha Khazohpa ta la aw vei. A râ hapa cha ano tawhta â hla pathlah lei nawpa ta ryh tlao a rao tyh hri.

ZAWBÂ 37:23

Atotaotheipa cha hmô thei leipa pi ta, Ano cha hmotaotheina rônahpa a hneipa a châ; Adona nata siana hluhpi chhao hnei ta, Âdoleipa ta hmo tao beih vei.

HLAZY 147:11

Abeipa cha ano a chituhpazy vâta a palôh tlâh ta, A kyhpachâna hnabeiseihtuhpazy vâta a palôh a tlâh tyh.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

CHAPHÔHTUNA 3:33

A palôh hmeiseihpa ta âmo cha pasa pataosa vei, Chyhsa sawzy pachâ parôhsa awpa cha a kho chaipa châ hlei vei.

EZEKIA 18:32

Ahy thina liata hmahta a ly va na. Chavâta, a palie u la, hroh teh u,” Abeipa Zehôvâh ta a tah.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

LUKA 15:10

Ei cha chho ei, cha hawhna hra chata, Khazohpa vâlyuhchâpazy hmiakô liata cha, molei ropa pakha chô liata alyna a y tyh?” tah ta.

LUKA 15:32

Kyhchhi tao ta thapha ngaitapa ta y awpa cha â phuhpa rai a châ. He na nawhta he cha thi ha ta, a vaw hroh ha heih hih. Lei ha ta, eima hmô ha heih hih,’ a tah aw,” tah ta.

1 TIMAWTHY 2:4

Khazohpa ta chyhsa zydua pachha ama châ khai awpa nata biehmeiseihpa ama pahno khai awpa a khoh.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.