EZEKIA 18:12 - Mara Bible RV (BSI)

¹² dyhchhiepa nata phahlapazy tlybaipa ta, chyhsa hraopa ta, sôhkâ pakua leipa ta, khazoh nothlahpazy lâ a mo khaihpa ta, hmo pasichhihpa tao sala,

EZEKIA 18:12 ပူးပေါင်းရင်းမြစ်များ

2 ABEIZY 21:11

“Zudâh bei Manase ta he hmo pasichhih ngaitapazy he tao ta, râh liata a pahrâ tuapa Amawri mo hlâ chhao ta hmo moleipa thata tao via ta, Zudâh chhao ano nothlahpa achhyna liata a pamoleisa hra.

2 ABEIZY 23:13

Izarei bei Sawlawmaw ta Sidaw mo khazoh pasichhihpa Astarô châta zy, Môabâ mo khazoh pasichhihpa Khemô châta zy, Amawna mo khazoh pasichhihpa Mikô châ zy ta Zerusale nochhi lâ, raona tlâh chho lâta su sâhpa a sapazy chhao Bei Zôsia ta parao khai ta.

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 18:16

ahy hmahta tlybai leipa ta, sôhkâ la leipa ta, ahy hmah hrao leipa sala, nodipazy niedo piepa ta, thluahruapa poh pabu sala,

EZEKIA 33:25

Chavâta ama hnohta reih teh, Abeipa Zehôvâh ta hetana heta a tah: A thisaih chhaota sa nie ei chi ta, nama khazoh nothlahpazy lâ nama mozy uahnaohpa ta, thisaih nama palo tyh. Kheihta ma ei râh cha nama hnei thei aw?

EZEKIA 7:23

“Bâlia daih teh! Râh he thisaih palona moleina ta bie ta, khihpi chhao atudaina ta a bie ha hih.

EZEKIA 8:17

Abeipa ta ei hnohta, “Hy chyhsa sawchapawpa y, kha kha na hmô ma? Zudâh pathlazy ta he su liata hmo pasichhihpa ama taopazy he, hmo chyh nawhpa ma a châ? Râh he atudaina ta pabiepa ta, ei hie na pahâh via rili amâ chhuahpa ma a châ tly? Moh tua, chhobuh ta ama hnapasu amâ pakhâ huh.

EZEKIA 8:6

Abeipa ta ei hnohta, “Chyhsa sawchapawpa y, ama hmotaopa kha na hmô ma? Ei supathaihpa chhao lâhlapi lâ siesai pâ ngâ awpa taihta, he su liata Izarei pathlazy hmo pasichhih ngaitapa taopa kha na hmô ma? A heih tua, he hlâta pasichhih via syulyupazy na hmô via aw,” tah ta.

HÔSIA 12:7

Sôhdaohpa ta khopathliahna doleipa hmâh ta, Chyhsa tlybaipa a paphasa kaw.

THEIHTHAINA 18:22

“Chanô a ziakheipa hawhta chapaw nâ ziakhei awpa châ vei. Pasichhihpa a châ.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

ZEKARIA 7:10

Nôhmeizy, hârapazy, khichhaipa nata dyhchhiepazy tlybai leipa u la, nama palôh liata nama unawhpa chhiena awpa pachâ khuh vy,” tah ta.

ZÂMIE 2:6

Nâmo deikua cha, dyhchhiepa nama mohnao. Châ tlybaipa nata pachiana lâ châ daophituhpazy cha hneirôhpazy châ tyh veih ei ma?