EZEKIA 17:16 - Mara Bible RV (BSI)

¹⁶ “‘Ei hrona reipa ta ei reih. Bei a pachâsapa abei pahrâna su Babylaw lâ sie aw ta, a bietai a papeisa leipa nata a biehrai a paraopa bei yna Babylaw râh liata a thi aw, Abeipa Zehôvâh ta a tah.

EZEKIA 17:16 ပူးပေါင်းရင်းမြစ်များ

2 SAMUELA 21:2

Abei ta Kibiô mo cha aw ta, bie a chho ta. Kibiô mo he Izarei pathlazy châ leipa ei ta, Amawri mo laibâhpazy châ ei ta. Âmo he cha pahlôh awpa ta Izarei sawzy ta bie amâ vaw taih hapa a châ. Sawla ta Izarei pathlazy nata Zudâh pathlazy châta phahnai â ngiah tuna liata Kibiô mo cha pamua khai ha awpa â vaw chhuahpa a châ.

2 ABEIZY 24:17

Babylaw bei ta Zehôkhi paw unawhpa Mâtaniah cha Zehôkhi su liata bei ta tao ta, a moh Zedekia tahpa ta a thla.

2 ABEIZY 24:20

Abeipa pathiiana vâta, a mohmô tawhta papua hana taihta Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

HLAZY 15:4

A mo ta hrochhiepa chhyh thai leipa ta, Abeipa a chipa deikua a palyupalihpa; Pasana a tlôkhei theipa chhao ta a bietai khâ a patupa,

PUASAINA 20:7

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.

PUASAINA 8:2

Ama sie awpa na pasai vei khiahta cha, pachâ teh, na râh zydua uphawh ta ei hrie aw.

ZEREMIAH 34:21

Zudâh bei Zedekia nata a beimachâzy cha ama chariahpazy nata ama hrona la a chhuahpazy ku liata hlâ aw ei na ta, nâmo châ sysai hapa Babylaw bei pheisaihzy ku liata ei hlâ aw ei.

ZEREMIAH 39:7

Zedekia cha a mozy thaoh ta, Babylaw lâ a chhi awpa ta bâliazy ta chahry ta.

ZEREMIAH 52:11

Zedekia cha a mozy thaoh ta, bâliazy ta buh ta. Babylaw bei ta Zedekia cha Babylaw lâ siekhei ta, a thi noh tlôna taihta patâhna o liata khô ta.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 16:59

“Abeipa Zehôvâh ta hetana heta a tah: Bietai a papeisa leipa chi ta, biehrai na paraopa vâta, na hmotaopa hawhta na chô liata ei tao hra aw.

EZEKIA 17:10

Moh teh u, lopa châ ha ta, châhrasala a pha aw ma? Nochhi thlih ta a vaw chanaoh tita, uah khai thlâh ha aw vei ma? A pyuna su lia tlai ta uah thlâh ha aw vei ma?’ tahpa ta reih teh,” tah ta.

EZEKIA 17:13

Chatawhcha abei chipathla pakha bei ta tao ta, a hnohta biehrai tao ta, bie a pataihsa. Râh chhituh viapazy deikua cha a siekhei khai ha ei.

EZEKIA 21:23

Châhrasala âmo châta pachaona doleipa hawhta a châ aw. Bie a taih ei ta, châhrasala patupa ama châ thei nawpa ta, ama thaileichâna apahnona a taopa deita a châ.

HÔSIA 10:4

Bie hluhpi a chia ei ta, Haipa ta bie a taih ei ta, Biehraizy ama tao. Chavâta pachiana cha, Châmaih sibiepazy hawhta, Lyuzy liata a kaw pyuh tyh.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MALUHREINA 30:2

Chyhsa ta Abeipa liata bietai a tao khiahta tlyma, hmo tao awpa ta anosasyh â chahry khiahta tlyma, a bie a phie awpa châ vei. A pakah tawhta a puapa zydua hawhta a tao awpa a châ.

RAWMA 1:31

ahrupa, ngiapâ leipa, palôh a hnei leipa nata zawngiahna a hnei leipazy ama châ.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

2 TIMAWTHY 3:3

kyhpachâna a pikhei leipazy, aryhna a tao khoh leipazy, haipa ta chyhsa leih hmâhpazy, a sohsi thei leipazy, nôchhiepazy, hmo pha a khoh leipazy,

ZAWSUA 9:20

Hetana heta ama chô liata tao sih la, pahlôh thlâh ha suh u. Chataleipatala ama hnohta bie a vaw taih ha tlôh pi ta, eima chô liata Abeipa hiehâhna a vaw tlô pathlei aw na,” tah ei ta.