EZEKIA 16:52 - Mara Bible RV (BSI)

⁵² Na narôzy thai ama châ thei nawpa ta a duakheituhpa lâta na pua hapa vâta, maophyuhna cha na phaoh tlai awpa a châ. Âmo moleina hlâta pasichhih viapa moleinazy na taopa vâta, âmo cha nâma hlâta a do viapa ta na papua ha ei. Chavâta nâ chhao nozapa ta y la, na nohzaona phaoh teh. Na narôzy chyhsa siapa hawhta na tao ha ei hih.

EZEKIA 16:52 ပူးပေါင်းရင်းမြစ်များ

ÂTHAONA 38:26

Zudâh ta cha hmozy cha a hmiasiah ta, “Ano cha kei hlâta a sia via, ei sawchapawpa Selâh ei pahneisa leipa vâta a châ,” tah ta. Cha khai tawhta, Zudâh ta Tâmâri cha a zialâh khao vei.

1 ABEIZY 2:32

Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

ZEREMIAH 23:40

Chatanachata chhâzaw reipachhiena nata kôzaw maophyuhna my thei leipa cha nama chô liata ei vaw patlôsa aw.”

ZEREMIAH 3:11

Abeipa ta ei hnohta hetana heta tah heih ta: “Ngiapâ leipa Izarei ta a narônô haiphiahnô Zudâh hlâta tlao a sia vianazie a palâsa.

ZEREMIAH 31:19

Lâpi ei tlei khai tawhta, Ro na ta; Ei vaw pahno thai tawhta, Ei byhpi ei chô. Ei thyutlia nota maophyuhna ei phaopa vâta, Nozapa nata nohzaopa ta ei y.’

ZEREMIAH 51:51

‘Chi hropazy vaw tlô ei ta, Abeipa o su pathaihpazy liata amâ ngiapa vâta, Reipachhiena biezy eima thei; Nozapa ta y pi ta, Nohzaona ta eima hmia a khu haw.’

EZEKIA 16:47

Ama hroziezy a chhih chi ta, pasichhihpa hmo ama taopazy na tao hrapa dei châ leipa ta, daihti chyuta chhôh ta, na moleina nata na hrozie zydua liata âmo hlâta na paru via haw.

EZEKIA 16:48

Ei hrona reipa ta ei reih, nâ nata na sawchanôzy ta nama taopa hawhpa he, na narônô Sawdawmâ nata a sawchanôzy hmahta tao veih ei, Abeipa Zehôvâh ta a tah.

EZEKIA 16:53

“Ama pano ta vânoh ei patosa heih aw ei. Sawdawmâ nata a sawchanôzy vânoh patosa heih aw ei na ta, Samâri nata a sawchanôzy vânoh ei patosa heih aw ei. Nâ chhao ama hry liata vânoh ei cha patosa heih hra aw.

EZEKIA 16:54

Chatanachata na nohzaona phaoh aw chi ta, na hmotaopa zydua vâta nozapa ta y aw chi ta, âmo châta hnangâhna na châpa aw ei.

EZEKIA 16:56

Nâ palai kaw tyhna nohzy liana khata cha, na narônô Sawdawmâ cha na pakah my papaina châta hmâh tyh chi ta,

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 32:24

“Cha liata Elâmi y ta, a thlâ chheipâh liata a sahlaozy y ei ta, ama zydua zaozi ta thiepa ta a paopazy ama châ. Chopawtaileipa ta alei ry lâ a zupazy châ ei ta, ahrohpazy râh chichhihpa ta a taotuhpazy ama châ. Khaohtlô liata a tla hapazy hnohta nozapa ta ama y.

EZEKIA 36:15

Râhzy ta ama cha reipachhiena thei khao leipa aw chi ta, phopizy mohnaopa châ khao hra leipa aw chi ta, na râh papaosa khao aw va na,” Abeipa Zehôvâh ta a tah.

EZEKIA 39:26

Ahy hmahta âmo cha pachisa khao leipa ta, ama râh liata chhôhmohpa ta ama pahrâ tita, ama nozana nata ei chô liata ama paraona zydua ama my khai ha aw.

EZEKIA 44:13

Theihthaipa chakaona rai hria awpa ta nâ vaw hnia leipa aw ei ta, ei hmo pathaihpa kheihawhpa hmahta a hnia hra leipa aw ei ta, hmo pathaih chaipazy a hnia aw veih ei. Hmo pasichhihpa ama taopazy vâta, ama nohzaona maoh ama phaoh tlai aw.

HÔSIA 10:6

Asuria lâ phaopa châ aw ta, Bei laipa ama pie aw. Epharai cha nozapa ta y aw ta, A khazoh nothlahpa vâta Izarei cha hmiachhiepa ta a y aw.

LUKA 6:37

“Sei khah u, chatanachata seipa ta y aw veih ei chi. Ahy hmah thailei pachâsa khah u, chatanachata thailei pachâsapa ta y aw veih ei chi. A ngiahthai teh u, chatanachata a ngiahthaipa nama châ aw.

RAWMA 1:32

Cha hawhpa hmo a taopazy cha, a thi tlâh ama châ tahpa Khazohpa bieraopa pahno thlâh hana chôta, âmo taopa dei châ leipa ta, mohropazy taopa chhao amâ lykhei tyh.

RAWMA 2:10

Hmopha a taotuhpa chô liata deikua cha, rônahna nata palyupalihna nata thlalôhna zy vaw tlô aw ta, Zu chyhsa chô liata tlô tua aw ta, Krikâh chyhsa chô liata chhao a tlô aw.

RAWMA 6:21

Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

1 SAMUELA 24:17

Dâvi hnohta, “Keima hlâta na sia via syulyu na, nâ cha ei chô liata hmo phapa tao chi ta, kei deikua cha, hmo chhiepa ta viari ei cha thô.