EZEKIA 17:20 - Mara Bible RV (BSI)

²⁰ Ei sao ta khu aw na ta, ei khoheih liata a ao aw ta, Babylaw lâ ei chhi aw. Cha liata, ei chô liata a paraonazy vâta a thâtih ei pachia aw.

EZEKIA 17:20 ပူးပေါင်းရင်းမြစ်များ

2 SAMUELA 18:9

Absalaw cha Dâvi chyhsazy a kei tyh ta. Absalaw cha a sabaitu kiah ta. Sabaitu cha ôkâ tho chiah buh ru ngaitapa ry liata a ngia ta. Absalaw luh cha ôkâ tho chiah liata a taw ha ta, avâ nata alei likawh liata a bangiehpa ta y thlâh ha ta. A ry liata sabaitu cha a râ syulyu ha ta.

2 THÂTIHZYRONA 33:11

Chavâta Abeipa ta Asuria pheisaih hyutuhpazy vaw tuah ta, Manase cha patu ei ta, a hnari daohpa ta dawh bâlia ta buh ei ta, Babylaw lâ ama siekhei haw.

ZAWBÂ 10:16

Ei luh ei pachhua khiahta cha, Chakeibarôhneipa hawhta nâ byh chi ta, Na thatlôna eina hmâ thlu chi.

BIECHHOTUHPA 9:12

Châhrasala chyhsapa ta ano daihti awpa pahno vei. Sao chichhihpa liata ngazy amâ aopa hawhta nata khoheih liata pavawzy amâ aopa hawhta, daihti chhiepa eikhapi ta a vaw tlô thlu ti ei ta, chyhsa sawzy cha, cha liata amâ ao tyh.

ZEREMIAH 2:35

‘Thaileina hnei va na, Chavâta Abeipa hiehâhna cha kei tawhta a kua haw,’ Na tah thlâh ha chy. Pachâ teh, ‘Molei va na,’ na tahpa vâta, Pachiana liata ei cha tlôkhei aw.

ZEREMIAH 2:9

“Chavâta cha chakhia aw ei na ta, Nama samohzy taihta ei chakhia aw ei,” Abeipa ta a tah.

ZEREMIAH 34:21

Zudâh bei Zedekia nata a beimachâzy cha ama chariahpazy nata ama hrona la a chhuahpazy ku liata hlâ aw ei na ta, nâmo châ sysai hapa Babylaw bei pheisaihzy ku liata ei hlâ aw ei.

ZEREMIAH 37:17

Bei Zedekia ta ano cha paawsa ta. Abei ta a o liata arulâta bie hiahri ta, a hnohta, “Abeipa tawhta bie miakha chhâ a y ma?” tah ta. Zeremiah ta, “A y,” tah ta. Abei hnohta, “Babylaw bei ku liata hlâpa na châ aw,” tah ta.

ZEREMIAH 50:44

“Pachâ teh u, chakeibarôhneipa ta sibiepa su phapa liata mietakuzy Zawdâh râhmâhpa tawhta eikhapi ta a vaw puahnaopa hawhta, Babylaw chhao a râh tawhta eikhapi ta parâsa aw na ta, ei khopa maih a chô liata biehneituhpa ta ei rao aw. Kei hawhpa he ahy y tly? Ahy ma a hmiakô liata a luah awpa ta nâ aw thei tly? Kheihawhpa mietaku vaituhpa ma ei hmiakô liata a duah thei aw tly?

CHAPHÔHTUNA 1:13

“Chô lâ tawhta mei za tuah ta, Ei rupa chhôh liata a pangiasa haw; Ei phei châta sao parai ta, Eina pakuasa haw; Noh y ta ziahzirohpa ta na paysa ta, Panaopa ta eina paysa haw.

CHAPHÔHTUNA 4:20

Eima hnapasu liata husona Abeipa sathawthupa cha, Ama khaohtlôzy liata patu ha ei ta; “A nohdi ry liata phopizy hry liata eima pahrâ aw,” Eima tah tyhpa chyhsa cha ama patu haw.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 15:8

Ama ngâchhih leina vâta, râh cha roryhrapa ta ei tao aw, Abeipa Zehôvâh ta a tah.”

EZEKIA 17:19

“‘Chavâta Abeipa Zehôvâh ta hetana heta a tah: Ei hrona reipa ta ei reih. Bietai a papeisa leipa he keima bietai châ ta, biehrai a paraopa he keima biehrai a châ. Chavâta ei bietai nata ei biehrai hawhta a luh chô liata ei patlôsa aw.

EZEKIA 18:24

“Cha hawh pyly ta, mosiapa ta a siana a heihsaipa ta, hmo doleipa tao sala, moleipazy taopa hawhpa hmo pasichhihpazy a tao khiahta cha, a hroh thei aw ma? Siana hmo a taopazy khâpa hmah a theipa châ khao aw vei. A ngâchhih leina vâta thaileichâpa ta y ta, moleina hmo a taopazy vâta a thi aw.

EZEKIA 32:3

Abeipa Zehôvâh ta hetana heta a tah: Ei sao ta cha khu aw na ta, Phopi hluhpi chhaota ei cha khu aw; Âmo ta ei sao chhôh liata ama châ daophi aw.

EZEKIA 38:22

Potlana nata thisaih palopa ta ano cha pachia aw na ta, ano nata a pheisaihzy nata a hnohta a ypa phopi hluhpi chô liata vâkatlâ pasuasa aw na ta, pareih lai ngaitapazy patlasapa ta, mei nata kaihzy ei pasuasa aw.

HÔSIA 2:2

“Nama nô cha a haw u la, A haw chaimâh teh u; Ei lapinô châ leipa ta, A vahpa châ va na. A sihryhna cha a hmia tawhta thy sala, Â pheina cha a sâhpizy tawhta thy mawh sy!

HÔSIA 7:12

Sie hra ei sala, Ama chô lâta ei sao parai khâh aw ei na ta, Avâ pavawzy hawhta ei daophi aw ei; Ama zawpi ta bie ama theipa hawhta Ei chhorei aw ei.

MIKÂ 6:2

Nâmo, tlâhpizy saih u, Nâmo, leilô abôna hlôpazy saih u, Abeipa ta a phopi a leihna bie he nathlie tua u; Abeipa ta ano phopi leih nawpa hnei ta, Izarei cha â dyuh aw.

LUKA 21:35

Cha noh cha khizaw pôhpalôhpa liata a pahrâpa zydua chô liata vaw tlô tlôh aw ta.