EZEKIA 16:57 - Mara Bible RV (BSI)

⁵⁷ na moleina hmôpa a châ hlâta cha, cha hawhta na tao tyhpa châ vei ma? Tahmâ deikua cha, Aramia sawchanôzy nata a chheipâh liata a ypa zydua ta ama reipachhie awpa châ ha bâ chi ta, su to tawhta châ pasipasawh tyhpa Philistinâ sawchanôzy ta ama reipachhie awpa na châ ha hih.

EZEKIA 16:57 ပူးပေါင်းရင်းမြစ်များ

HLAZY 50:21

Cha hmozy cha tao chi ta, Châhrasala a chalih thlâh ha na ta, Nâma hawhpa khiah ma ei châ eina tah chi. Châhrasala tahmâ cha, cha ra aw na ta, Hmiadaisâ ta ei cha leih bâ aw.

ISAI 14:28

He he Bei Ahâza a thi kô ta chhochhieliena bie a vaw tlôpa a châ:

ISAI 7:1

Uzia sawchapawpa Zôthâ sawchapawpa Zudâh bei Ahâza â beina daihti liata, Aramia bei Rezi nata Remâliah sawchapawpa Izarei bei Pekâ cha Zerusale a dyuh awpa ta khyhnao ei ta, châhrasala pahnie thei leipa ei ta.

ZEREMIAH 33:24

“He chyhsazy ta, ‘Abeipa ta â tlyhpa phopi miano cha a thy ha ei,’ tahpa ta ama reipa pachâ beih va chi ma? Cha hawhna chata ei phopi cha mohnao ei ta, âmo mohmô liata la phopi tah tlâh chhao châ khao veih ei.

CHAPHÔHTUNA 4:22

Hy Zaio sawchanô y, Na paraona vâta hriena cha a ki ha ta, Abeipa ta seichâna râh liata cha paysa khao aw vei; Hy Edômâ sawchanô y, Nâ deikua cha na paraona vâta Abeipa ta cha hrie aw ta, Na moleinazy a palâhâh khai aw.

EZEKIA 16:27

Chavâta pachâ teh, na chô liata ei ku hypa ta, na tovyuh pachyh na ta, na chariahpazy khohlei khona lâ ei cha hlâ haw. Na sihryhna hro a zakhei kaw tyhpa Philistinâ sawchanôzy ku lia tlai ta ei cha hlâ haw.

EZEKIA 16:56

Nâ palai kaw tyhna nohzy liana khata cha, na narônô Sawdawmâ cha na pakah my papaina châta hmâh tyh chi ta,

EZEKIA 21:24

“Chavâta Abeipa Zehôvâh ­ta hetana heta a tah: Nama thaileichâna a thei thlâh ha awpa ta nama tao hapa vâta, nama paraonazy a vaw lâ ta, nama hmotaopa zydua liata nama moleinazy â lâ lymâ. A thei thlâh hapa nama châpa vâta, ku ta patupa nama châ aw.

EZEKIA 22:4

Thisaih na palona liata thailei châ ha chi ta, khazoh nothlahpa na taopazy ta a papuapaleipa ta, na nohzy pahniasa chi ta, na kôzy a vaw tlô haw. Chavâta phopizy ta ama reipachhie awpa ta cha tao na ta, râh zydua ta ama pahneisao awpa ta ei cha tao haw.

EZEKIA 23:32

Abeipa Zehôvâh ta hetana heta a tah: “Na narônô nyu doh aw chi ta, Nyu tôh seihpa nata nyu laipa tlai na doh aw; A hluhpi â tlôhpa nyu a châpa vâta, Pahneisaopa nata zakheipa na châ aw.

EZEKIA 27:16

Hmo hluhpi na hneipa vâta, Aramia chhao ta châ daoh ta, lôsôhpa nohpa, poh nohsaihpa, poh kiky zeipa, pala rih dipa, taikuh lô nata rubi lôsôhpazy vaw phaoh ei ta, na hmozy nata ama cha ri tyh.

EZEKIA 5:14

“Roryhrapa ta cha tao aw na ta, na chheipâh phopi zydua hry liata nata châ chapiapa zydua mohmô liata mohnaochhihpa ta ei cha tao aw.

EZEKIA 5:15

Hiehâhpa nata ruchhôpa ta thata cha chhoreipa ta, ei cha hrie tita, na chheipâh liata phopizy ta ama mohnaopa nata pasipasawhpa châ aw chi ta, âmo châta zikyurâna nata pachhiparyna na châ aw. Kei, Abeipa ta ei reih haw.

HÔSIA 2:10

A khopawzy mohmô lia tlai ta, Thluahruapa ta soh aw na ta, Ahy ta hmah ei ku tawhta pachha thei aw vei.

HÔSIA 7:1

Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

ZEPHANIA 3:19

Pachâ teh, cha daihti liata cha, Châ tlybaituhpa zydua ei hrie aw ei; Pheisypazy pachha aw ei na ta, Paipatlapazy ei chhi pakhy heih aw ei. Chatanachata nozapa ta ama paysana râh zydua liata, Palyupalihna nata moh phana ei patosa aw ei.

MALUHREINA 23:7

Bâlâma ta a bie daopa cha reih ta: “Aramia tawhta Bâlâka ta nâ vaw chhi ta, Nochhi tlâhpizy tawhta Môabâ bei ta einâ vaw chhi; ‘A vy la, Zakaw chhie na sapa teh, A vy la, Izarei thailei pachâsa teh!’ eina tah.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.