EZEKIA 17:3 - Mara Bible RV (BSI)

³ Abeipa Zehôvâh ta hetana heta a tah: Pahmôhpi lai ngaitapa, mathlaw phiapa, mathlaw ki seihpa, hmi phi kaluhpa nata chapaipa cha Lebanaw lâ a zaw ta, sidy tho pawthlyu kei thlie ta.

EZEKIA 17:3 ပူးပေါင်းရင်းမြစ်များ

ZEREMIAH 24:1

Babylaw bei Nebukaneza ta Zehôki sawchapawpa Zudâh bei Zekôniah cha, Zudâh beimachâzy nata zôthaipazy nata syudaihpazy chhaota Zerusale tawhta Babylaw lâ sei ta â chhi tawhta, he aluahna he Abeipa ta eina pahmôsapa a châ: Abeipa Achhyna o hmiakô liata patyupa theiku hrâbyh miano hmô na ta.

ZEREMIAH 4:13

“Moh tua, meihdozy hawhta â khy huh; A talailihzy khisô lyu ta, A arâzy pahmôhpi hlâta ama chatlie via. Paraopa ta eima y ha hih, Eima hu a po kaw dia!

ZEREMIAH 48:40

Abeipa ta hetana heta a tah: “Moh teh u, Môabâ chariahpa cha, Pahmôh hawhta a vaw zaw ta; A chô liata a mathlaw a pakai huh.

ZEREMIAH 49:16

Nâ lôkhaohzy liata pahrâ chi ta, Tlâh laki liata a tlaih tyhpa y, Chichhihna na taopa ta cha dôvei ta, Na palôh apalaina ta a cha dôvei haw. Pahmôhpi bu tlu ta a sâhpa ta na bu tu hra la, Cha tawhna chata ei châ dao pathlah aw,” Abeipa ta a tah.

CHAPHÔHTUNA 4:19

Miah a chadaituhpazy cha Avâ pahmôhpizy hlâta ama chatlie via; Tlâhpizy liata miah a chadai ei ta, Râhchawhpazy liata miah amâ byh.

EZEKIA 17:4

A kih chiah panyu chaipazy thliepa ta, sôh paliena râh lâ a zawkhei ta, sôdaohpazy khihpi liata loh ta.

EZEKIA 17:7

“Pahmôhpi hropa y heih ta. Cha chhao cha pahmôhpi lai ngaitapa, mathlaw phiapa nata hmi phi kaluhpa a hneipa a châ hra. Chatawhcha moh teh u, kre zôh cha, ti a hmô hluh via thei nawpa ta, a pyuna su tawhta pahmôhpi hropa lâ cha a thari kei pazawhpa ta, a chiahzy kei paka ta.

EZEKIA 31:3

Pachâ teh, Asuria cha Lebanaw liata sidy tho châ ta, A chiah a ngiapa nata a nohdi buh a rôhpa a châ; Thokô a sâh ngaitapa châ ta, A kithlao vâ meihdo taihta a daihpa a châ.

DÂNIAH 2:38

avâ Khazohpa ta beinarâh, biehneina, thatlôna nata rônahna zy cha pie ta; chyhsa sawzy, râhsazy nata avâ liata pavawzy pahrâna su zydua cha pie ta, âmo chô liata ryureituhpa ta a cha tao. Ngôh luh kha nâma na châ.

DÂNIAH 4:22

Hy abei y, kha thokô kha nâma he na châ. Kaw lai chi ta, na tha kaw tlô ta, na rônahna a sâh via rilipa ta avâ daih ta, nâ beinarâh chhao alei chhâna taihta a châ.

DÂNIAH 7:4

A miakhana cha chakeibarôhneipa lyu ta, pahmôhpi mathlaw a hnei. Ei mo thlâh ha nota a mathlawzy cha phiapa châ ta, alei tawhta chalopa ta y ta, chyhsapa hawhta a phei miano ta paduasapa châ ta, chyhsapa pathipalôh piepa a châ.

HÔSIA 8:1

Ei biehrai parao ei ta, Ei ryhpa amâ dyuhpa vâta, Abeipa o chô liata pahmôhpi hawhta, Na hmao liata chiahmie pataoh teh.

HABAKU 1:8

Ama arâzy cha, Keihchhohzy hlâta chatlie via ei ta, Zârâh changiezy hlâta amâ hrâh via; Ama arâ pheisaihzy ama tôh lymâ. Ama arâ pheisaihzy cha, Lâhlapi tawhta a vy ei ta, Vâkhieh sa la awpa ta â pathlôpa hawhta amâ zaw.

MATHAI 24:28

Sawhsawpa yna liata vâkhiehzy amâ hmaoh tyh.

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

RYHPACHANEINA 28:49

“Abeipa ta nâmo châ dyuh awpa ta, khizaw chhâna lâhlapi tawhta phopi miakha pahmôhpi a pathlôpa hawhta vaw tuah aw ta, cha phopi cha a reih nama thei leipa,