EZEKIA 15:6 - Mara Bible RV (BSI)

⁶ “Chavâta Abeipa Zehôvâh ta hetana heta a tah: Râhmâhpa thozy hry liata, kre zôh cha mei liata ei ti hapa hawhta, Zerusale khihsawzy chhao ei tao aw ei.

EZEKIA 15:6 ပူးပေါင်းရင်းမြစ်များ

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 25:18

Tanoh duahmo hawhna heta, roryhrapa nata rypa ta paysapa awpa nata hmaotô chiepa nata chhiesapa ta paysa awpa ta, Zerusale nata Zudâh khihpizy nata a beizy nata beimachâzy;

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

EZEKIA 15:2

“Chyhsa sawchapawpa y, kre zôh tho cha râhmâhpa liata tho chiahzy hlâta kheihawh ta ma a pha via tly?

EZEKIA 15:4

Moh teh, kre zôh cha mei pati nawpa châ deita ta hmâpa a châ. Mei ta a chao nata a luh kâ ta, a liah chhao a pa-u tyh. Phahnaina a hnei rai ma?

EZEKIA 15:5

Pachâ tua, â bohpa ta a y no hmahta phahnaina hnei leipa ta, mei ta kâ ta, a pa-u ha tawhta chhochhi cha, phahnaina a hnei lei via pachai aw dia!

EZEKIA 15:7

Ei heihnao aw ei. Mei tawhta pua hra ei sala, mei ta kâ khai pyly aw ei ta, ei heihnao ti ei ta, Abeipa ei châ tahpa nama pahno aw.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.