EZEKIA 17:22 - Mara Bible RV (BSI)

²² “‘Zibeipa Abeipa ta hetana heta a tah: Keima tlai ta sidy tho kithlao liata a chiah thlâ aw na ta, ei loh aw. A kih chhâna liata a chhy panyupazy thlie aw na ta, keima tlai ta tlâh sâhpa laki liata ei loh aw.

EZEKIA 17:22 ပူးပေါင်းရင်းမြစ်များ

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

HLAZY 72:16

Râh liata kô thata veih sala, Tlâhpizy liata sâh a chanei mawh sy. A thei cha Lebanaw hawhta châ sala, Khihpi chyhsazy chhao lyurâh sibiepa hawhta, Ama paw pakai mawh ei sy.

HLAZY 80:15

Na ku chachâh lâta na lopa kre zôh he vaih la, Nâma châta na palaiseihpa chiah he mohôh mah y.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 53:2

Ano cha tho daw hawhta Abeipa hmiakô liata laiseih ta, Alei hipa liata tho thari hawhta a laiseih. Mo khoh kaw awpa pizie phana hnei leipa ta, Chhithaina hnei vei; Eima tlaichhai kaw awpa Angiana hnei hra vei.

EZEKIA 20:40

“Izarei pathla zydua ta, ama zydua tlai ta, Izarei râh liata ei tlâh pathaihpa, Izarei tlâh sâhpa liata na chakao aw ei ta, cha liata âmo ei ly aw ei. Cha liata, nama thyunazy, nama hmohlâpa pha chaipazy nata nama atheihna pathaihpazy ei châ hnaw aw ei.

EZEKIA 34:29

Chichei bialo pha ngaitapazy pie aw ei na ta, râh liata nodipa ta thi khao leipa aw ei ta, phopizy pahneisaopa ta y khao aw veih ei.

EZEKIA 37:22

Chatanachata ama râh, Izarei tlâhzy liata phopi miakha ta tao aw ei na ta, ama zydua chô liata ryu a reih awpa bei pakha a y aw. Phopi miano châ khao leipa aw ei ta, khinarâh miano ta pachhaihpa châ khao aw veih ei.

EZEKIA 40:2

Khazohpa aluahna ta Izarei râh lâ nâ chhipa ta, tlâh sâh ngaitapa liata na soh ta, tlâhpi chho lâta khihpi a lyupa ozy y ta.

DÂNIAH 2:35

Thua zy, beihlei zy, dawh zy, tâkâ zy, ngôh zy cha a tlawh ta zao khai ha ei ta, nopi noh sawhri sâh sihpa hawhta vaw châ ei ta, thlih ta âmo cha phaoh ta, ama hniehnôh chhao hmô awpa y khao vei. Cha nona chata nothlahpa a vituhpa alô cha tlâh lai ngaitapa lâta a vaw lie ta, alei chô zydua a bie haw.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.