EZEKIA 17:19 - Mara Bible RV (BSI)

¹⁹ “‘Chavâta Abeipa Zehôvâh ta hetana heta a tah: Ei hrona reipa ta ei reih. Bietai a papeisa leipa he keima bietai châ ta, biehrai a paraopa he keima biehrai a châ. Chavâta ei bietai nata ei biehrai hawhta a luh chô liata ei patlôsa aw.

EZEKIA 17:19 ပူးပေါင်းရင်းမြစ်များ

1 ABEIZY 2:32

Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

1 ABEIZY 2:33

Ama thisaih maoh cha Zôabâ luh chô liata nata a pathlazy luh chô liata chhâzaw ta a lie thlu aw ta, Dâvi nata a pathlazy chô liata nata a o nata a beidyuchhai chô liata deikua cha, Abeipa tawhta thlalôhna tlyzaw ta a y thlâh ha aw,” tah ta.

ZEREMIAH 27:8

“‘“Phopi kheihawhpa tlyma, khinarâh kheihawhpa tlyma ta Babylaw bei Nebukaneza cha chakao khoh leipa sala, Babylaw bei raopakypa â ky khoh leipa khiahta cha, Babylaw bei ku ta ei thie khai hlâlei ei cha, zaozi, chakâhna nata potlana zy hmâpa ta, cha phopi cha ei hrie lymâ aw,”’” Abeipa ta a tah.

ZEREMIAH 37:17

Bei Zedekia ta ano cha paawsa ta. Abei ta a o liata arulâta bie hiahri ta, a hnohta, “Abeipa tawhta bie miakha chhâ a y ma?” tah ta. Zeremiah ta, “A y,” tah ta. Abei hnohta, “Babylaw bei ku liata hlâpa na châ aw,” tah ta.

ZEREMIAH 5:2

“Abeipa hrona reipa ta ei reih,” tah taraw ei ta, Haipa ta bie â taih tyhpazy ama châ.

ZEREMIAH 5:9

Cha hmozy vâna chata hrie aw veih ei na ma? Cha hawhpa phopi chô liata ei phuh la aw va na ma?” Abeipa ta a tah.

EZEKIA 16:43

“Na thyudyu daihti a thei khao leipa chi ta, cha hmozy ta ei ru eina pachhôpa vâ chi ta, moh teh, na hmotaopazy tlai cha na luh chô liata ei vaw patlôsapa a châ, Abeipa Zehôvâh ta a tah. Na pasichhihna hropa zydua liata na sihryhna na baichha heihpa châ vei ma?

EZEKIA 16:59

“Abeipa Zehôvâh ta hetana heta a tah: Bietai a papeisa leipa chi ta, biehrai na paraopa vâta, na hmotaopa hawhta na chô liata ei tao hra aw.

EZEKIA 17:18

Bietai a papeisa leipa vâta, Biehrai cha a paraopa a châ. Bietaina ku a hlâ ha tawhta, cha hmo zydua cha a taopa vâta, a boh cheita aw vei.

EZEKIA 17:20

Ei sao ta khu aw na ta, ei khoheih liata a ao aw ta, Babylaw lâ ei chhi aw. Cha liata, ei chô liata a paraonazy vâta a thâtih ei pachia aw.

EZEKIA 9:10

Chavâta kei chhao ta pahlôh leipa aw ei na ta, ngiachhie aw veih ei na. Ama hmotaopazy ama luh chô liata ei vaw patlôsa aw,” tah ta.

RYHPACHANEINA 5:11

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.