EZEKIA 17:15 - Mara Bible RV (BSI)

¹⁵ Châhrasala Babylaw bei cha a dyuh ta, Izi râh lâ a lyuhchâpazy tuah ta, arâzy nata pheisaih hluhpi ama vaw tuapa awpa ta â haw ei. A hlao a tloh aw ma? Cha hawhpa hmo a taopa chyhsa cha, â boh thei aw ma? Biehrai a paraopa chyhsa cha â boh thei aw ma?

EZEKIA 17:15 ပူးပေါင်းရင်းမြစ်များ

EZEKIA 17:7

“Pahmôhpi hropa y heih ta. Cha chhao cha pahmôhpi lai ngaitapa, mathlaw phiapa nata hmi phi kaluhpa a hneipa a châ hra. Chatawhcha moh teh u, kre zôh cha, ti a hmô hluh via thei nawpa ta, a pyuna su tawhta pahmôhpi hropa lâ cha a thari kei pazawhpa ta, a chiahzy kei paka ta.

ZEREMIAH 52:3

Abeipa pathiiana vâta, a mohmô tawhta papua hana taihta, Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

ZEREMIAH 38:18

Babylaw bei beimachâzy liata nâ hlâ leipa khiahta deikua cha, khihpi he Kaldia mo ku liata hlâpa châ aw ta, mei ta rao aw ei ta, ama ku tawhta pua cheita aw va chi,” tah ta.

ZEREMIAH 34:3

A ku tawhta pua leipa aw chi ta, patupa châ tlai aw chi ta, a ku liata hlâpa na châ aw. Na mo tlai ta Babylaw bei cha hmôpa ta, hmiachhy ta bie a chho aw chi ta, Babylaw râh lâ na sie aw.’

2 THÂTIHZYRONA 36:13

Khazohpa moh ta bie a pataihsa hapa Bei Nebukaneza chhao â chariah. A rao pachyupa ta, a palôh kuh pachhasa ta, Abeipa, Izarei Khazohpa lâ a heih khoh vei.

2 ABEIZY 24:20

Abeipa pathiiana vâta, a mohmô tawhta papua hana taihta Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

RYHPACHANEINA 17:16

Bei cha arâzy deikua a hluhpi a hnei awpa châ leipa ta, arâ hluhpi hnei thei nawpa ta Izi râh lâ chyhsa a tuah awpa châ vei. Abeipa ta, ‘Tahmâ tawhta cha, cha lâpi lâ nama kua beih khao awpa châ vei,’ cha tah ha tlôh ei ta.

EZEKIA 17:18

Bietai a papeisa leipa vâta, Biehrai cha a paraopa a châ. Bietaina ku a hlâ ha tawhta, cha hmo zydua cha a taopa vâta, a boh cheita aw vei.

EZEKIA 17:9

“Ama hnohta, ‘Abeipa Zehôvâh ta hetana heta a tah: Kre zôh cha a pha aw ma? Kre zôh cha uah sala, a hna panyupa a thaopa zydua a uah khai ha nawpa ta, pahmôhpi hmiatuapa khata a tharizy phiapa ta, a thei a chakhyh aw ma? A tharizy phia awpa ta, bâh thatlôpa tlyma, chyhsa hluhpi tlyma, byuh hlei aw vei.

ZEREMIAH 38:23

Na lapinô zydua nata na saw zydua cha Kaldia mo lâ a chhipa châ aw ei ta, nâma tlai chhao ama ku tawhta pua leipa aw chi ta, Babylaw bei ta cha patu aw ta, nâma vâta khihpi he mei ta raopa a châ aw,” tah ta.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

MATHAI 23:33

Nâmo, parihzy saih u, nâmo, vâzi pathlazy saih u, hrienasu lâ sie awpa ta pachiana cha kheihta ma nama khôkhâh thei aw?

EZEKIA 21:25

Hy Izarei bei puapa nata moleipa y, na noh vaw tlô ha ta, nâma hrie pachie nawpa daihti a vaw tlô haw.

ZEREMIAH 32:4

Zudâh bei Zedekia chhao Kaldia mo ku tawhta pua leipa aw ta, Babylaw bei ku liata hlâpa châ tlai aw ta, Babylaw bei cha hmiachhy ta hmô aw ta bie â chho aw.

BIESOZY 19:5

Pahnokheituh pakheipa cha hrie leipa ta y leipa aw ta, Haipa hu a sopa chhao pua aw vei.

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

HLAZY 56:7

Ama moleina vâta âmo cha hrie la, Hy Khazohpa, phopizy cha pathi iapa ta panawhsa mah y!

EZEKIA 23:20

alâ tôhpa chhaichhi a lyupa nata arâ baoti a lyupa Kaldia liata a khopawzy chô liata aohraohpa ta a sihryh lymâ.

EZEKIA 29:7

ama ku ta ama cha patu nahta, tlie chi ta, ama ngiatlâh zydua na chhô tyh. Ama châ hnieh nahta chhao, tlie chi ta, ama chaizy na chalyusa tyh.

EZEKIA 29:16

Izarei pathlazy ta baona ama hia tita, Izi moleina amâ thei ha tyhpa vâta, amâ ngâchhâpa châ khao aw veih ei. Chatanachata Abeipa Zehôvâh ei châ tahpa ama pahno aw.”

ZAWSUA 9:20

Hetana heta ama chô liata tao sih la, pahlôh thlâh ha suh u. Chataleipatala ama hnohta bie a vaw taih ha tlôh pi ta, eima chô liata Abeipa hiehâhna a vaw tlô pathlei aw na,” tah ei ta.

ISAI 36:5

Bie thlâhthlipazy cha a dyuhzie thaina nata hmotaotheina hawhta ma na pachâ? Ahy a ngâchhâ chi ta ma, tahmâ einâ dyuh chi?

EZEKIA 21:28

“Hy chyhsa sawchapawpa y, hrohsona bie phuah la, Amawna mo nata âmo reipachhiena kyh liata, ‘Abeipa Zehôvâh ta hetana heta a tah: Hy Zaozi, Hy zaozi, thie awpa ta na paih tawhta â phia la, dôhla hawhta pathlie awpa ta padiehsapa ta y mah y.