EZEKIA 16:26 - Mara Bible RV (BSI)

²⁶ Na opapa Izi chyhsa aohraohpazy liata sihryh chi ta, ei hie na pahâh awpa ta, na sihryhna na papôh via rili.

EZEKIA 16:26 ပူးပေါင်းရင်းမြစ်များ

1 ABEIZY 12:28

Abei cha chyhsa a saohiah ta, ngôh viahchaotaw pô no tao ta. Zawpi hnohta, “Zerusale lâ khy ngâ thlâh hapa cha nâmo châta rairu ngaitapa a châ. Chavâta Hy Izarei sawzy, moh teh u, hezy he Izi râh tawhta châ kaw chhi papuatuhpa nama khazohzy ama châ hih,” tah ta.

PUASAINA 32:4

Arawna ta ngôh rahy ama vaw piepazy cha la ta, viahchaotaw nothlahpa leih ta, ngôh daina chhaichhi hmâpa ta â ngia kawpa ta daih ta. Zawpi ta, “Hy Izarei, he he Izi râh tawhta châ kaw chhi papuatuhpa na khazoh a châ hih” tah ei ta.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

EZEKIA 23:3

Izi râh liata sihryh ei ta, ama laihsa no tawhta a sihryhpa ama châ. Ama sâhpizy hmiepa ei ta, ama laihsa kôna sâhpizy ama hriapa.

EZEKIA 23:8

Izi râh liata a y no tawhta a pathao hapa a sihryhna kha bâhsai vei. A laihsa no tawhta chapawzy ta a ziakhei ei ta, a laihsa kôna sâhpizy hria ei ta, ama aohraohna sihryhna a chô liata ama lei thlu tyh.

EZEKIA 8:10

Chatanachata a ngia na ta, hmô na ta. Alyhpasa to nothlahpazy, sahrâhpa pasichhihpa nothlahpazy nata Izarei pathlazy khazoh nothlahpa zydua cha, thokhy pâhchhô a chheipa ta khiepa châ ta.

EZEKIA 8:14

Chatawhcha Abeipa o maw thokhy chhikao angiana lâ nâ chhi ta, cha liata chanôzy cha Tâmu chakheipa ta a tyuh ei ta.

EZEKIA 8:17

Abeipa ta ei hnohta, “Hy chyhsa sawchapawpa y, kha kha na hmô ma? Zudâh pathlazy ta he su liata hmo pasichhihpa ama taopazy he, hmo chyh nawhpa ma a châ? Râh he atudaina ta pabiepa ta, ei hie na pahâh via rili amâ chhuahpa ma a châ tly? Moh tua, chhobuh ta ama hnapasu amâ pakhâ huh.

THEIHTHAINA 15:3

He he chapaw châna tawhta hniah a puapa vâta pathaih leina ryhpa a châ: Hniah cha a pua pazao ngâ thlâh ha tlyma, â chalih ha tlyma, pathaih leipa a châ khai.

ZAWSUA 24:14

“‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.