EZEKIA 18:17 - Mara Bible RV (BSI)

¹⁷ moleina hmo tao lei awpa ta a ku pako ha sala, apôhna nata â thôhna la leipa ta, ei ryhpazy zyhpa ta, ei bieraopazy â chhih khiahta cha, a paw paraona vâta thi aw vei. A hroh thlyu awpa a châ.

EZEKIA 18:17 ပူးပေါင်းရင်းမြစ်များ

ZAWBÂ 29:16

Phahlapa châta paw châ na ta, Ei pahno beih leipazy ei duakhei ei.

HLAZY 119:1

Hrozie phapakipa chyhsazy cha nohlao ei ta, Abeipa ryhpa a chhihtuhpazy cha ama nohlao na!

HLAZY 119:3

Âmo cha hmo doleipa tao leipa ei ta, A lâpizy amâ chhih lymâ!

BIESOZY 14:31

Sipasapa a tlybaipa cha a Taotuhpa palôh a pasasapa châ ta, Phahlapazy a ngiachhiepa deikua cha a Taotuhpa a palyupalih.

BIESOZY 29:14

Dyhchhiepazy châta â dopa ta a pachiatuhpa abei cha, Chhâzaw ta a beidyuchhai â duah aw.

BIESOZY 29:7

Mosiapa cha dyhchhiepazy adona pahno ta, Moleipa deikua cha, Cha hawhpa pahnona kyh liata a novâh vei.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 22:16

Dyhchhiepa nata phahlapazy a duakhei ta, Cha cha hmo phapa a châ. Kei nâ pahnopa cha, Cha hawhta a tao awpa rai châ vei ma? Abeipa ta a tah.

EZEKIA 18:13

a pôhna hneipa ta a sôh dyu pacheisapa ta, â thôhna a la khiahta cha, a hroh aw ma? Hro aw vei. Cha hmo pasichhihpa zydua cha tao ha ta, a thi tlai awpa a châ. Ano thisaih maoh cha ano chô liata a y aw.

EZEKIA 18:18

A paw deikua cha, chyhsa eih chhu ta, a unawhpa hrao ta, a phopi hry liata hmo pha leipa a taopa vâta, pachâ teh, a paraona vâta a thi awpa a châ.

EZEKIA 18:28

A pachâ pasia ta, moleina a vaw tao hapa zydua â heihsai hapa vâta, a hroh tlai awpa a châ; a thi awpa châ vei.

EZEKIA 20:18

“Chatawhcha râhchawhpa liata ama y nona chata ama pathlazy hnohta, ‘Châ pathlatuhpazy bieraopazy a chhih leipa u la, ama ryhpazy zyh hra leipa u la, ama khazoh nothlahpazy ta a papuapalei hra khuh vy.

EZEKIA 20:30

“Chavâta Izarei pathlazy chho la, ama hnohta hetana heta tah mah y. Abeipa Zehôvâh ta hetana heta a tah: Châ pathlatuhpazy taozie hawhta nâmosasyh ta a papuapaleipa ta, ama hmo pasichhihpazy liana khata nâmo chhao namâ phei hra aw ma?

EZEKIA 3:21

Chyhsa siapa cha molei lei awpa ta zikyu a râ ha la, a molei leipa khiahta cha, zikyurâna â papeisapa vâta hroh aw ta, nâ chhao na hro na pabohsa aw,” tah ta.

EZEKIA 33:13

Mosiapa hnohta, ‘Na hroh tlai aw,’ tah hraw sah la, ano siana a ngâchhâpa ta hmo a parao khiahta cha, siana hmo a taopa miakha hmah a theipa châ khao leipa aw ta, a paraona liata a thi aw.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

THEIHTHAINA 18:26

Nâmo deikua cha, a râh chyhsa chhao, chihropa nama hry liata a pahrâpazy chhao, ei bieraopazy nata ei ryhpazy nama zyh awpa châ ta, cha hmo pasichhihpa kheihawhpa hmahta nama tao awpa châ vei.

THEIHTHAINA 18:30

Chavâta hmo pasichhihpa phoryhpa, nâmo y hlâta he râh liata a vaw y tuapa phopizy ta ama taopazy kha nama tao hra lei nawpa ta, ei biepiepa he zyh u la, cha hmozy liata a papuapalei khuh vy. Kei he Abeipa nama Khazohpa ei châ,” tah ta.

THEIHTHAINA 18:4

Ei ryhpazy a pyh aw ei chi ta, ei bieraopazy zyhpa ta, ei lâpi namâ chhih awpa a châ. Kei he Abeipa nama Khazohpa ei châ.

MALAKHAI 3:7

Châ pathlatuhpazy daihti tawhna khata, ei biepiepazy tleisai tyh ei chi ta, zyh veih ei chi. Kei lâ vaw kua u la, nâmo lâ ei vaw kua aw,” Pheisaihzy Abeipa ta a tah. “Châhrasala nâmo ta, ‘Kheihta ma eima vaw kua aw?’ nama tah.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.