EZEKIA 16:9 - Mara Bible RV (BSI)

⁹ “Chatawhcha ti ta cha pasi na ta, na thisaih cha cha pathaipa na ta, sathaw ei cha thu.

EZEKIA 16:9 ပူးပေါင်းရင်းမြစ်များ

HLAZY 23:5

Ei khakhaipazy mohmô ta, Ei hmiakô liata tlâhkhai nâ chhuahdy chi ta, Ei luh he sathaw thu chi ta, Ei nyu chhao a khô pathlah.

HLAZY 51:7

Hisaw ta na pathai la, Ei pathaih aw; Na pasi la, Dâhaw hlâta ei ngyuh via aw.

ISAI 4:4

Abeipa ta Zaio sawchanôzy thuhnyna cha pathai aw ta, Zerusale liata thisaih a kiahpazy cha pachiana thlahpa nata mei thlahpa ta a pasi aw.

EZEKIA 16:10

Poh chapaipa cha bu na ta, savo pheiky ei cha paky. Pala rih dipa poh ta cha pahly na ta, pu pala poh ei cha pabu.

EZEKIA 16:4

Na pina kyh liata, na pi noh ta na liahri âpa châ leipa ta, cha pathai awpa ta ti ta pasipa châ leipa chi ta, alôh hniapa châ hra leipa chi ta, nawh poh ta pahlypa châ hra va chi.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

1 KAWRINI 10:2

Ama zydua ta meihdo nata tilaipi liata Mawsi hnohta a ngiarihpa ta bâti ama châ.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

2 KAWRINI 1:21

Krista liata nâmo nata hmaohkha ta miah a paduapa nata sathaw miah a thupa cha, Khazohpa ano tlai a châ.

1 ZAWHÂNA 2:20

Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

1 ZAWHÂNA 5:8

Chazy cha Thlahpa nata ti nata thisaih zy châ ei ta, ama pathôh ta amâ paraoh.

RUTHI 3:3

Na ngai a si la, sathaw a thu la, na chysia a tobi la, sawhri lâ cha zu mah y. A nie a do khai hlâlei deikua cha, nâ pahnosa awpa châ vei.