EZEKIA 17:17 - Mara Bible RV (BSI)

¹⁷ Chyhsa hluhpi chhawhsao awpa ta, Zerusale thokhy cha alei pathlu thlupa ta, diahsuazy ta khihpi ama dôh khai hapa adyuhna liata, Phiraoh nata a pheisaih thatlôpa nata hluh ngaitapazy ta Izarei bei cha pachha thei aw veih ei.

EZEKIA 17:17 ပူးပေါင်းရင်းမြစ်များ

ISAI 36:6

Pachâ teh, Izi a ngâchhâ chi ta, Izi cha lohthi tliepa-ipa chôchahrei châ ta, a pachyuna châta ano a chhôtuhpa kupazah a chhô tyhpa a châ. Izi bei Phiraoh cha ano a ngâchhâpazy chô liata cha hawhta a tao tyhpa a châ.

ZEREMIAH 33:5

Kaldia mo a dyuh awpa ta a vy taraw ei ta, châhrasala ozy cha ei hiehâhna nata ei pathiiana ta ei thiepa rizy ta pabiepa tlao châ ei ta, ama moleina zydua vâta, he khihpi he ei hmia ei nyusai hapa kha a châ.

ZEREMIAH 37:5

Phiraoh pheisaihzy Izi râh tawhta kaw pua ha ei ta. Cha thâtih cha Zerusale a dôh haipa Kaldia mo ta ama thei nahta, Zerusale cha a sysai ei ta.

ZEREMIAH 37:7

“Abeipa, Izarei Khazohpa ta hetana heta a tah: Keima nâ saohiah awpa ta châ vaw tuahtuhpa Zudâh bei hnohna chata hetana heta kei chho muh vy, ‘Pachâ teh, nâma cha bao awpa ta â khypa Phiraoh pheisaihzy cha, âmo râh, Izi râh lâ amâ lie aw.

ZEREMIAH 52:4

Zedekia â beina kô chakina, thla hrawhna, noh hrawhna noh liata, Babylaw bei Nebukaneza cha a pheisaih zydua chhaota Zerusale siehnao ta. Khihpi cha dôh ei ta, khihpi dôhna diasuazy tao ei ta.

CHAPHÔHTUNA 4:17

Hraoleipa ta baona eima mokhâhna liata Eima mozy a bâ khai haw; A pachha thei lei awpa phopi tlai cha, Hâ chaimâh pi ta eima mokhâh.

EZEKIA 4:2

khihpi cha dôh hapa a châna palâsa la, khihpi dôhna diahsua nothlahpazy tao la, khihpi la thei nawpa ta khihpi thokhy leizaih pathlu thlupa nothlahpa zy tao mah y. Khihpi chadôpa ta pheisaihzy riehmo ama paryhpa palâsa la, thokhy chhuh pathlah nawpa nothlahpazy ta khihpi thokhy cha chadôsa mah y.

DÂNIAH 11:15

Maw bei a zu aw ta, khihpi dôh aw ta, thokhy alei pacho thlu aw ta, chatanachata thokhy ta a phapa ta dôhpa khihpi cha a la aw. Chho pheisaihzy ta toh thei aw veih ei, a pheisaih pha chaipazy chhao ta toh theina thatlôna hnei aw veih ei.

RYHPACHANEINA 20:20

A thei niepa chi châ vei tahpa nama pahnopa thozy deita paraopa ta thlu aw chi ta, nama chariahpa khihpi cha lapa a châ hlâlei khihpi dôh nawpa châta nama hmâh thei aw.