EZEKIA 16:5 - Mara Bible RV (BSI)

⁵ Tha cha pasapa ta, cha hmozy miakha chhâ na châta tao awpa ta, ahy mokhaoh ta hmahta cha ngiachhie vei. Lyurâhpa liata thypa tlao châ chi ta, na pi noh tawhta pasichhihpa na châ.

EZEKIA 16:5 ပူးပေါင်းရင်းမြစ်များ

ÂTHAONA 21:10

Chavâta Sârâ ta Abarahâ hnohta, “Hao seichanô nata a sawchapawpa hao papua teh. Hao seichanô sawchapaw hao ta ei sawchapawpa Aisika he ryu a tolâh awpa châ vei,” tah ta.

PUASAINA 1:22

Chatawcha Phiraoh ta a phopi zydua hnohta, “Hebrai sawchapaw a pihpa maih Nile chavah liata thy lymâ aw ei chi ta, sawchanô deikua nama pahlôh aw,” tahpa ta biepie ta.

ISAI 49:15

“Chanô ta a saw sâhpi a ngiehpa a my thei aw ma? A chhi tawhta a puapa ngiachhie leipa ta a y aw ma? Chanôzy ta la ama sawzy ama my ngyu na, Kei deikua ta la cha my aw va na.

ZEREMIAH 22:19

Alâ pabupa hawhta Zehôki cha pabupa a châ aw; Zerusale thokhy khô lâ a daophi aw ei ta, Cha liata ama thy aw.”

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

CHAPHÔHTUNA 2:19

Thyu la, zâ ta awh la, Zâ vaina athaona maihta awh tyh mah y! Abeipa ypâna hmiakô liata, Na palôh ti hawhta patlai mah y! Khiliah su to liata nodipa ta a panaopa na sawzy châta, Ano lâ na ku pazawh mah y!

CHAPHÔHTUNA 4:10

Ngiachhiena ta a biepa chanôzy ta Âmo ku tlai ta ama sawzy chhoh ei ta; Ei phopi sawchanô raona â tyhna daihti liata Ama nie awpa lâta amâ lie haw.

CHAPHÔHTUNA 4:3

Changiezy hmahta ama tawzy sâhpi pie ei ta, Pazysana châh ama pahno; Ei phopi sawchanô deikua cha nôchhiepa lâta pua ha ta, Râhchawhpa liata pavawpizy a lyu bâ.

EZEKIA 16:6

“‘Cha vaw chapiapa ta, na thisaih nâ hlaopa ei hmô nahta, na thisaih liata bie châ chhopa ta, “Hroh teh!” cha tah na ta, na thisaih liata bie châ chhopa ta, “Hroh teh!” ei cha tah.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

MALUHREINA 19:16

Ahy rai lyurâhpa liata zaozi ta thiepa tlyma, pihthi ta a thipa tlyma, chyhsa rupa tlyma, thlâ tlyma a hriapa maih cha, noh sari chhôh pathaih leipa a châ aw.

RYHPACHANEINA 32:10

“Abeipa ta Zakaw cha râhchawhpa liata hmô ta, Râh chhiepa nata râh raohpa liata a hmô. Ano cha chahlôchaeipa ta mohôh ta, A mosaw hawh tlai ta a khâsia.