EZEKIA 16:40 - Mara Bible RV (BSI)

⁴⁰ Châ dyuh awpa ta zawpi a vaw chhi aw ei ta, alô ta cha vawh aw ei ta, zaozi ta na chhitlyuna taihta ama cha vieh aw.

EZEKIA 16:40 ပူးပေါင်းရင်းမြစ်များ

2 THÂTIHZYRONA 36:17

Chavâta âmo a dyuh awpa ta, Abeipa ta Kaldia bei pathyusa ta, ano ta ama satliazy ama supathaihpa o liata zaozi ta thie ta, satlia nata laihsa, machâpa nata pawpi nôpipazy chhao ngiachhiena rai hnei leipa ta thie lymâ ta. Abeipa ta Zerusale khihsawzy cha Kaldia bei ku liata a hlâ khai ha ei.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

EZEKIA 23:10

Âmo chata thluahruapa ta soh ei ta, a sawchapawzy nata a sawchanôzy lapa ei ta, ano chhao zaozi ta ama thie haw. Chatanachata a thâtih pachiapa a châ tita, chanôzy hry liata pakhona bie ta hmâpa a vaw châ haw.

EZEKIA 23:25

Ei hiatliana na chô liata patlôsa aw na ta, hiehâh ngaitapa ta na chô liata hmo ama tao aw. Na hnapasuzy nata na nakhaohzy chhawh pathlah aw ei ta, a laibâhpazy zaozi ta ama pao aw. Na sawchapawzy nata na sawchanôzy cha lapa aw ei ta, a laibâhpazy cha mei ta a kâsao aw ei.

EZEKIA 23:47

Zawpi ta alô ta vawh aw ei ta, ama zaozi ta ama chhawhsao aw. Ama sawchapawzy nata ama sawchanôzy thie aw ei ta, ama ozy mei ta ama rao aw.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.