EZEKIA 14:6 - Mara Bible RV (BSI)

⁶ “Chavâta Izarei pathlazy hnohta, ‘Abeipa Zehôvâh ta hetana heta a tah: Ro u la, nama khazoh nothlahpazy a heihsaipa ta vaw kua u la, nama pasichhihna zydua a heihsaipa ta vaw kua ha muh vy,’ tahpa ta chho teh u.

EZEKIA 14:6 ပူးပေါင်းရင်းမြစ်များ

2 THÂTIHZYRONA 29:6

Miah pathlatuhpazy khata ngâchhih leipa ei ta, Abeipa eima Khazohpa mohmô liata hmo pha leipa ama tao haw. Ano cha a heihsai ei ta, Abeipa pahrâna su cha ama hmia nyusai ei ta, hnôh ama chhy haw.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

EZEKIA 14:4

Chavâta âmo chho la, ama hnohta hetana heta tah mah y: ‘Abeipa Zehôvâh ta hetana heta a tah: Izarei pathla ahy rai ta, a khazoh nothlahpazy a palôh liata soh ta, a paraona ahluana lô a hmia liata sona chôta hrohsopa lâ a pangaipa maih cha, kei Abeipa heta a khazoh nothlahpa hluhzie lymâ hawhta ei chhy aw.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 18:30

“Chavâta Hy Izarei pathlazy saih u, chyhsa to nama hrozie chyu hawhta ei cha pachia aw ei,” Abeipa Zehôvâh ta a tah. “Ro u la, nama paraona zydua a heihsai ha muh vy. Chataleipatala paraona cha nama raona a châ pathlei aw na.

EZEKIA 8:16

Chatawhcha Abeipa o chhôh tlyhmia lâ nâ chhi ta. Abeipa Achhyna o lâ angiana, aikah nata maisâh likawh liata, chyhsa pakih nata papangawh rachhôh â tyuhpa hmô ei na ta. Abeipa Achhyna o hnôhchhypa ta a tyuh ei ta, nochhi lâ hmiachhypa ta, nochhi lâ tawhta noh a kaw chhipa cha a chhy ei ta.

EZEKIA 8:6

Abeipa ta ei hnohta, “Chyhsa sawchapawpa y, ama hmotaopa kha na hmô ma? Ei supathaihpa chhao lâhlapi lâ siesai pâ ngâ awpa taihta, he su liata Izarei pathlazy hmo pasichhih ngaitapa taopa kha na hmô ma? A heih tua, he hlâta pasichhih via syulyupazy na hmô via aw,” tah ta.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

ZEPHANIA 3:11

“Cha noh liata cha, Ei chô liata moleina hmo taopa ta, Einâ dyuhnazy vâ chi ta, Maophyuhpa ta paysapa châ khao aw va chi. Thaphapa ta namâ palaikhei kaw tyhpazy cha, Nama hry tawhta la aw na ta, Ei tlâh pathaihpa liata Akhotlâhpa ta y heih khao aw veih ei chi.

ZEKARIA 1:4

Châ pathlatuhpazy hawhna khata y khah u. Hrohsopa hmiatuapazy ta, ‘Pheisaihzy Abeipa ta hetana heta a tah, nama moleina lâpi tawhta nata nama moleina hmotaopazy tawhta tahmâ vaw kua teh u,’ tahpa ta zikyu a râ ei ta, châhrasala nathlie leipa ei ta, na uasa hra veih ei,” Abeipa ta a tah.

HMOTAOPAZY 17:30

Pahno leina daihtizy kha cha Khazohpa ta pahno lei â pachâ tyh, tahmâ deikua cha su to liata chyhsa zydua ro awpa ta bie a pie haw.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

RAWMA 6:21

Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.