EZEKIA 16:41 - Mara Bible RV (BSI)

⁴¹ Na ozy mei ta rao aw ei ta, chanô hluhpi mohmô liata na thâtih ama pachia aw. Â zuah khao lei awpa ta cha tao aw na ta, nâ zuahnaopazy hnohta hlao pie khao aw va chi.

EZEKIA 16:41 ပူးပေါင်းရင်းမြစ်များ

2 ABEIZY 25:9

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

ZAWBÂ 34:26

Ama moleina vâta âmo cha, Chyhsa zydua hmô theina su liata a tu ei;

ISAI 2:18

Khazoh nothlahpazy cha ama leidia khai aw.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ZEREMIAH 39:8

Kaldia mo ta abei o nata khihsaw o zydua mei ta rao ei ta, Zerusale thokhyzy cha parao ei ta.

ZEREMIAH 52:13

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

EZEKIA 11:9

Khihpi tawhta cha papuapa ta, chihropazy ku liata cha hlâ aw ei na ta, nama thâtih ei pachia aw.

EZEKIA 16:33

Âzuahnô zydua hnohta lymâ pie tyhpa châ ta, nâ deikua cha na khopaw zydua lymâ tlao pie chi ta, su to tawhta nâ lâ a vy ei sala, nâ pheikhei thei nawpa ei ta, na panaopapa tyh ei.

EZEKIA 23:10

Âmo chata thluahruapa ta soh ei ta, a sawchapawzy nata a sawchanôzy lapa ei ta, ano chhao zaozi ta ama thie haw. Chatanachata a thâtih pachiapa a châ tita, chanôzy hry liata pakhona bie ta hmâpa a vaw châ haw.

EZEKIA 23:27

Na aohraohna nata Izi râh tawhta pathaopa ta nâ zuana zy kha pachhâsa aw na ta, chatanachata âmo lâ na mo khaih khao leipa aw chi ta, Izi chhao a thei khao aw va chi.

EZEKIA 23:48

Cha hawhna chata aohraohna cha râh tawhta pahlei aw na ta, cha cha chanô zydua châta zikyurâna châ aw ta, nama aohraoh tyhpa hawhna khata aohraoh khao leipa ta nama y ha aw.

EZEKIA 37:23

Ama khazoh nothlahpazy nata ama hmo pasichhihpazy ta a papuapalei khao leipa aw ei ta, ama paraonazy ta a papuapalei khao aw veih ei. Ama moleina nata hnôh amâ syna zydua tawhta pachha aw ei na ta, ei pathaisa aw ei. Ei phopi châ aw ei ta, ama Khazohpa ei châ aw.

EZEKIA 5:15

Hiehâhpa nata ruchhôpa ta thata cha chhoreipa ta, ei cha hrie tita, na chheipâh liata phopizy ta ama mohnaopa nata pasipasawhpa châ aw chi ta, âmo châta zikyurâna nata pachhiparyna na châ aw. Kei, Abeipa ta ei reih haw.

EZEKIA 5:8

Abeipa Zehôvâh ta hetana heta a tah: Pachâ teh u, keima tlai ta châ dyuh aw na ta, phopizy mohmô liata ei cha hrie aw.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

ZEKARIA 13:2

“Pheisaihzy Abeipa ta hetana heta a tah: Cha noh liata khazoh nothlahpa mohzy cha râh tawhta phie aw na ta, a thei thlâh khao aw veih ei. Hrohsopazy nata thlahpa puapazy chhao râh tawhta ei papua khai ha aw ei.

RYHPACHANEINA 13:11

Chatanachata Izarei saw zydua ta thei aw ei ta, chi aw ei ta, nama hry liata cha hawhpa moleina chichhihpa cha tao khao aw veih ei.

RYHPACHANEINA 13:16

Hraona sôh zydua khihpi tlyliah khophie liata pahmaoh aw ei chi ta, khihpi nata hraona sôh zydua cha Abeipa nama Khazohpa lâta raopa hlâna ta tlokhuh mei ta nama rao khai aw. Cha khihpi cha chhâzaw ta lei byuhpa ta y aw ta, sa pathi heihpa châ khao aw vei.

RYHPACHANEINA 22:21

a paw o liata sihryhpa ta y ta, Izarei liata hmo molei ngaitapa a taopa vâta, chanô cha a paw o chhikao lâ a chhi aw ei ta, a yna khihpi liata chyhsazy ta alô ta ama vawhsao awpa a châ. Cha hawhna chata nama hry liata hmo phaleipa cha nama pahlei awpa a châ.

RYHPACHANEINA 22:24

khihpi chhôh liata a y thlâh hapa tlai ta chanô ta a awh leipa vâta nata chapaw chhao a vaih lapinô moh a pachhiepa vâta, ama pano ta khihpi thokhy chhikao lâ a chhi aw ei chi ta, alô ta nama vawhsao awpa a châ. Cha hawhna chata hmo pha leipa cha nama hry tawhta nama pahlei awpa a châ.

1 TIMAWTHY 5:20

Moleina taotuhpazy cha, zawpi hmiakô liata chhorei la, chatanachata mohropazy chhao ta ama chi aw.