EZEKIA 16:8 - Mara Bible RV (BSI)

⁸ “‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

EZEKIA 16:8 ပူးပေါင်းရင်းမြစ်များ

ÂTHAONA 22:16

“Kha hmo kha na taopa vâta, keima tlai ta bie ei châ taih. Na sawchapawpa, na sawchapaw matlupa tlai chhao pie awpa ta na thlyu leipa vâta,

PUASAINA 15:16

Hy Abeipa, na phopi ama khô khai hlâlei cha, Na chaleipa phopi ama khô hlâlei cha, China nata ngiarohna ta Izi mo tla thlu ta, Na bâh thatlôna vâta alô hawhta amâ chalih.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 43:4

Ei mohmô liata sôh ngaita chi ta, Zachhihpa châ chi ta, Kyh ei cha pachâpa vâta, Nâma vyuhpa ta chyhsazy pie na ta, Na hrona vyuhpa ta phopizy ei pie.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

ZEREMIAH 31:32

“Âmo pathlatuhpazy ama ku patupa ta Izi râh tawhta ei chhi papua noh ta ama hnohta ei hraipa biehrai hawhpa, ama vahpa ei châpa chhao ta, ama paraopa ei biehrai hawhpa kha châ aw vei,” Abeipa ta a tah.

EZEKIA 16:6

“‘Cha vaw chapiapa ta, na thisaih nâ hlaopa ei hmô nahta, na thisaih liata bie châ chhopa ta, “Hroh teh!” cha tah na ta, na thisaih liata bie châ chhopa ta, “Hroh teh!” ei cha tah.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

HÔSIA 2:15

Cha liata a kre sadôzy pie pakhua aw na ta, Akhaw Saikao cha, Hnabeiseihna ochhi ta ei tao aw. A thyutlia daihti hawhna khata, Na chyh-ei heih aw ta; Izi râh tawhta a kaw puana no hawhna khata, Eina chyh-ei heih aw.

HÔSIA 2:7

A khopawzy cha chadai aw ta, Châhrasala pha aw vei; Tlua laih aw ta, Hmô aw vei. Cha tita, ‘Ei vahpa tuapa lâ ei kua aw, Kha daihti kha tahmâ tahpa hlâta Ei châta a pha via,’ a tah aw.

MALAKHAI 1:2

“Kyh ei cha pachâ ei” Abeipa ta a tah. Châhrasala nâmo ta, “Kheih hawhta ma kyh cha miah na pachâ?” nama tah. “Esaw kha Zakaw unawhpa châ vei ma? Châhrasala Zakaw kyhpachâ na ta,

RAWMA 5:8

Châhrasala Khazohpa ta a kyhpachâna cha keimo châta vaw paluahsa ta, moleipazy eima châ nota, Krista cha eima châta thi ha ta.

RYHPACHANEINA 4:31

Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.

RUTHI 3:9

“Ahy na châ?” tah ta. Chanô ta “Châ chakaotuhnô Ruthi ei châ. Heinawh hniapa châ chi ta, chavâta châ chakaotuhnô he na poh na hy teh,” tah ta.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.