EZEKIA 16:3 - Mara Bible RV (BSI)

³ a hnohta, ‘Abeipa Zehôvâh ta Zerusale hnohta hetana heta a tah: Na puana râh nata na pina râh cha Kâna râh châ ta, na paw cha Amawri chyhsa châ ta, na nô cha Hiti chyhsa a châ.

EZEKIA 16:3 ပူးပေါင်းရင်းမြစ်များ

ÂTHAONA 11:25

Terâ a sa tawhta Nâhaw cha kô 119 hroh ta, sawchapaw nata sawchanô hropazy sa via ta.

ÂTHAONA 11:29

Abarâ nata Nâhaw cha lapinô hnei ei ta. Abarâ lapinô moh cha Sârai châ ta, Nâhaw lapinô moh cha Harânâ sawchanô Milkâ a châ. Harânâ cha Milkâ nata Iskâ paw a châ.

ÂTHAONA 15:16

Amawri mo moleina kih a tlô mâh leipa vâta, chhâ palihna liata, he su liana heta ama vaw kua aw,” tah ta.

1 ABEIZY 21:26

Abeipa ta Izarei sawzy hmiakô liata a papuapa Amawri mo hmotaopa to hawhta tao ta, khazoh nothlahpazy a chhypa ta hmo pasichhih ngaitapazy a tao tyh.

2 ABEIZY 21:11

“Zudâh bei Manase ta he hmo pasichhih ngaitapazy he tao ta, râh liata a pahrâ tuapa Amawri mo hlâ chhao ta hmo moleipa thata tao via ta, Zudâh chhao ano nothlahpa achhyna liata a pamoleisa hra.

EZRÂ 9:1

Cha hmozy taopa a châ khai nahta, beimachâzy kei lâ a vy ei ta, ei hnohta, “Izarei sawzy nata theihthaipazy nata Livai pathlazy ta he râh liata a vaw pahrâpa phopizy tawhta a panano leipa ei ta, Kâna mo, Hiti mo, Perizi mo, Zebu mo, Amawna mo, Môabâ mo, Izi mo nata Amawri mo hmotaopa pasichhihpazy ama tao hra.

NEHEMIAH 9:7

“Nâ cha Zehôvâh Khazohpa châ chi ta, Abarâ a tlyhtuhpa na châ. Ano cha Kaldia râh Ur khihpi tawhta a chhi papuatuhpa nata Abarahâ tahpa ta a moh a bituhpa na châ.

ISAI 1:10

“Nâmo, Sawdawmâ ryureituhpazy saih u, Abeipa bie thei u la, Nâmo, Kawmawrâ mo saih u, Eima Khazohpa pachuna bie lâ nama nah pachôh teh u!

ISAI 43:27

Châ pathlatuhpa hmiatuachaipa khata molei ta, Na lyuhchâpazy ta hmo eina parao thlu ei.

EZEKIA 16:2

“Chyhsa sawchapawpa y, Zerusale cha a pasichhihnazy pahnosa la,

EZEKIA 16:4

Na pina kyh liata, na pi noh ta na liahri âpa châ leipa ta, cha pathai awpa ta ti ta pasipa châ leipa chi ta, alôh hniapa châ hra leipa chi ta, nawh poh ta pahlypa châ hra va chi.

EZEKIA 16:45

Na nô lyu chi ta, a vahpa nata a sawzy a dythapa sawchanô na châ. Na narôzy narô châ chi ta, ama vahpa nata ama sawzy a dythapazy narô na châ. Na nô cha Hiti chyhsa châ ta, na paw cha Amawri chyhsa a châ.

EZEKIA 21:30

“‘Zaozi cha a paih liata khô heih mah y. Paysapa na châna su, na puana râh lia tlai ta, ei cha pachia aw.

MATHAI 11:24

Châhrasala ei cha chho ei, ryureina noh liata la, nâma pasa taopa hlâta Sawdawmâ râh pasa taopa a zie a y via aw,” tah ta.

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

LUKA 3:7

Bâti châ awpa ta ano lâ zawpi a vypazy hnohta Zawhâna ta, “Nâmo, vâzi pathlazy saih u, hiehâhna vaw tlô awpa a râsai awpa ta ahy ma zikyu châ râ ei?

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

RYHPACHANEINA 20:17

Abeipa nama Khazohpa ta bie a cha piepa hawh ei ta, Hiti mo, Amawri mo, Kâna mo, Perizi mo, Hivi mo nata Zebu mozy cha tlokhuh nama pahleipadia khai awpa a châ.

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

ZAWSUA 13:4

Kâna râh zydua nata Sidaw râh Merâ tawhta Amawri râhri Aphe khih taih;

ZAWSUA 24:14

“‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.