EZEKIA 17:23 - Mara Bible RV (BSI)

²³ Izarei tlâhpi laki liata loh aw na ta, a chiahzy pachiahpa ta, a theizy pathei aw ta, sidy tho phapa a vaw châ aw. A buh ry liata mathlaw a hneipa pavaw chi to pahrâ aw ei ta, a chiah nohpahlipa liata pavaw chi to ama pahrâ aw.

EZEKIA 17:23 ပူးပေါင်းရင်းမြစ်များ

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

HLAZY 80:8

Izi tawhta kre zôh vaw phaoh chi ta, Phopizy papuapa ta, Ama râh liata na kre zôh na loh.

HLAZY HLA 5:15

A pheizy cha alabastâ otôhzy lyu ei ta, Ngôh ta taopa patyuna chô liata paduapa, Alabastâ otôhzy tlai ama lyu. A pizie cha Lebanaw lyu ta, Sidy tho pha chaipa a lyu.

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

ISAI 27:6

Noh a vaw tlô awpazy liata, Zakaw cha thari thla aw ta, Izarei cha a chhyh thaopa ta a paw pawh aw ta, Khizaw zydua he a thei ta a pabie aw.

ISAI 49:18

A heih la, na chheipâh zydua moh tua, Na saw zydua a pahmaoh ei ta, Ama cha vaw pangai hih. Ei hrona reipa ta ei reih,” Abeipa ta a tah. “Sôh nata thih hawhta, Âmo cha nâ tobina ta hmâh aw chi ta, Myuh thieh chysia hawhta nâ tobi aw ei.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

EZEKIA 20:40

“Izarei pathla zydua ta, ama zydua tlai ta, Izarei râh liata ei tlâh pathaihpa, Izarei tlâh sâhpa liata na chakao aw ei ta, cha liata âmo ei ly aw ei. Cha liata, nama thyunazy, nama hmohlâpa pha chaipazy nata nama atheihna pathaihpazy ei châ hnaw aw ei.

EZEKIA 31:6

Vâ pavaw zydua ta a chiahzy liata ama bu tu ei ta, Sa to ta a chiahzy ry liata taw ama pataw; A nohdi ry liata phopi rônahpa zydua ama pahrâ.

EZEKIA 36:8

“Nâmo deikua cha, Hy Izarei tlâhpizy saih u, ei phopi Izarei sawzy amâ vaw di patoh bâ awpa vâta, nama chhyhzy thaopa ta, nama chiahzy pachiah aw ei chi ta, ei phopi Izarei châta thei nama pathei aw.

EZEKIA 40:2

Khazohpa aluahna ta Izarei râh lâ nâ chhipa ta, tlâh sâh ngaitapa liata na soh ta, tlâhpi chho lâta khihpi a lyupa ozy y ta.

DÂNIAH 4:8

A chhâna lâta Dâniah, ei khazoh moh paphaopa ta a moh Beltesâza bipa, ano liata khazoh pathaihpazy thlahpa a ypa cha, ei hmiakô liata a vy ta, ei mâsapa cha chho na ta.

DÂNIAH 4:9

“Hy Beltesâza, moliethaipazy hyutuh chaipa y, khazoh pathaihpazy thlahpa na hnohta y ta, chavâta nâma châta la bienyupa ru tupa y vei, tahpa ei pahno; ei mâ lâta ei hmôpa aluahna nata a chhopasiana na chho teh.

HÔSIA 14:7

A nohdi liata a tyuh tyhpazy vaw kua aw ei ta, Sâh hawhta ama laiseih aw; Kre zôh hawhta pawh aw ei ta, Lebanaw kresawhti hawhta ama pathâh aw.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.

MATHAI 13:32

Âhrâ chi cha chi zydua liata chi chyh chaipa châ ta, châhrasala a vaw laiseih tita cha, chicheipa zydua hlâta lai chai ta, thokô a vaw châ tyh. Chatanachata vâ pavawzy a vy ei ta, a chiahzy liata bu ama tu tyh,” tah ta.

MÂKA 4:32

châhrasala pariepa a châpa nahta, kaw pyuh ta, chichei hropa zydua hlâta lai chai ta, chiah lai ngaitapazy pachiah ta, vâ pavawzy ta a buh nohdi ry liata amâ rie tyh,” tah ta.

LUKA 13:19

Khazohpa khinarâh cha, chyhsa ta âhrâ chi hmô kha la ta, a sadô liata a pariepa hawhta a châ. Chi cha kaw pyuh ta, thokô vaw châ ta, vâ pavawzy ta a chiahzy liata bu ama tu tyh,” tah ta.

ZAWHÂNA 12:24

Hmeiseihta ta, hmeiseihta ta ei cha chho ei, sâh hmô cha alei liata tla leipa sala, a thi leipa khiahta cha, ano dei ta y ta, a thi khiahta deikua cha, thei hluhpi a pathei tyh.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.