EZEKIA 16:61 - Mara Bible RV (BSI)

⁶¹ Chatanachata na narôzy, na uhta nata na nawhta zy na hmô ti ei ta, na hrozie parohpazy a kaw thei heih aw chi ta, nâmasasyh ta nâ zakhei kaw aw. Âmo cha na sawchanôzy châ awpa ta cha pie na ta, na hnohta biehrai ei taopa chhôh liata deikua a hlao aw veih ei.

EZEKIA 16:61 ပူးပေါင်းရင်းမြစ်များ

ESTHERI 9:27

Zuzy ta âmo chhâ nata ama pathlazy chhâ liata nata âmo a baipa phopi zydua ta, cha noh nozy cha, châ liata ropa hawhta kô chareih daihti raopa liata hmâh lymâ awpa ta â ipa ta bie a taih ei ta.

HLAZY 119:59

Ei hroziezy pachâ sualuah na ta, Na bieraopazy lâta ei pheizy chakâ na ta,

ISAI 60:4

Na chheipâh zydua mohmia pasaih la, moh tua, Na chyhsa zydua a hmaoh ei ta nâ lâ amâ vy. Na sawchapawzy lâhlapi tawhta a vy aw ei ta, Na sawchanôzy chhao vaw pi aw ei ta, Ama vaw tlô hra aw.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 20:43

Cha liata nama hroziezy nata nama hmotaopazy ta namâ papuapaleipa zydua kha a thei aw ei chi ta, hmo pha leipa nama taopa zydua vâna khata nâmosasyh ta namâ pasi kaw aw.

EZEKIA 36:22

“Chavâta Izarei pathlazy cha hetana heta chho teh. Abeipa Zehôvâh ta hetana heta a tah: Hy Izarei pathlazy saih u, nâmo thapasa vâ châ leipa ta, nama siena râhzy liata nama papuapaleipa ei moh pathaihpa thapasana vâta, he hmo he tao ei chhuahpa a châ.

EZEKIA 43:10

“Hy chyhsa sawchapawpa y, ama paraonazy vâta ama noza sala, Achhyna o sanazie awpa ama thlie thei nawpa ta, Izarei pathlazy cha Achhyna o nothlahpa pamosa mah y.

EZEKIA 44:13

Theihthaipa chakaona rai hria awpa ta nâ vaw hnia leipa aw ei ta, ei hmo pathaihpa kheihawhpa hmahta a hnia hra leipa aw ei ta, hmo pathaih chaipazy a hnia aw veih ei. Hmo pasichhihpa ama taopazy vâta, ama nohzaona maoh ama phaoh tlai aw.

EZEKIA 6:9

Zaozi a khôkhâhpazy chata sei ta amâ chhina phopizy hry tawhta einâ thei aw ei. Amâ phei khohna palôh vâta nâ heihsai ei ta ei palôh pasana nata ama khazoh nothlahpazy liata ama aohraohna mokhaohzy vâta ei palôh pasana zy a thei aw ei ta, hmo pha leipa ama taopazy nata ama pasichhihna zydua vâta, âmosasyh ta amâ pasi aw.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

RAWMA 11:11

Cha khiahta la, amâ chapiana cha ama pao pathlah nawpa a châ ma? Châ bao va! Izarei hia patliasa awpa ta, amâ chapiana vâta Zenitaizy lâ pachhana a vaw tlôpa a châ.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

HEBRAI 7:12

Theihthaipa raihria siezie pananopa a châ khiahta cha, ryhpa chhao panano awpa a byuh tyh.

HEBRAI 8:13

Biehrai thiehpa thâtih a reipa liata, a hmiatuapa cha a parohpa ta tao ta, paroh lymâ ta, a vaw machâ hapa cha, a lei patoh awpa a châ.